San Dieqoda Azərbaycana həsr olunmuş geniş tədbir keçirilib
Tarix: 22.11.2013 | Saat: 17:25:00 | E-mail | Çapa göndər


Kaliforniyanın ikinci ən böyük şəhəri olan San Dieqoda fəaliyyət göstərən Diplomatiya Şurası tərəfindən Azərbaycana həsr olunmuş tədbir keçirilib.
Azərbaycanın Los-Ancelesdəki baş konsulluğunun dəstəyi ilə keçirilən tədbir San Dieqo Kaliforniya Universitetində baş tutub. Tədbirdə Diplomatiya Şurasının idarə heyətinin üzvləri, universitetin professorları, ekspertlər, San Dieqoda akkreditə olunmuş konsullar, şəhərin müxtəlif qurumlarının nümayəndələri iştirak ediblər.
Tədbirdə çıxış edən Azərbaycanın Los-Ancelesdəki baş konsulu Nəsimi Ağayev ölkəmizin zəngin mədəniyyəti, qədim tarixi, inkişafı, uğurlu neft strategiyası, fəal xarici siyasəti, bölgədə oynadığı aparıcı rol, eləcə də ABŞ ilə hərtərəfli tərəfdaşlığı barədə məlumat verib. Baş konsul Ermənistanın Azərbaycana qarşı hərbi təcavüzündən bəhs edərək bildirib ki, bu işğal həm beynəlxalq hüququn prinsiplərinin, həm də fundamental insan haqlarının kobud şəkildə pozulmasıdır. Diplomat Ermənistanın gələcəyinin Azərbaycan ilə sülhdən birbaşa asılı olduğunu bildirərək Ermənistan rəhbərliyinin bu reallığı tez bir zamanda dərk etməli olduğunu diqqətə çatdırıb.
N.Ağayev, həmçinin ölkəmizin qədim tolerantlıq ənənələrindən danışaraq etnik və dini müxtəlifliyin Azərbaycanın sərvəti olduğunu bildirib.
Sonra tədbir əslən Azərbaycandan olan, Bakı Musiqi Akademiyasının yetirməsi, tanınmış violonçel ifaçısı Ruslan Biryukovun rəhbərlik etdiyi Los-Anceles simli kvarteti tərəfindən Ü.Hacıbəyov, Q.Qarayev, T.Quliyev və S.Hacıbəyov kimi dahi Azərbaycan bəstəkarlarının əsərlərinin ifası ilə davam edib. Kvartetin ifası sürəkli alqışlarla qarşılanıb.
Sonda tədbir iştirakçıları Azərbaycan milli mətbəxinin müxtəlif təamlarına qonaq ediliblər.




 
Bölməyə aid digər xəbərlər
19.01.2019
Bakı Şəhər Baş Polis İdarəsi paytaxtda keçirilən mitinqlə bağlı məlumat yayıb
18.01.2019
“Bakcell” və “Hesab.az” avtomatik ödəniş funksiyasını təqdim edib
18.01.2019
“ASAN xidmət” müvafiq dövlət xidmətlərinin alternativsiz formada həyata keçirildiyi vahid məkana çevrilir
18.01.2019
20 yanvar günü bu küçələrdə hərəkət tam məhdudlaşdırılacaq
18.01.2019
Sədərək uğrunda gedən qeyri-bərabər döyüşdə yurd sevgisi qalib gəldi

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10565

1 Ukraynada oxucuların rəğbətini qazanan azərbaycanlı yazıçı
2 Struktur dəyişiklikləri dövlət idarəçiliyinin təkmilləşdirilməsini nəzərdə tutur
3 Hüseyn Babayev AAF-ın vitse-prezidenti təyin edilib
4 Dərslər təxirə salındı
5 Nikola Sarkozi: “Bakıda böyük quruculuq işlərinin şahidi oldum”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info