ABŞ Ukraynaya qarşı sanksiyalar tətbiq edə bilər
Tarix: 13.12.2013 | Saat: 00:37:00 | E-mail | Çapa göndər


ABŞ hökuməti Ukraynaya qarşı sanksiyalar tətbiq edə bilər. “RİA Novosti”nin məlumatına görə, bunu jurnalistlərə ABŞ Dövlət Departamentinin nümayəndəsi Cen Psaki deyib.
“Bütün addımlar nəzərdən keçirilir, o cümlədən sanksiyalar. Lakin hələlik qiymətləndirmə yekunlaşmayıb, qərarlar qəbul olunmayıb” - deyə o, vurğulayıb. Psaki qeyd edib ki, Ukraynanın Avropaya inteqrasiya yolu ilə getməyə hələlik imkanı var. Bu arada ukraynalı oliqarx, keçmiş prezident Leonid Kuçmanın yeznəsi Viktor Pinçuk Kiyevin Müstəqillik Meydanında mitinq keçirənlərə dəstək verib. İş adamı bildirib ki, aksiyada iştirak edənlər 2004-cü ildə olduğu kimi, dinc və konstruktiv həll yolu tapmaq üçün nə etmək lazım olduğu yönündə həm biznesmen, həm də vətəndaş kimi onu düşünməyə vadar ediblər. V. Pinçukun fikrincə, aksiyanın başlıca nailiyyəti budur ki, Ukrayna vətəndaş cəmiyyəti öz gücünü göstərib: “Söhbət təkcə ondan getmir ki, insanlar konkret siyasi razılaşmanın lehinə seçim ediblər. Əsas odur ki, vətəndaşlar azad şəkildə öz mövqelərini formalaşdıraraq bunu ifadə edirlər. Heç bir şey bundan daha güclü ola bilməz. Bu, ölkəmizin gələcəyi üçün məndə çox böyük nikbinlik yaradır”. Qeyd edək ki, yəhudi əsilli V. Pinçuk Ukraynanın ən zəngin iş adamlarından biridir. Yeri gəlmişkən qeyd edək ki, Gürcüstan parlamenti 68 səslə Ukraynada baş verən hadisələrlə bağlı bəyanat qəbul edib. Bəyanatın mətnini deputatlara Avrointeqrasiya məsələləri üzrə parlament komitəsinin sədri, “Gürcü Arzusu”ndan olan deputat Viktor Dolidze təqdim edib. Bəyanatda Gürcüstan parlamentinin Ukraynada vətəndaşlara qarşı güc tətbiq edilməsindən narahatlığı ifadə edilib, Rusiya və digər dövlətlərin Ukraynanın daxili işlərinə müdaxilə etmək hüququna malik olmadığı vurğulanıb. “Gürcüstan parlamenti Ukrayna xalqına azad seçkilər uğrunda mübarizədə öz həmrəyliyini nümayiş etdirir. Biz Ukrayna xalqının Avropa və Avroatlantik ailəsinin tamhüquqlu üzvü olmaq istəyini dəstəkləyirik. Mövcud problemlərə baxmayaraq, Ukrayna və Gürcüstan beynəlxalq demokratik məkanda layiqli yer tutacaq” - deyə bəyanatda qeyd olunub. Gürcü deputatları Ukraynanın siyasi liderlərinin mövcud vəziyyətdən xalq üçün faydalı bir çıxış yolu tapacağına ümid etdiyini bildirib.






 
Bölməyə aid digər xəbərlər
25.04.2019
Qazaxıstanda prezident seçkilərində ilk dəfə qadının namizədliyi irəli sürülüb
23.04.2019
Ukrayna MSK prezident seçkilərində Vladimir Zelinskinin qələbəsini elan edib
23.04.2019
Özbəkistan, Türkiyə və Pakistanın birgə hərbi təlimi başlayıb
23.04.2019
“Eurasianet”: “Ermənistanda iqtisadi artım hələ də aşağı səviyyədədir”
23.04.2019
Paşinyan sürücüsünün qohumunu gömrük direktoru təyin edib

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10759

1 Tarixin ibrət dərsləri...
2 Ramiz Mehdiyevin sərəncamı ilə tədbirlər planı təsdiqləndi
3 Gülnar Səmanın kitabının təqdimatı keçiriləcək
4 “Azərbaycan dilinin Orfoqrafiya Normaları” təsdiq edilib
5 Artıq bəzi sözlər yeni qaydalar əsasında yazılmalıdır


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info