Mədəniyyət və turizm naziri Şəkidə vətəndaşları qəbul edib
Tarix: 16.12.2013 | Saat: 18:27:00 | E-mail | Çapa göndər


Mədəniyyət və turizm naziri Əbülfəs Qarayev dekabrın 16-da Şəki Olimpiya İdman Kompleksində Mingəçevir və Naftalan şəhərlərindən, Şəki, Balakən, Zaqatala, Qax, Ağdaş, Goranboy, Xocalı, Bərdə, Tərtər və Ağdam rayonlarından olan vətəndaşları qəbul edib.
Vətəndaşlar əvvəlcədən Mədəniyyət və Turizm Nazirliyinin mct@mct.gov.azelektron poçt ünvanı, e-services.mct.gov.az elektron xidmətlər saytı, telefon məlumat sistemi (Qaynar xətt): 147 və ya (012) 493-55-21 nömrəli telefon vasitəsilə, eləcə də rayon (şəhər) mədəniyyət və turizm şöbələrinə müraciət etməklə qəbula yazılıblar.
Nazirliyin müvafiq strukturları rəhbərlərinin də iştirak etdikləri qəbulda vətəndaşların müraciətləri əsasən mədəniyyət müəssisələrinin maddi-texniki bazasının gücləndirilməsi, təmiri, fəxri adların verilməsi, kollektivlərin zəruri geyim və musiqi alətləri ilə təminatı, işlə təmin edilmə və digər məsələlərlə bağlı olub. Qəbula gələnlər, həmçinin Şəki şəhərində yumor festivalının keçirilməsi, Şəki rayonunun Fazıl kəndi ərazisindəki “Təpəbaşı” nekropolunda bərpa işlərinin tamamlanması, çövkən və digər milli atüstü oyunların inkişafı məqsədilə Qax rayonunun Zəyəm kəndində Atçılıq Mərkəzinin yaradılması, Ağdaş rayonunda Qarabəy karvansarayının bərpası, Tərtər rayonunun Kəbirli-Bayandur kəndində klub müəssisəsinin açılması məsələsini qaldırıblar. Bərdə rayonunun iri yaşayış məntəqələrində müasir tələblərə uyğun kitabxanaların, Naftalan şəhərində Turizm İnformasiya Mərkəzinin yaradılması, Balakən Rayon Mədəniyyət Mərkəzinin ixtisaslı kadrlarla təmin edilməsi, Zaqatalada beynəlxalq festivalın keçirilməsi, Şəki şəhərində 20 min nəfərə yaxın əhalinin yaşadığı “Yuxarıbaş” Dövlət Tarix-Memarlıq Qoruğu ərazisində uşaq musiqi məktəbinin açılması, şəbəkə məhsullarının istehsalı və satışının dövlət sifarişi əsasında reallaşdırılması və digər məsələlərlə bağlı müraciətlər də səsləndirilib.
Nazir Əbülfəs Qarayev hər bir vətəndaşı diqqətlə dinləmiş, onların müraciətlərinin, təklif və təşəbbüslərinin operativ həll olunması üçün müvafiq göstərişlər verib.
Vətəndaşlar onlar üçün yaradılmış şəraitdən razılıqlarını bildiriblər.




 
Bölməyə aid digər xəbərlər
14.11.2018
Xəzərdə qəfəs tipli balıq təsərrüfatlarının yaradılması üçün qanunvericilikdə dəyişikliklər edilməlidir
13.11.2018
“Bakcell”in dəstəyi ilə keçirilmiş M.A.P. Festivalı teatr həvəskarlarına unudulmaz təəssüratlar bəxş edib
13.11.2018
Gömrük əməkdaşları üçün seminar təşkil edilib
13.11.2018
“Dini radikalizmi doğuran əsas səbəblərdən biri İslam haqqında biliklərin az olmasıdır“
13.11.2018
“Nərimanov“ elektrik deposunda qatarlara texniki baxış sahəsi yenidən qurulur

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10465

1 İncəsənət dünyaya sülh gətirir
2 İsveçdə Skandinaviya Azərbaycanlılarının Koordinasiya Şurası yaradılıb
3 “Universitetlərdə rəhbər şəxslərin qapıları tələbələr üçün daim açıq olur”
4 Polşalı şagirdlər Azərbaycan nağıllarına illüsturasiyalar çəkiblər
5 “2019-cu ildə əmək haqları və pensiyalar artacaq”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info