KOICA Füzulidəki uşaq bağçasına yardım edib
Tarix: 25.11.2013 | Saat: 16:55:00 | E-mail | Çapa göndər


Koreya Beynəlxalq Əməkdaşlıq Agentliyinin (KOICA) Azərbaycan nümayəndəliyinin və Koreya Məzunları Assosiasiyasının (KOAZ) təşkilatçılığı ilə bir qrup könüllü Füzuli rayonu ərazisində məcburi köçkünlər üçün salınmış 6 saylı Qayıdış qəsəbəsindəki 1 saylı uşaq bağçasında olublar.
Azərbaycanın ən həssas bölgələrindən birində yaşayan insanların, xüsusilə uşaqların vəziyyəti ilə tanışlıq, onlara mənəvi və maddi dəstək göstərmək məqsədi daşıyan missiyada iştirak edən könüllülər uşaq bağçasına ərzaq, yataq dəstləri, oyuncaq, qızdırıcı avadanlıqlar da daxil olmaqla müxtəlif hədiyyələr təqdim ediblər.
Bağçada keçirilən görüşdə çıxış edən KOICA-nın ölkəmizdəki ofisinin rezident nümayəndəsi Kim Eun Suk qurumun fəaliyyəti barədə məlumat verib, bu cür humanitar tədbirlərin gələcəkdə də davam etdiriləcəyini bildirib. KOAZ-ın sədri Lalə Əhmədova, uşaq bağçasının müdiri və valideynlər Kim Eun Suka və KOICA nümayəndəliyinə humanitar fəaliyyətə görə minnətdarlıq ediblər.
Qeyd edək ki, KOICA 1991-ci ildə inkişaf etməkdə olan ölkələr üçün qrant və əməkdaşlıq proqramları həyata keçirmək məqsədi ilə Koreya Xarici İşlər və Ticarət Nazirliyinin nəzdində yaradılmış dövlət agentliyidir. KOICA-nın Azərbaycan nümayəndəliyi 2009-cu ilin fevralında açılıb. Nümayəndəlik hazırda “Kürdəxanı qəsəbəsində su təchizatı və kanalizasiya sisteminin yaradılması”, “Xüsusi iqtisadi zonaların və sənaye şəhərciklərinin inkişafı”, “Azərbaycan Texniki Universitetinin təhsil informasiya sisteminin yaradılması” kimi bir sıra layihələr həyata keçirir.
Agentlik indiyədək 400-ə yaxın azərbaycanlı dövlət qulluqçusunu və tələbəni təhsil almaq və müxtəlif təlim proqramlarında iştirak etmək üçün Koreyaya göndərib.




 
Bölməyə aid digər xəbərlər
18.09.2018
Aşıq Hüseyn Bozalqanlının “Xalxal səfəri” dastanı belə başlayır...
18.09.2018
Biləsuvar şəhərində 1176 şagird yerlik yeni ümumtəhsil məktəbi tikiləcək
18.09.2018
Məcburi köçkünlərin növbəti qəbulu keçirilib
18.09.2018
Rektor: “İnstitutumuzda dövlətin qayğı və təminatı ilə hər cür şərait yaradılıb”
18.09.2018
Ucqar dağ kəndlərindəki uşaqlara məktəb ləvazimatları verilib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10118

1 ADPU-nun rektoru yüksək balla qəbul olunan tələbələrlə görüşüb
2 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
3 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
4 Krivoy Roqdakı soydaşlarımız festivala hazırlaşırlar
5 Aqil Acalov: “İdmançılar qanvermə aksiyalarında aktiv iştirak edəcəklər”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info