Aleksey Sergeyev: “MDB ölkələri Azərbaycanın seçki təcrübəsini öyrənməlidir”
Tarix: 16.12.2013 | Saat: 23:09:00 | E-mail | Çapa göndər


Milli Məclisdə “MDB ölkələrində seçki qanunvericiliyinin inkişafı: təkmilləşdirmə yolları və tətbiq praktikası” mövzusunda beynəlxalq seminar işə başlayıb. Seminar Azərbaycan Milli Məclisi və MDB iştirakçısı olan dövlətlərin Parlamentlərarası Assambleyası (PAA) tərəfindən təşkil edilib. Tədbirdə MDB ölkələrinin parlamentlərinin deputatları, qeyri-hökumət təşkilatlarının nümayəndələri, seçki qanunvericiliyi sahəsində mütəxəssislər iştirak edir.
Milli Məclis sədrinin müavini Valeh Ələsgərov tədbirin açılışında Azərbaycan Milli Məclisinin sədri Oqtay Əsədovun seminar iştirakçılarına təbrik məktubunu oxuyub. Məktubda qeyd edilir ki, seminarın keçirilməsi həm təcrübə mübadiləsi, həm də müasir elektoral proseslərin təhlili baxımından böyük əhəmiyyət kəsb edir. Spikerin məktubunda deyilir: “Qısa müddətdə MDB ölkələrində seçki mexanizmlərində islahatlar aparılıb, bu ölkələr dünya təcrübəsindən bəhrələnərək daim seçki sistemini təkmilləşdirməyə çalışırlar”. Oqtay Əsədov qeyd edib ki, Azərbaycanda Seçki Məcəlləsi qəbul ediləndən sonra azad seçkilər keçirilməsi üçün qanunvericilik bazası yaradılıb, seçki komissiyası formalaşdırılıb. Bu komissiya seçki qanunvericiliyinin normativləri və tələbləri əsasında fəaliyyət göstərir. Spiker vurğulayıb ki, ölkəmizdə seçki qanunvericiliyinin təkmilləşdirilməsi fasiləsiz prosesdir. Azərbaycanda Prezident seçkilərinin yüksək səviyyədə keçirilməsi bunun əyani göstəricisidir.
Seminarın açılışında MDB Parlamentlərarası Assambleya Şurasının sədri Valentina Matviyenkonun məktubu da oxunub. MDB PAA-nın baş katibi Aleksey Sergeyev çıxışında vurğulayıb ki, MDB ölkələri seçki proseslərinin açıq keçirilməsinə can atırlar, bu sahədə zəngin təcrübəyə malik olan Avropa dövlətlərinin praktikasından istifadə edirlər. Baş katib qeyd edib ki, seminar MDB ölkələrinin seçki qanunvericiliyinə dair mövqelərinin yaxınlaşmasına, bütövlükdə seçki prosesinin təkmilləşdirilməsinə xidmət edəcək. A.Sergeyev deyib: “Seminarın keçirilməsi üçün Bakının seçilməsi təsadüfi deyil. Azərbaycanda bu yaxınlarda yüksək səviyyədə keçirilmiş Prezident seçkiləri bu ölkədə qanunvericilik prosesinin böyük inkişaf yolu keçdiyi dəlalət edir. Bunu nəzərə alaraq Birliyin üzvü olan digər ölkələrin də Azərbaycanın bu sahədəki təcrübəsini öyrənməsi faydalı olardı. Seminar iştirakçıları bu məqsədlə Azərbaycan Mərkəzi Seçki Komissiyasının fəaliyyəti ilə tanış olacaqlar”. İki gün davam edəcək seminarda Avropa və MDB ölkələrində seçki qanunvericiliyinin inkişafı, seçkilərin monitorinqində qeyri-hökumət təşkilatlarının iştirakı, elektoral qanunvericiliyin tətbiq edilməsi mövzularına aid məruzələr dinləniləcək, Birliyin üzvü olan müxtəlif ölkələrin seçki sistemləri müzakirə mövzusudur.




 
Bölməyə aid digər xəbərlər
16.01.2019
Nikola Sturgeon: Brexitlə bağlı yeni referendumun keçirilməsi vacibdir
14.01.2019
“Azərbaycan hər ili əvvəlki ildən daha möhtəşəm uğurlara imza atır”
13.01.2019
Prezident Ermənistandakı böyük problemlərin məhz Sarkisyan rejiminin mahiyyətindən irəli gəldiyini təkzibolunmaz faktlarla sübut etdi
13.01.2019
2019-cu ilin “Nəsimi ili” elan edilməsi Nəsimi ideyaları əsasında azərbaycançılıq təfəkkürünün inkişaf etdirilməsi baxımından çox mühümdür
13.01.2019
Azərbaycanın uğurlu siyasəti Ermənistanın kriminal xunta rejiminin mahiyyətini açıb ortaya qoydu

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10563

1 Ukraynada oxucuların rəğbətini qazanan azərbaycanlı yazıçı
2 Struktur dəyişiklikləri dövlət idarəçiliyinin təkmilləşdirilməsini nəzərdə tutur
3 Azərbaycanın qonşu ölkələrlə əlaqələri yüksək səviyyədədir
4 Çingiz Bayramov: “Azərbaycan bölgənin inkişaf etmiş ölkəsinə çevrilib”
5 Hüseyn Babayev AAF-ın vitse-prezidenti təyin edilib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info