“Beynəlxalq təşkilatlar milli maraqları müdafiə edən QHT-lərə qrant verməkdən imtina edirlər”
Tarix: 20.11.2013 | Saat: 18:05:00 | E-mail | Çapa göndər


Vüqar Qədirov: “Azərbaycan həqiqətlərinin dünya ictimaiyyətinə çatdırılmasında, Ermənistan-Azərbaycan, Dağlıq Qarabağ münaqişəsinin beynəlxalq ictimaiyyətə tanıdılmasında bu vətəndaş cəmiyyəti institutları böyük rola malikdir”

İstənilən cəmiyyətin və dövlətin milli maraqlardan çıxış etməsi ən ümdə məsələlərdən hesab olunur. Bu baxımdan cəmiyyətin öz milli maraqlarını ifadə etməsi üçün təşkilatlanması, bu məsələdə dövlətə daha mütəşəkkil formada dəstək verməsinin zəruriliyi göz önünə gəlir. Bu mütəşəkkillik isə yalnız vətəndaş cəmiyyəti institutlarının yüksək səviyyədə formalaşması nəticəsində mümkündür. Bu gün Azərbaycanda vətəndaş cəmiyyəti institutlarının formalaşması prosesi artıq oturuşub. Azərbaycan dövləti vətəndaş cəmiyyəti institutlarının formalaşması və cəmiyyətin inkişafına öz töhfəsini verməsi üçün müxtəlif formalarda dəstək göstərir, bu məsələdə iradə nümayiş etdirir. 2007-ci ildə Prezident tərəfindən qeyri-hökumət təşkilatlarına dövlət dəstəyi ilə bağlı konsepsiyanın təsdiq edilməsi, 2008-ci ildə vətəndaş cəmiyyəti institutlarından olan QHT-lərə dövlət dəstəyini həyata keçirən Azərbaycan Prezidenti yanında QHT-lərə Dövlət Dəstəyi Şurasının fəaliyyətə başlaması, daha sonra Azərbaycan Prezidenti yanında KİV-in İnkişafına Dövlət Dəstəyi Fondunun media vasitələrini maliyyələşdirməyə başlaması, eləcə də Gənclər Fondunun gənclərin layihələrini dəstəkləməsi və sair amillər də bunu bariz şəkildə göstərir. Azərbaycanda vətəndaş cəmiyyəti institutlarının ölkənin öz daxilindən - milli və müstəqil dövlətimiz tərəfindən maliyyələşdirilməsi imkan verir ki, vətəndaş cəmiyyəti institutları milli maraqlarımızı əsas prinsip kimi əldə rəhbər tutsunlar.
Bu barədə qəzetimizə fikirlərini bildirən Azərbaycan Prezidenti yanında QHT-lərə Dövlət Dəstəyi Şurasının üzvü, Qaçqın və Məcburi Köçkün Gənclər Təşkilatının sədri Vüqar Qədirov belə qeyd etdi: “Azərbaycan öz müstəqilliyini əldə etdikdən sonra istər demokratik cəmiyyətin qurulmasında, istər Avropaya inteqrasiya proseslərində, istərsə də milli maraqların təmin olunmasında vətəndaş cəmiyyəti institutlarının rolu danılmazdır.

“Dövlətin maliyyə dəstəyilə milli maraqları müdafiə edən QHT-lərin fəaliyyətində canlanma olmaqla bərabər, onların vətənpərvərlik, milli adət-ənənələrin təbliği, müstəqil dövlətimizin və diaspor fəaliyyətinin inkişafındakı layihələri uğurla həyata keçirilməkdədir”

Respubilkamızda fəaliyyət göstərən bir çox QHT-lərin, vətəndaş cəmiyyəti institutlarının milli maraqların müdafiəsində, müstəqil dövlətimizin inkişafında daim prinsipial mövqe tutmaları illərin sınağından keçən əsas amillərdən biri kimi qiymətləndirilməlidir. Azərbaycan həqiqətlərinin dünya ictimaiyyətinə çatdırılmasında, Ermənistan-Azərbaycan, Dağlıq Qarabağ münaqişəsinin, Xocalı soyqırımının beynəlxalq ictimaiyyətə tanıdılması istiqamətində bu institutlar böyük rola malikdir. Bu gün bizim QHT-lər, ictimai birliklər eyni zamanda diaspor fəaliyyətində öz xidmətlərini göstərməkdədirlər. Amma etiraf etmək lazımdır ki, son dövrlərə qədər milli maraqları müdafiə edən vətəndaş cəmiyyəti intitutları bir çox problemlərlə üzləşirdilər. Belə ki, bu istiqamətdə fəaliyyət göstərən QHT-lərə beynəlxalq təşkilatlar qrant verməkdən imtina edirdilər. Bu da təbii ki, onların fəaliyyətində öz mənfi təsirini göstərməkdəydi. Lakin son illər Azərbaycan Respublikasının Prezidenti yanında QHT-lərə Dövlət Dəstəyi Şurasının və Azərbaycan Respublikasının Prezidenti yanında Gənclər Fondunun maliyyə dəstəyilə milli maraqları müdafiə edən QHT-lərin fəaliyyətində canlanma olmaqla bərabər, onların vətənpərvərlik, milli adət-ənənələrin təbliği, müstəqil dövlətimizin və diaspor fəaliyyətinin inkişafındakı layihələri uğurla həyata keçirilməkdədir. Buna baxmayaraq qarşıda duran vəzifələr, vətəndaş cəmiyyəti institutlarında peşəkarlığın artırılması, yeni, müasir texnologiyalardan istifadə sahəsində biliklərin təkmilləşdirilməsinə ehtiyac var. Vətəndaş cəmiyyəti institutlarının maddi-texniki bazasının yüksəldilməsi, onların milli maraqları müdafiə edən layihələrinə daha çox dəstək verilməsi gələcəkdə onların fəaliyyətlərində öz müsbət təsirini göstərəcək”.

İlkin AĞAYEV


Çıxarış




 
Bölməyə aid digər xəbərlər
26.03.2019
Prezident Bakı Metropoliteninin əsaslı şəkildə yenidən qurulan “Bakmil” stansiyasında yaradılan şəraitlə tanış olub
26.03.2019
Şahbuzda çoxmərtəbəli yaşayış binası inşa olunur
26.03.2019
Bayramdan sonra ilk iş gününün havası: yağmursuz, küləkli
26.03.2019
Qubanın Qırız kəndinə 20 santimetr qar yağıb
25.03.2019
Culfada yeni meyvə bağları salınır

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10705

1 Azərbaycan xalqı zəngin mədəniyyətə sahibdir
2 İraqda bərə qəzaya uğrayıb: 71 ölü
3 Paşinyan reytinqini küçə süpürməklə qaldırmaq istəyir?
4 Lado Mehdiyevin xatirəsinə həsr olunmuş badminton turnirinə yekun vurulub
5 Nursultan Nazarbayevin qərarı qazax xalqının firavan gələcəyini təmin edəcək


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info