“Forbes”: “Avropada demoqrafik vəziyyət Rusiyadan daha pisdir”
Tarix: 25.11.2013 | Saat: 23:39:00 | E-mail | Çapa göndər


Mark Adomanis: “Demoqrafik göstəricilərin Rusiyaya ciddi təsir edəcəyini düşünənlər, Avropanın bu sahədə ruslardan da ağır problemlə üzləşdiyini unutmasınlar”

“Mən dəfələrlə bildirmişəm ki, Rusiyada demoqrafik vəziyyətin həddindən artıq ağır olması ilə bağlı ortaya qoyulan mövqe yanlışdır. Bəli, Rusiyada demoqrafik vəziyyətin yaxşı olmadığı reallıqdır, amma vəziyyət heç də əlacsız və faciəli halda deyil. 2013-cü il ərzində Rusiyada əhalinin təbii artımı məsələsində cüzi də olsa müsbət rəqəmlər qeydə alınıb. Mərkəzi Asiya və digər keçmiş ittifaq dövlətlərindən gələnlər hesabına Rusiyada əhali artımında müsbətə doğru dəyişikliklər qeydə alınmaqdadır”. Bu sətirlər “Forbes” jurnalında çap edilən məqalədə yer alıb. Məqalənin müəllifi olan Mark Adomanis yazır ki, Rusiyada demoqrafik vəziyyətdən danışan ekspertlər əksər hallarda artımın olmadığını, ölüm hallarının çox olduğunu qeyd edirlər:
“Amma onlar unudurlar ki, analoji hallarla bu gün Avropa İttifaqına üzv olan dövlətlər də qarşılaşır. Avropa İttifaqının müvafiq təşkilatı bu yaxınlarda 2012-ci ilin göstəricilərini açıqlayıb. Rusiyadakı demoqrafik vəziyyəti məhz bu açıqlama kontekstində dəyərləndirmək lazımdır. Avropa və Rusiyadakı göstəriciləri müqayisə edəndə belə məlum olur ki, Rusiyada bir çox göstərici Avropa İttifaqına üzv olan dövlətlərin çoxundan daha yaxşıdır. Ola bilər ki, Avropa İttifaqına üzv olan bir çox kiçik dövlətlərdə iqtisadi çətinliklərdən, siyasi ziddiyyətlərdən doğan məqamlara görə azalmalar müşahidə edilir. Amma 2012-ci ilin nəticələrini analiz edəndə aydın olur ki, Avropanın iqtisadi həyatında çox böyük rol oynayan, həyati əhəmiyyətli dövlətlər olan Almaniya və İtaliya kimi dövlətlərdə də demoqrafik göstəricilər pisləşib. Hətta Avstriyada qeydə alınan demoqrafik göstəricilər Rusiyadan pisdir. Fakt odur ki, Avropa İttifaqının nüvəsini təşkil edən dövlətlər obyektiv tendensiyaların məntiqi nəticəsi olaraq Rusiyadan daha pis vəziyyətdədirlər. Açıqlanan rəqəmlər mənim nəyə görə “ölən ayı” və ya “Rusiyada sonuncu insan” kimi fikirlərə qarşı olduğumu ortaya qoyur. Əgər Rusiya ölənə qədər içən qocalardan ibarətdirsə, onda Macarıstan, Bolqarıstan, Latviyadakı vəziyyət nədir bəs? Əhalisini Rusiyadan daha sürətlə itirən ölkələrə nə deyək? Baş verən tendensiyaları müzakirə etmək vacibdir, amma bu məsələyə qızğın ritorika ilə yanaşma bizi dəqiq analizdən uzaqlaşdırır. Mən 5-10 ildən sonra Rusiya və ya Avropa İttifaqında demoqrafik göstəricilərin necə olacağını deyə bilmərəm, bunun üçün xüsusi reseptim də yoxdur. Amma bir məsələni deyə bilərəm ki, demoqrafik göstəricilərin Rusiyanın iqtisadi və siyasi həyatına ciddi təsir edəcəyini düşünənlər, Avropa İttifaqının bu sahədə ruslardan da ağır problemlə üzləşdiyini unutmasınlar”.
Anar Miriyev




 
Bölməyə aid digər xəbərlər
15.11.2018
Aİ - Britaniya “boşanması”: İrlandiya, Cəbəllütariq və Kipr üzrə protokollar razılaşdırılıb
15.11.2018
Miqrantlar ABŞ ve Meksika arasında olan sərhəd hasarına çıxdılar
15.11.2018
Yaponiya yaxın 5 ildə 345 minədək əcnəbi işçi qəbul edə bilər
15.11.2018
Rusiya ilə danışıqlar 1956-cı ilin bəyanatı üzərində qurulub
14.11.2018
Mari Le Pen Makron və Merkelə qarşı: Avropa ordusu heç bir halda meydana çıxmamalıdır

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10478

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı
4 “Gedir dayanmadan zamanın köçü”
5 Daşkənddə Xalq artisti Firudin Səfərovun 85 illik yubileyi qeyd olunacaq


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info