CAR-ın nüfuzlu “The New Age” qəzetində Azərbaycanla bağlı məqalə dərc edilib
Tarix: 08.11.2013 | Saat: 17:57:00 | E-mail | Çapa göndər


Cənubi Afrika Respublikasının geniş oxucu kütləsinə malik ingilisdilli “The New Age” qəzetində Azərbaycanla bağlı məqalə dərc edilib.
Məqalənin müəllifi III Bakı Beynəlxalq Humanitar Forumunda iştirak etmiş Cənubi Afrika Beynəlxalq Münasibətlər İnstitutunun professoru, keçmiş səfir, “Azərbaycanın Cənubi Afrikadakı Dostları” qeyri-hökumət təşkilatının təsisçilərindən biri Tomas Vilerdir.
Azərbaycanın Cənubi Afrika Respublikasındakı səfirliyindən verilən məlumata görə, müəllif III Bakı Beynəlxalq Humanitar Forumunda dünyanın müxtəlif ölkələrindən çoxsaylı nümayəndələrin, eləcə də sabiq prezidentlərin, Nobel mükafatı laureatlarının, ictimai-siyasi, mədəniyyət xadimlərinin iştirak etdiklərini diqqətə çatdırır.
Forum iştirakçılarının Azərbaycanın bölgələrinə də səfərlərinin təşkil edildiyini yazan T.Viler özünün Naxçıvan Muxtar Respublikasında olduğunu, burada gördüklərinin onda gözəl təəssüratlar yaratdığını bildirir. Müəllif yazır ki, Bakıda olduğu kimi, Naxçıvanda da böyük abadlıq, quruculuq işləri aparılıb.
T.Viller məqalədə Dağlıq Qarabağ münaqişəsinə də toxunaraq, Ermənistanın Azərbaycana qarşı hərbi təcavüzünün bir milyondan artıq azərbaycanlının öz doğma yurdlarından didərgin düşməsi ilə nəticələndiyini oxucuların diqqətinə çatdırır.
Azərbaycanın uğurlu enerji siyasəti haqqında məlumat verən müəllif bu ölkənin iqtisadiyyatının sürətlə inkişaf etdiyini vurğulayır. O, həmçinin bildirir ki, Azərbaycan rəhbərliyi qeyri-neft sektorunun, xüsusilə informasiya-kommunikasiya texnologiyalarının, turizmin və kənd təsərrüfatının inkişafına böyük önəm verir.
2001-ci ildə Azərbaycana səfər etdiyini yazan T.Viler bu müddətdə ölkənin tanınmayacaq dərəcədə inkişaf etdiyini diqqətə çatdırır. O əlavə edir ki, Bakı Beynəlxalq Humanitar Forumu müasir dövrümüzdə olduqca vacib məsələlərin müzakirəsi baxımından mühüm əhəmiyyət kəsb etməklə yanaşı, həm də xaricdən gələn qonaqlara Azərbaycanın dinamik inkişafını görmək üçün imkan yaradır.




 
Bölməyə aid digər xəbərlər
20.04.2019
ABŞ səfiri Azərbaycan və Ermənistan XİN rəhbərlərinin növbəti mümkün görüşünü alqışlayır
19.04.2019
PA rəsmisi: “Erməni saxtakarlığı nasizmin bir qoludur, Ermənistanda nasizm qalib gəlib”
19.04.2019
Azərbaycanın Birinci vitse-prezidentinin köməkçisi ABŞ-Azərbaycan Ticarət Palatasının üzvləri ilə görüşüb
19.04.2019
AXCP böhtanlara görə ReAl-dan niyə üzr istəmədi?
19.04.2019
Deputat: “Bu fərman məhkəmə-hüquq sisteminin inkişafında yeni mərhələnin başlanacağına böyük ümid yaradır”

Şərh əlavə olunmayıb

    ,    
Fuad HÜSEYNZADƏ
Esmira Məmmədova
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10754

1 Erməni yoxsa türk qırğını?
2 Müharibə veteranlarına Prezident təqaüdü təsis edilib
3 Hemilton “Formula-1“ tarixinin 1000-ci yarışının qalibi olub
4 Ramiz Mehdiyevin sərəncamı ilə tədbirlər planı təsdiqləndi
5 Azərbaycanlı həkim-yazıçı Rusiya Yazıçılar İttifaqına üzv olub


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info