İsveçrənin səfiri universitetdə
Tarix: 15.11.2013 | Saat: 19:05:00 | E-mail | Çapa göndər


İsveçrə Konfederasiyasının Azərbaycandakı fövqəladə və səlahiyyətli səfiri Paskal Obişer Naxçıvan Muxtar Respublikasına rəsmi səfəri çərçivəsində Naxçıvan Dövlət Universitetində də olub. Universitetlə tanışlıq zamanı qonağa universitetin strukturu, maddi-texniki bazası, professor-müəllim heyəti və tələbə kontingenti, tədris olunan ixtisaslar barədə ətraflı məlumat verilib.
Rəsmi qəbul zamanı universitetin rektoru, professor Saleh Məhərrəmov bildirib ki, Azərbaycanda, o cümlədən Naxçıvan Muxtar Respublikasında elmin və təhsilin inkişafı, dünya təhsil sisteminə inteqrasiya, beynəlxalq təcrübə mübadiləsi daim diqqət mərkəzindədir. Naxçıvan Dövlət Universiteti müasir tipli, dünya standartları səviyyəsinə cavab verə biləcək bir universitetdir. Universitet 2012-2013-cü tədris ili üçün Azərbaycanın ali və orta ixtisas təhsili müəssisələrinə tələbə qəbulunun nəticələrinə əsasən, TQDK-nın tərtib etdiyi ali təhsil müəssisələrinin reytinq cədvəlində yeddinci yerdə dayanır. Dünyanın tanınmış 80 ali məktəbi ilə beynəlxalq əməkdaşlığa malik olan bu ali məktəbdə 5000-dən yuxarı tələbə, o cümlədən 12 ölkənin 300 nəfərdən çox vətəndaşı ali təhsil alır. Universitet bir çox beynəlxalq layihədə uğurla təmsil olunur. Tələbə mobilliyinin artırılması nəticəsində universitetin bakalavr və doktorantları öz təhsillərini müxtəlif ölkələrdə davam etdirirlər. Paskal Obişer Naxçıvana ilk səfəri, buradakı yüksək təhsil infrastrukturu haqqında xoş təəssüratlarını bölüşüb, Azərbaycan ilə İsveçrə arasında ikitərəfli münasibətlərin sürətli və uğurlu inkişafında elm və təhsil sahəsində əməkdaşlığın əhəmiyyətini vurğulayıb. Diplomat İsveçrədəki təhsil sistemi haqqında geniş məlumat verərək bildirib ki, İsveçrə universitetləri öz reytinqinə görə dünyanın ən qabaqcıl universitetləri sırasındadır. Beynəlxalq universitetlər kimi fəaliyyət göstərən, əksər məşhur Avropa universitetləri ilə əməkdaşlığa malik olan İsveçrə ali məktəblərinin Naxçıvan Dövlət Universiteti ilə də ən müxtəlif sahələr üzrə tərəfdaşlığı birgə tərəqqi baxımından mühüm rol oynayacaq. Gələcək tərəfdaşlıq məsələlərinin müzakirəsindən sonra tələbələrlə görüş keçirilib, Paskal Obişer sualları cavablandırıb.

Mehriban SULTAN




 
Bölməyə aid digər xəbərlər
19.02.2019
“EcoArt” layihəsi başa çatıb
19.02.2019
Peşə hazırlığı kurslarının Almaniya təcrübəsinə uyğun təşkili məsələləri müzakirə olunub
19.02.2019
Şəhidlik ölməzlikdir
19.02.2019
“Sistemli Satış üçün CRM“ mövzusunda təlim keçiriləcək
19.02.2019
“Keyfiyyətli təhsil-səriştəli müəllim kompetensiyaları” mövzusunda ödənişsiz təlim keçirilib

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10602

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 Milli qəhrəmanlara və şəxsiyyətlərə hücum savaşın tərkib hissəsidir
3 “Vzqlyad.ru”: “Nazarbayev və Əliyev türk-islam dünyasının lideri roluna ən aktiv iddiaçılardır”
4 “Əsas oxucu kütləsi sayılan gənclər bu gün internet mediaya daha çox üstünlük verirlər”
5 Qabaqcıl texnologiyalar dövründə ənənəvi və internet medianın inkişafı


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info