Əli Abbasov: “Telecom World-2013” sərgisi Azərbaycan şirkətləri üçün yaxşı fürsətdir”
Tarix: 22.11.2013 | Saat: 20:05:00 | E-mail | Çapa göndər


Xəbər verdiyimiz kimi, noyabrın 19-da Tailandın paytaxtı Banqkokda işə başlayan Beynəlxalq Telekommunikasiya İttifaqının “İTU Telecom World-2013” sərgi-konfransı başa çatıb.
Dünyada telekommunikasiya sahəsində ən böyük sərgi-konfranslardan hesab olunan bu tədbirdə Azərbaycan rabitə və informasiya texnologiyaları naziri Əli Abbasovun rəhbərlik etdiyi nümayəndə heyəti ilə təmsil olunub. Nümayəndə heyətinin tərkibinə ölkəmizdə fəaliyyət göstərən informasiya-kommunikasiya texnologiyaları şirkətlərinin və qeyri-hökumət təşkilatlarının təmsilçiləri daxildir. Sərginin davam etdiyi günlərdə ölkəmizdə İKT sahəsində qazanılan uğurları, həyata keçirilən layihələri və perspektiv planları əks etdirən 156 kvadratmetr ölçüdə milli pavilyonumuz fəaliyyət göstərib. Pavilyonu ziyarət edənlərə ölkəmizdə həyata keçirilən genişmiqyaslı layihələr, o cümlədən “Azerspace”, Trans-Avrasiya Super İnformasiya Magistralı (TASİM), “Elektron hökumət” həlləri, “Dilmanc” layihəsi, nanotexnologiyalar, rəqəmli televiziya, son mobil texnologiyalar olan “3G” və “4G” xidmətləri, eyni zamanda, ölkədə elm və texnologiyalar sahəsində ən son nailiyyətlər barədə məlumat verilib.
Konfrans çərçivəsində nazirlər səviyyəsində dəyirmi masa keçirilib. Bundan başqa, Azərbaycan nümayəndə heyətinin üzvləri “Məlumatlar dalğasında”, “Tənzimləmənin konvergensiyası”, “Şəbəkənin virtuallaşdırılması və s. mövzularda bölmə iclaslarında iştirak ediblər. Tədbir zamanı “Mobil texnologiyalar və müəssisədə əməyin səmərəliliyi”, “Rəqəmli dünyada vətəndaşların şəxsi həyatının təhlükəsizliyinin təmin edilməsi”, “21-ci əsrdə İKT-nin təhsil sahəsində əhəmiyyəti ”, “ “Bulud mobil şəbəkələr”, “Birgə qlobal standartların hazırlanması” və digər mövzular ətrafında müzakirələr təşkil olunub.
Azərbaycan nümayəndə heyətinin rəhbəri nazir Əli Abbasov Beynəlxalq Telekommunikasiya İttifaqının baş katibi Hamadun Ture, Tailandın informasiya və kommunikasiya texnologiyaları naziri Anudit Nakorntap, Əfqanıstanın rabitə və informasiya texnologiyaları naziri Əmirzay Sangin, İranın rabitə naziri Mahmud Vazizi, habelə Dominikan Respublikasının, Uqandanın müvafiq nazirliklərinin rəhbər şəxsləri ilə görüşüb. Görüşlərdə tərəflər arasında müvafiq sahələrdə əməkdaşlıq əlaqələrinin inkişafı və genişlənməsi, xarici şirkətlərin Azərbaycan iqtisadiyyatına sərmayə qoyuluşunun təşviqi, habelə Azərbaycan şirkətlərinin beynəlxalq bazarlara çıxışı imkanları müzakirə olundu, qarşı tərəf dekabrda paytaxtımızda keçiriləcək “BAKUTEL” sərgisinə dəvət olunub.
Rabitə və informasiya texnologiyaları naziri Əli Abbasov “İTU Telecom World” sərgi-konfransını şərh edərkən bildirib ki, müzakirələrdə və görüşlərdə Azərbaycanın regional layihələrinə böyük maraq göstərilib. Bundan başqa, sərgi-konfrans Azərbaycan şirkətlərinin yeni bazarlara, xüsusən də Asiya və Afrikanın inkişaf etməkdə olan ölkələrinə çıxış imkanlarının öyrənilməsi üçün yaxşı fürsət olub.




 
Bölməyə aid digər xəbərlər
24.01.2019
TAP boru kəmərinin dəniz hissəsinin inşasının 10 faizi yekunlaşıb
24.01.2019
“SOCAR karbamid” zavodu bu ilin mart ayından tam gücü ilə işləyəcək
24.01.2019
Azərbaycanda bu il mobil operatorlar 868,5 milyon manat gəlir əldə edib
23.01.2019
“Aksam.com.tr”: “Azərbaycan 2019-cu ildə TANAP ilə təbii qaz nəqlini iki dəfə artırmağı planlaşdırır”
23.01.2019
AzerTelecom Azərbaycanın Regional Rəqəmsal Mərkəzə çevrilməsi üçün “Azerbaijan Digital Hub” proqramını icra edir

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10566

1 “Mənim güc mənbəyim Bakıdadır”
2 Mehman Hüseynov Prezident İlham Əliyevə müraciət ünvanlayıb
3 “Yenisafak.com”: “Star” NEZ “Ən yaxşı maliyyə layihəsi idarəçiliyi” mükafatına layiq görülüb”
4 Əli Abdalov Mehman Hüseynovla barışıb
5 Sədərək uğrunda gedən qeyri-bərabər döyüşdə yurd sevgisi qalib gəldi


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info