“The National Interest”: “Müttəfiqlərin dinlənilməsi vacibdir”
Tarix: 10.12.2013 | Saat: 23:28:00 | E-mail | Çapa göndər


“Amerika kəşfiyyatının Almaniya kansleri Angela Merkelin mobil telefonunu izləməsinin üzə çıxması böyük qalmaqal yaratmışdı. Bəziləri qeyd edirlər ki, Amerika həddini aşaraq ölkə daxili ilə yanaşı xaricində də qalmaqallı dinləmələr həyata keçirir. Konqresin bəzi üzvləri, nüfuzlu media orqanları tələb edirlər ki, müttəfiqlərdən casusluq edilməsi qadağan edilsin. Belə söhbətlər var ki, ABŞ prezidenti dinləmələrin bəzi formalarını qanunsuz elan edəcək”.
Bu fikirləri dərc edən Birləşmiş Ştatların “The National Interest” nəşri yazır ki, bu, səhv addım ola bilər. Qəzetdə dərc edilən məqalədə qeyd edilir ki, casusluq edilməsi çox vaxt xoş qarşılanmır: “Biz izləməni həyata keçirməliyik, amma onu gizli saxlamağı bacarmalıyıq. Ən azı izləmə prosesi xəbər kimi yayılmamalıdır. Birləşmiş Ştatlar müttəfiqlərdən kəşfiyyat məlumatlarının toplanmasına hazır olmalıdır. ABŞ hökuməti vətəndaşlarının təhlükəsizliyi, azadlığı və firavanlığı üçün xarici kəşfiyyatla məşğul olmalıdır. Müttəfiqlər haqqında informasiya çox vacibdir. Həmin ölkələrdə baş verən hadisələr sonradan ciddi şəkildə amerikalılara təsir göstərir. Amerikanın müttəfiqi olmaq o deməkdir ki, ABŞ vətəndaşları öz resursları, canları hesabına onların maraqlarını qoruyur. Əgər müttəfiqlər bizdən onları qorumağı xahiş edirlərsə, onda bizim də onların nə qərar qəbul edəcəyini bilmək haqqımız var. Müttəfiqlərimiz bizimlə son dərəcə açıq olsaydılar, onda başqa problemlər də meydana çıxmazdı. Amma bu, belə deyil və biz də buna görə özümüzü təhqir olunmuş saymamalıyıq. Heç bizim hökumətimiz də bu tələblərə cavab vermir. Konqres üzvləri tez-tez şikayət edirlər ki, icra orqanları bir çox informasiyanı onlardan gizlədir. Digər tərəfdən müttəfiqlərin bir-birinə qarşı səmimi olduqlarına inanmaq da lazım deyil. Müttəfiq olan dövlətlər müstəqil ölkələrdir və onların hər birinin öz marağı olur. Ona görə də elə hallar olur ki, ABŞ üçün müttəfiqlərin nə planladığını əvvəlcədən bilmək çox vacib olur. Bəzən olur ki, müttəfiqlərin özü lazımi informasiyaya sahib olmurlar və ya olsalar da onu bölüşmək istəmirlər. Belə olan halda ABŞ hökuməti nəinki həmin informasiyanı əldə etmək hüququna malikdir, hətta onu əldə etməyə borcludur”. Məqalədə qeyd edilir ki, Almaniya kanslerinin dinlənilməsi ilə bağlı hay-küyün qaldırılmasına ehtiyac yoxdur. Almaniya ABŞ-ın əsas müttəfiqlərindən biridir. Amma Almaniya bir çox məsələdə, o cümlədən İraqa qoşun yeridilməsində ABŞ-ın maraqlarının əleyhinə çıxış edib. Belə olan halda ABŞ üçün Almaniya hökumətinin nə düşündüyünü bilmək çox vacibdir: “Ona görə müttəfiqlərin dinlənilməsi vacibdir”.
Anar Miriyev




 
Bölməyə aid digər xəbərlər
16.11.2018
Ərdoğan Qəzza zolağında vəziyyətlə bağlı Abbasa dəstəyini bildirib
16.11.2018
ABŞ Gülənin ekstradisiyasının yollarını axtarır
16.11.2018
Gürcüstandan Rusiyaya gedən avtomagistral yol bağlanıb
15.11.2018
Aİ - Britaniya “boşanması”: İrlandiya, Cəbəllütariq və Kipr üzrə protokollar razılaşdırılıb
15.11.2018
Miqrantlar ABŞ ve Meksika arasında olan sərhəd hasarına çıxdılar

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10489

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 “Gedir dayanmadan zamanın köçü”
4 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info