Niderland səfiri universitetdə
Tarix: 26.11.2013 | Saat: 22:17:00 | E-mail | Çapa göndər


Səfir Beynəlxalq münasibətlər və xarici dillər fakültəsindəki Tərcümə tədris mərkəzində tələbələrlə görüşüb, onların suallarını cavablandırıb. Rəsmi qəbul zamanı universitetin rektoru, professor Saleh Məhərrəmov universitetin strukturu, maddi-texniki bazası, professor-müəllim heyəti və tələbə kontingenti barədə ətraflı məlumat verib.
Naxçıvan Dövlət Universitetində 12 fakültədə 57 ixtisas üzrə 5000-dən artıq tələbə, o cümlədən 12 ölkənin 300 nəfərdən çox vətəndaşı ali təhsil alır. Bu ali məktəb dünyanın tanınmış 80 ali məktəbi ilə beynəlxalq əməkdaşlığa malik olmaqla yanaşı, bir çox beynəlxalq layihələrdə də uğurla təmsil olunur. Ali təhsil sahəsində əməkdaşlıq və tələbə mobilliyi proqramı olan “Erasmus Mundus”, Mövlana Mübadilə Proqramı çərçivəsində tələbə mobilliyinin artırılması, dünya təcrübəsinin mənimsənilməsi və tətbiqi istiqamətində əhəmiyyətli işlər görülüb. Rektor qeyd edib ki, dünya təhsil sisteminə inteqrasiya, beynəlxalq təcrübə mübadiləsi istiqamətində qazanılan uğurlar Azərbaycanda, o cümlədən Naxçıvan Muxtar Respublikasında elmin və təhsilin inkişafına hərtərəfli dövlət qayğısının əməli bəhrəsidir. Tədris işləri üzrə prorektor, dosent Seyid Surə xatırladıb ki, Naxçıvan Dövlət Universiteti Tempus proqramının “Avropa Birliyi araşdırmaları üzrə kurikulumların işlənib hazırlanması və qabiliyyətlərin inkişaf etdirilməsi” layihəsi çərçivəvisində Niderlandın Leyden Universiteti ilə də tərəfdaşlıq edir. Bu tərəfdaşlığın davamı olaraq Leyden Universitetinin əməkdaşı, iqtisadiyyat üzrə fəlsəfə doktoru D.M. Oude Nijhuis universitetdə olub, tələbələrə müasir dünya iqtisadiyyatı ilə bağlı mühazirə oxuyub. 2014-cü ildə də bu iki universitet arasında tədris sahəsində əməkdaşlığın inkişafı məqsədilə tədbirlər həyata keçiriləcək. Azərbaycanda yeni diplomatik fəaliyyətə başlayan Robert Jan Qabrielse ölkələrarası münasibətlərin möhkəmlənməsində elm, təhsil sahəsində əməkdaşlığın mühüm rol oynadığını vurğulayıb. Səfir təmsil etdiyi ölkənin böyük kənd təsərrüfatı sektoruna malik olduğunu bildirib, yüksək ixtisaslı kənd təsərrüfatı mütəxəssislərinin hazırlanması istiqamətində universitetlərarası əlaqələrin əhəmiyyətindən danışıb. Görüş zamanı gələcək tərəfdaşlıq məsələləri müzakirə olunub, Niderlandın diplomatik təmsilçisi bu istiqamətdə öz səylərini əsirgəməyəcəyini bildirib.
Mehriban SULTAN




 
Bölməyə aid digər xəbərlər
22.08.2019
Səfərbərlik və Hərbi Xidmətə Çağırış üzrə Dövlət Xidmətinin rəhbərliyi Şəmkir və Tovuzda vətəndaşları qəbul edib
21.08.2019
Aşura mərasimləri: ənənəvilik və müasirlik
21.08.2019
Masallı rayonunun Birinci Səmidxanlı ərazisində səyyar görüş
21.08.2019
Quba rayonunda baş vermiş yanğın söndürülüb
21.08.2019
Qarabağ Regional Meşə Təsərrüfatı Mərkəzi yaradılıb

Şərh əlavə olunmayıb

    ,    
Namiq Əliyev
Namiq Əliyev
Namiq Əliyev
Anar MİRİYEV
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10868

1 Azərbaycana qarşı casusluq edən 128 nəfər aşkar edilib
2 Bakıdan avtobusla Naxçıvana gedənlərə şad xəbər
3 “Məqsədimiz elm xadimləri və tələbələri bir araya toplayaraq “düşünən beyin” komandası qurmaqdır”
4 “Stokholmda Rəssamlıq qalereyası açmaq planım var”
5 Türkiyədən Naxçıvana uçuşlar yeni hava dəhlizi vasitəsilə həyata keçirilir


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info