Türkiyə investorlarının Azərbaycan bazarına marağı artıb
Tarix: 18.12.2013 | Saat: 00:13:00 | E-mail | Çapa göndər


Azərbaycan Sahibkarlar Konfederasiyasında (ASK) Türkiyə İqtisadiyyat Nazirliyinin başçılığı ilə «Qablaşdırılmış süd və süd məhsulları Sənayeçilər Birliyi»nin (ASÜD) üzvləri ilə görüş keçirilib. Görüşdə Kənd Təsərrüfatı Nazirliyi, Sahibkarlığa Kömək Milli Fondu (SKMF), Azərbaycanda İxracın və İnvestisiyaların Təşviqi Fondu (“Azpromo”), 20-dən artıq Türkiyə şirkəti və Azərbaycanda fəaliyyət göstərən müəssisələrin nümayəndələri iştirak ediblər.
Azərbaycanla Türkiyə arasında siyasi-iqtisadi əlaqələrə toxunan ASK prezidenti Məmməd Musayev iki ölkə arasında əlaqələrin gündən-günə inkişaf etdiyini söyləyib. M.Musayev bildirib ki, son illər ölkəmizə investisiya yatıran xarici şirkətlər arasında Türkiyə şirkətləri qabaqcıl yer tutur. M.Musayev iki ölkə sahibkarlarının süd və süd məhsullarının istehsalı sahəsində qarşılıqlı əməkdaşlığın davamı üçün ASK-nın lazımi dəstək verəcəyini vəd edib. Konfederasiyanın nəzdində «ASK Biznes Konsaltinq» MMC-nin fəaliyyətə başlaması və bu qurumun xarici şirkətlərin ölkəmizdə qeydiyyatdan keçməsinə və digər məsələlərin həllinə köməklik edəcəyi qonaqların nəzərinə çatdırılıb. Tədbirdə sahibkarlıq fəaliyyəti ilə məşğul olmaq üçün elektron müraciət vasitəsilə qeydiyyatdan keçməyin mümkünlüyü, türkiyəli iş adamlarının fəaliyyəti üçün ölkəmizdə hər cür şəraitin yaradıldığı barədə məlumat verilib. ASÜD-ün sədri Harun Çallı deyib ki, Azərbaycanda süd və süd məhsullarına olan tələbatı araşdırmaq, bu sahədə çalışan yerli iş adamları ilə birgə işgüzar əlaqələr qurmaq niyyətindədirlər. O, bu sahədə Türkiyənin zəngin təcrübəyə malik olduğunu qeyd edib. Bildirib ki, Türkiyədə istehsal olunan süd məhsulları keyfiyyətinə görə dünyada ilk yerlərdən birini tutur: «Son 3 ildə süd və süd məhsulları istehsalı sahəsində 40% artım qeydə alınıb. Ötən il isə Türkiyədə 17,4 mln. ton süd istehsal olunub. Türkiyəli iş adamları Azərbaycanda da bu təcrübəsini bölüşmək, ortaq şirkətlərin təməlini qoymaq niyyətindədir». Türkiyə nümayəndə heyəti Azərbaycanda əsasən dondurma sahəsində istehsal müəssisələrinin sayının artırılmasının tərəfdarı olduğunu qeyd edib.
Rasim




 
Bölməyə aid digər xəbərlər
24.09.2018
Yerli istehsalçıların məlumat bazası yaradılacaq
24.09.2018
Lerik və Yardımlıda elektrik enerjisi infrastrukturu yenidən qurulur
24.09.2018
Neftin qiyməti 100 dollara yüksələcək
24.09.2018
Nazir: “Azərbaycan aqrar sahənin inkişafı üçün müvafiq strategiya hazırlayıb”
24.09.2018
Azərbaycan-Rusiya İşgüzar Şurasının iclası keçirilib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10137

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 Yalnızlıq qorxusu
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info