Dövlət Departamentində keçirilən brifinqdə Azərbaycanın regiondakı rolu xüsusi qeyd edilib
Tarix: 05.12.2013 | Saat: 23:32:00 | E-mail | Çapa göndər


ABŞ dövlət katibinin Cənubi və Mərkəzi Asiya üzrə müavini Nişa Desai Bisval Dövlət Departamentində “ABŞ-ın Cənubi və Mərkəzi Asiyada xarici siyasətinin prioritetləri” mövzusunda brifinq keçirib. Xanım Bisval öz çıxışında ABŞ-ın Cənubi və Mərkəzi Asiya ölkələrinə münasibətdə xarici siyasətinin rolu barədə jurnalistlərə məlumat verib.
O vurğulayıb ki, region ölkələri ilə ABŞ-ın münasibətləri təkcə hökumətlərin əlaqələrinə deyil, həm də xalqların qarşılıqlı münasibətlərinə əsaslanır. N.D.Bisval qeyd edib ki, Prezident Obama Administrasiyası region ölkələrinin sıx birləşməsi yolunu ticarət və kommersiya münasibətlərinin inkişafında görür. ABŞ xarici siyasət idarəsinin nümayəndəsi bildirib ki, ABŞ Cənubi və Mərkəzi Asiya ölkələri ilə energetika, ticarət və mədəniyyətlərarası münasibətlər sahəsində əlaqələrin inkişafını davam etdirir.
AzərTAc-ın ABŞ-dakı xüsusi müxbiri Azərbaycanın bu regionda əhəmiyyətinin və regionlararası layihələr üçün tranzit ölkə kimi rolunu nəzərə alaraq xanım Bisvala Azərbaycan barədə sual verib. AzərTAc-ın nümayəndəsi öz sualında Avropanın enerji təhlükəsizliyi üçün Azərbaycanın əhəmiyyətinin artmasını xatırladaraq soruşub: “Transxəzər layihəsinin reallaşacağına ümidlər nə dərəcədə əsaslıdır və ABŞ administrasiyası bu layihə üzrə dəstəyi artırmaq üçün nə etməlidir?” N.D.Bisval bu suala cavab verməzdən əvvəl qeyd edib ki, Qırmızı Xaç Cəmiyyətində işləyərkən Bakıda yaşayıb. Dövlət katibinin müavini Transxəzər qaz kəməri layihəsi barədə onu bildirib ki, ABŞ administrasiyası bütün region üzrə enerji layihələri və enerji sistemi arasında qarşılıqlı əlaqələrin genişlənməsinə və möhkəmlənməsinə yönəlmiş səyləri dəstəkləyir. N.D.Bisval deyib ki, bir müddətdən sonra bu suala ətraflı cavab verə bilər: “Mənim fikrimcə, enerji resursları ilə zəngin ölkələrin iqtisadi inkişaf üçün əlavə enerji resursları axtaran ölkələrlə qarşılıqlı əlaqələrinin möhkəmlənməsi bütün region üçün çox faydalıdır”.
Nişa Desai Bisval ABŞ Dövlət Departamentinin Cənubi və Mərkəzi Asiya ilə münasibətlər bürosunda dövlət katibinin müavini vəzifəsinə 2013-cü il oktyabrın 21-də təyin edilib. Bundan əvvəl 2010-cu ilin sentyabr ayından ABŞ Beynəlxalq İnkişaf Agentliyinin (USAID) Asiya üzrə rəhbərinin müavini vəzifəsində çalışıb, burada 22 ölkəyə 1,2 milyard dollar məbləğində maliyyə yardımı proqramlarına kuratorluq edib. Bundan əlavə, N.D.Bisval Qırmızı Xaç Cəmiyyətində işləyib.




 
Bölməyə aid digər xəbərlər
23.02.2019
Venesuelada ordu ilə yerli xalq arasında toqquşma
23.02.2019
Çində ağır yol qəzasında 20 nəfər ölüb, 30 nəfər yaralanıb
23.02.2019
Nigeriyada prezident və parlament seçkiləri keçirilir
23.02.2019
Venesuela Kolumbiya ilə sərhədi bağladı
23.02.2019
Sudan prezidenti bütün ölkə ərazisində fövqəladə vəziyyət elan edib

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10615

1 Milli qəhrəmanlara və şəxsiyyətlərə hücum savaşın tərkib hissəsidir
2 Diaspor üzvləri Ümumavropa Qarabağ mitinqinə çağırış edib
3 Əsərləri dünyanın bütün elektron kitabxanalarında yer alan azərbaycanlı yazar
4 Londonda Karl Marksın məzarına növbəti dəfə vandal hücumu olub
5 1400 manat maaşla sürücü axtarılır


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info