Müharibədən sonra Dağlıq Qarabağa xarici investisiya axını şübhəsizdir - İqtisadçı
Tarix: 24.10.2020 | Saat: 14:31:00 | E-mail | Çapa göndər


Dağlıq Qarabağ müharibəsi bitər-bitməz xarici investorların azad edilmiş ərazilərimizə yatırım etmək üçün gizli mübarizəsi başlayacaq.

Bunu Trend-ə iqtisadçı ekspert Eldəniz Əmirov deyib.

Onun sözlərinə görə, xarici investisiyanın cəlb edilməsində münaqişə ocağının mövcudluğu böyük problem idi. Lakin bu münaqişə ocağı qaldığı halda belə bu illər ərzində respublikamıza kifayət qədər xarici investorlar maraq göstərib və bu maraq böyük ölçüdə investisiyaların reallaşdırılması ilə nəticələnib.

Belə ki, 1995-2017-ci illər ərzində ölkə iqtisadiyyatına ümumilikdə 125.5 mlrd. ABŞ dolları məbləğində xarici investisiya daxil olub ki, bunun da 95%-dən çoxu 2000-2017-ci illərdə baş verib. Bu dövrdə ölkəyə daxil olan bütün xarici investisiyanın 29.2 mlrd. dolları Azərbaycan hökumətinin və ayrı-ayrı dövlət və özəl qurumlarının beynəlxalq maliyyə-kredit təşkilatlarından cəlb etdikləri maliyyə kreditləri, 77.8 mlrd. dolları isə birbaşa investisiyalar olmuşdur. Qalan 13-14 milyard dolları isə digər investisiyaların payına düşüb:

"Rəqəmlərdən də göründüyü kimi, hələ Dağlıq Qarabağ kimi bir münaqişənin qaldığı bir məqamlarda ölkə rəhbərliyi yetərincə xarici investorları cəlb etməyi bacarmışdır. Bu münaqişənin zəfərlə həllindən sonra xarici investisiya axınının artım dinamikasının müşahidə ediləcəyi şübhəsizdir. Çünki investisiyalarla bağlı qərarlara təsir edən amillər sırasında ilk yerdə ölkədə siyasi sabitlik və təhlükəsizlik gəlir. Bunun ardından hüquqi və tənzimləyici mühit, daxili bazarın miqyası, makroiqtisadi sabitlik və s. sıralanır. Göründüyü kimi, Qarabağ müharibəsinin Azərbaycanın zəfəri ilə bitməsi xarici investisiya mühiti üçün heç vaxt olmadığı qədər münbit şərait yaradacaq. İllər boyu mövcud olan siyasi sabitliklə yanaşı, müharibə zəfərindən sonra təhlükəsizliyin də təmin edilməsi, münaqişə ocağının yox edilməsi respublikamızı xarici investorların tam diqqət mərkəzinə çevirəcək. Hətta, mən deyərdim ki, artıq bu istiqamətdə bir oyanış var, xarici investorlar maraq göstərməyə başlayıb və müəyyən vasitələrlə Azərbaycan höküməti ilə danışıqlar aparmağın fürsətini gözləyirlər.

Çünki istər hazırda müharibə gedən rayonlarımızda, istərsə də ətraf rayonlarda investisiya yatırıb böyük mənfəət əldə etmək üçün kifayət qədər potensial var. Odur ki, müharibə bitər-bitməz xarici investorların azad edilmiş ərazilərimizə yatırım etmək üçün gizli mübarizəsi başlayacaq".




 
Bölməyə aid digər xəbərlər
24.11.2020
“Sosial müavinətlər haqqında” qanuna təklif edilən dəyişikliklər təsdiqləndi
24.11.2020
Şuşa yolunun tikintisi davam edir: Torpaq işləri aparılır
23.11.2020
Azərbaycanda istehsal olunan minik avtomobillərinin sayı açıqlanıb
23.11.2020
Əmlakın siyahıya alınması qaydasında dəyişiklik edilib
23.11.2020
Fars körfəzi dəmiryolu ilə Xəzərə birləşəcək

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11858

1 “Türkvizyon“ gələn il Şuşada keçiriləcək
2 Mədəniyyət Nazirliyi “Xristian irsimizi tanıyaq” layihəsini təqdim edir
3 Сирийская террористка: мы помогали армянским оккупантам воевать в Карабахе
4 “Azərbaycançılıq ideyası - dünya azərbaycanlılarının istinad mənbəyi” adlı kitab nəşr olunub
5 “İncəsənət videomühazirələri” adlı yeni layihəyə başlanılıb


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info