“Nalbandyan ilə budəfəki görüşdə konkret məsələlər müzakirə olunub”
Tarix: 06.12.2013 | Saat: 23:50:00 | E-mail | Çapa göndər


“Azərbaycan və Ermənistan XİN rəhbərlərinin Dağlıq Qarabağ münaqişəsinin nizamlanması ilə bağlı növbəti görüşü gələn il yanvarın sonuna planlaşdırılıb”. Bu barədə jurnalistlərə Azərbaycan XİN rəhbəri Elmar Məmmədyarov bildirib.
Nazir erməni həmkarı Edvard Nalbandyan ilə Kiyevdə ATƏT Xarici İşlər Nazirləri Şurasının 20-ci iclası çərçivəsində baş tutan görüşünü də şərh edib: “Azərbaycan və Ermənistan prezidentləri Vyanada baş tutan görüşlərindən sonra XİN rəhbərlərinə orada razılaşdırılmış bir neçə məqamlar əsasında danışıqları davam etdirilməsinə dair tapşırıqlar veriblər. Nalbandyan ilə görüş əvvəlcə təkbətək formatda, daha sonra isə ATƏT-in Minsk qrupunun həmsədrlərinin iştirakı ilə geniş tərkibdə keçirilib. Biz bu məqamların müzakirəsini onlarla da davam etdirdik. Və razılığa gəldik ki, Ermənistan XİN rəhbəri ölkəsinin prezidentini görüşün nəticələri və bizim mövqe barədə məlumatlandırsın. Mən də, öz növbəmdə, görüşün nəticələri və Ermənistanın mövqeyi barədə Prezidenti məlumatlandıracam. Dekabrın 16-dan sonra həmsədrlərin bölgəyə növbəti səfəri zamanı biz onlara cavabımızı bildirəcəyik. Ehtimal ki, Azərbaycan və Ermənistan XİN rəhbərlərinin növbəti görüşü yanvarın sonunda baş tutacaq”. Onun sözlərinə görə, bu görüşü əvvəlkilərdən fərqləndirən cəhət ondan ibarət olub ki, bu dəfə konkret məsələlər müzakirə olunub: “Biz danışıqlarda konkret məsələlərə toxunaraq onları müzakirə etdik. Deyə bilərəm ki, Kazanda keçirilmiş görüşdən sonra konkret məsələlər müzakirə olunmamışdı. Dünənki görüşdə isə biz konkret məsələlərə toxunduq. Onları mən hələlik açıqlaya bilmərəm”. Nazir qeyd edib ki, onun erməni həmkarı Edvard Nalbandyan ilə görüşü 4 saatdan çox davam edib: “Hər hansı bir razılığa gəldiyimizi deyə bilmərəm. Çünki Azərbaycan və Ermənistanın mövqeləri fərqlidir. Lakin biz müzakirələri davam etdirəcəyik”.




 
Bölməyə aid digər xəbərlər
25.05.2019
Serj Sarkisyan gizlicə Koçaryanla görüşüb
25.05.2019
Erməni ordusuna ayrılan sabunlar Gümrüdəki bazarda satılır
24.05.2019
ABŞ-ın Türkiyəyə C-400 və sanksiya hədəsində FETO izi
24.05.2019
“Daşnaksütyun“ Paşinyanın istefasını tələb edəcək
24.05.2019
Çinin xarici işlər naziri ilk dəfə Gürcüstana səfərə gəlib

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10788

1 Üç müharibə iştirakçısı olan general-mayor
2 Oqtay Zülfüqarovun uşaq mahnıları müasir aranjemanda səslənəcək
3 “İrəvan quberniyasına aid arxiv materiallarını oxuduqca hiss edirsən ki, buralar döğma torpaqlardır”
4 Erməni əsilli gimnast: Mxitaryanın yerində olsaydım, komandamla birgə Bakıya gələrdim
5 …Hər sözdə vətən axtaran soydaşımız


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info