Tələbələr təhsillərini xaricdə davam etdirə biləcəklər
Tarix: 10.12.2013 | Saat: 23:09:00 | E-mail | Çapa göndər


Naxçıvan Dövlət Universitetində “Tələbə mübadiləsi müasir təhsilin prioritet istiqamətidir” mövzusunda konfrans keçirilib. Konfransı universitetin rektoru, professor Saleh Məhərrəmov açaraq dünya təhsil sisteminə inteqrasiya, beynəlxalq təcrübə mübadiləsi, tədrisin səviyyəsinin yüksəldilməsi, tələbələrin xaricdə təhsil alması, yeni informasiya texnologiyalarının tətbiqi istiqamətində universitetin qazandığı nailiyyətlərdən, çoxillik təcrübəsindən bəhs edib.
Rektor bildirib ki, dünyanın tanınmış universitetləri ilə beynəlxalq əlaqələrini genişləndirən universitet bir çox beynəlxalq layihələrdə uğurla təmsil olunur. Tələbə mobilliyinin artırılması nəticəsində bir neçə tələbə müxtəlif ölkələrin ali təhsil ocaqlarında bakalavr təhsillərini davam etdirir, 2 nəfər doktorant isə Santyaqo-De-Kompostela universitetində oxuyur. Beynəlxalq təhsil proqramlarına qoşulmaqda məqsəd ali təhsil qurumları arasında əməkdaşlığı inkişaf etdirmək, qlobal səviyyədə ölkələr arasında maddi və mənəvi mədəniyyəti paylaşmaqdır. Universitetin beynəlxalq əlaqələr üzrə prorektoru, riyaziyyat üzrə fəlsəfə doktoru Anar Kazımov “Erasmus +” və yeni imkanlar” məruzəsində məlumat verib ki, 6 müxtəlif proqramı əvəz edəcək “Erasmus +” proqramı “Şərq tərəfdaşlığı” ölkələri universitetlərinin tələbə və əməkdaşlarının Avropada təhsil almaq və ya təlim keçmək imkanlarını daha da genişləndirəcək. 150 tərəfdaş ölkəni birləşdirəcək bu proqrama beynəlxalq əməkdaşlıq üçün 3 milyard avro vəsait ayrılıb. Beynəlxalq əlaqələr üzrə prorektor 2014-20-ci illəri əhatə edəcək “Erasmus +” proqramının prinsipləri haqqında məlumat verərək qabiliyyətlərin inkişaf etdirilməsi, kredit və dərəcə mobilliyi, beynəlxalq əməkdaşlığın genişləndirilməsi, Jean Monnet fəaliyyət proqramı, kadr potensialının gücləndirilməsi kimi əsas fəaliyyət istiqamətlərindən danışıb. Erasmus Mundus layihəsinin koordinatoru, tarix üzrə fəlsəfə doktoru Şamxal Məmmədov “Erasmus Mundus (HUMERİA) proqramının imkanları və perspektivləri” ilə bağlı məruzə edərək qeyd edib ki, Erasmus-Mundus Avropa Birliyi universitetləri ilə digər ölkələrin universitetləri arasında mübadilə və əməkdaşlıq əlaqələrini artıraraq dialoq və mədəni əlaqələrin inkişaf etdirilməsini hədəfləyən təhsil və tədqiqat proqramıdır. Konfrans iştirakçıları proqrama qoşulan əməkdaş ölkələr, mübadilə müddəti, tələbələrin iştirak etmək hüquqları barədə məlumatlandırılıb. Türkiyə Respublikasındakı universitetlər ilə dünya universitetləri arasındakı qarşılıqlı müəllim və tələbə mübadiləsi proqramı olan “Mövlana” proqramı ilə bağlı layihə üzrə əlaqələndirici Kamran Vəlizadə məruzə edib. Qeyd olunub ki, Tİbb fakültəsinin interna tələbələri və I kurs bakalavrlar istisna olmaqla universitetin bütün müəllimləri , bakalavr, magistratura və doktorantura pilləsində təhsil alan tələbələr müraciət edə bilərlər. Məruzəçi proqrama qoşulmaq şərtləri, təhsil müddəti barədə məlumatları diqqətə çatdırıb.
Mehriban SULTAN




 
Bölməyə aid digər xəbərlər
20.09.2018
Naxçıvanda “Avropa günləri” keçiriləcək
20.09.2018
600-dən çox adam sahilyanı ərazini 5 ton tullantıdan təmizlədi
20.09.2018
Azərbaycanda dünyanın ilk kurqan arxeoparkı yaradılacaq
19.09.2018
Gənc ailələr üçün yeni imkan: “Aqrar məhəllə” yaradılır
19.09.2018
İqtisadiyyat naziri Gəncədə vətəndaşları qəbul edəcək

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10123

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
5 Ukraynada “Dünya azərbaycanlılarının palitrası” kitabının təqdimatı olub


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info