Avstriya iş adamları ilə əlaqələr genişlənir
Tarix: 05.12.2013 | Saat: 18:10:00 | E-mail | Çapa göndər


Azərbaycanda yaradılmış əlverişli biznes və investisiya mühiti ölkədə sahibkarlığın inkişafına və iqtisadiyyatda rolunun əhəmiyyətli dərəcədə yüksəlməsinə səbəb olmuş, ölkə iqtisadiyyatına marağı daha da artırıb. Avstriya iş adamlarının Azərbaycana səfəri də ölkəmizdəki makroiqtisadi sabitliyə, davamlı və dayanıqlı iqtisadi inkişafa marağın ifadəsidir.
Bakı Biznes Mərkəzində İqtisadiyyat və Sənaye Nazirliyinin dəstəyi, Azərbaycanda İxracın və İnvestisiyaların Təşviqi Fondunun (AZPROMO) təşkilatçılığı ilə Azərbaycan-Avstriya biznes forumu keçirildi. Tədbirdə rəsmi şəxslərlə yanaşı, sənaye, maşınqayırma, tikinti, qida sənayesi, xidmət, konsaltinq, qablaşdırma, logistika və s. sahələrdə fəaliyyət göstərən 130-a yaxın iş adamı iştirak edirdi.
AZPROMO-nun rəhbəri Rüfət Məmmədov qonaqları salamlayaraq Azərbaycan-Avstriya iqtisadi-ticarət əlaqələri barədə məlumat vermiş, bu cür tədbirlərin ölkələrimiz arasında əməkdaşlığın daha da genişləndirilməsində, iş adamları arasında əlaqələrin inkişafında əhəmiyyətini vurğuladı. Azərbaycanda uğurla həyata keçirilən sosial-iqtisadi siyasət nəticəsində qazanılmış iqtisadi uğurlar, yerli və xarici iş adamları üçün yaradılmış əlverişli biznes və investisiya mühiti, həyata keçirilən iri layihələr barədə məlumat verən R.Məmmədov iqtisadiyyata xarici investisiyaların cəlb olunması sahəsində ölkəmizin “açıq qapı” siyasəti həyata keçirdiyini diqqətə çatdırdı, avstriyalı iş adamlarını yerli sahibkarlarla fəal əməkdaşlığa dəvət etdi.
Avstriyanın Azərbaycandakı fövqəladə və səlahiyyətli Səfiri Silvia Meyer Kaybiç çıxışında ölkələrimiz arasındakı əlaqələr barədə danışdı.
Avstriya Federal İqtisadiyyat Palatasının vitse-prezidenti Rixard Şents Avstriya və Azərbaycan arasında iqtisadi əlaqələrin daha da genişləndirilməsi üçün mövcud potensialdan səmərəli istifadənin, iş adamları arasında əlaqələrin genişləndirilməsinin ölkələrimiz arasında iqtisadi-ticarət əməkdaşlığının inkişafında əhəmiyyətini vurğuladı, iqtisadi əlaqələrin inkişaf istiqamətləri barədə məlumat verdi.
AZPROMO-nun rəhbərinin müşaviri Natiq Mədətov Azərbaycanın investisiya mühiti və biznes imkanlarına,“Advantage Austria” təşkilatının baş direktorunun müavini Karl Hartleb isə Avstriyanın biznes imkanlarına dair təqdimatlarla çıxış etdilər.
Biznes forum çərçivəsində Azərbaycan və Avstriyanın ölkə təqdimatlarına dair video çarxlar nümayiş olunmuş, iş adamları arasında işgüzar əlaqələrin daha da genişləndirilməsi imkanlarının müzakirə olunduğu ikitərəfli görüşlər keçirildi.

İlkin




 
Bölməyə aid digər xəbərlər
22.09.2018
“Azeri Light”ın qiyməti bahalaşıb
21.09.2018
İlk “KOB Dostu” sahibkarların xidmətində
21.09.2018
İqtisadiyyat naziri Gəncədə vətəndaşları qəbul edib
21.09.2018
“Azərenerji”: Ölkə enerjisi sistemində təxirəsalınmaz tədbirlərin həyata keçirilməsinə başlanılıb
21.09.2018
“Əsrin müqaviləsi” Azərbaycanın dirçəlişinə, iqtisadi inkişafına geniş yol açıb

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10130

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info