“İnsan Hüquqları haqqında Ümumi Bəyannamə - 65 il” mövzusunda konfrans
Tarix: 18.12.2013 | Saat: 20:42:00 | E-mail | Çapa göndər


Dekabrın 18-də “Kempinski Hotel Badamdar” mehmanxanasında “İrəli” İctimai Birliyinin (İB) təşkilatçılığı ilə Beynəlxalq İnsan Hüquqları Gününə həsr olunmuş “İnsan Hüquqları haqqında Ümumi Bəyannamə - 65 il” mövzusunda konfrans keçirilib.
İB-nin sədri Rauf Mərdiyev konfransın BMT tərəfindən 1948-ci ilin dekabrın 10-da qəbul olunmuş Bəyannamənin bu müddətdə dünyada və Azərbaycanda insan hüquqlarının qorunmasında rolunu qeyd etmək, bu sahədə olan hazırkı vəziyyəti, problemləri və perspektivləri müəyyənləşdirmək məqsədilə keçirildiyini diqqətə çatdırıb.
O, Azərbaycanda insan hüquqlarına daim böyük önəm verildiyini bildirib və deyib ki, rəhbərlik etdiyi təşkilat gəncləri bu sahədə maarifləndirməyə çalışır.
Konfransda çıxış edən Milli Məclisin insan hüquqları komitəsinin sədri Rəbiyyət Aslanova deyib ki, bəşəriyyət yüz illərdir insan hüquqları ilə bağlı işlər görür və bu barədə düşünür. Bu proses İkinci Dünya müharibəsindən sonra daha da sürətlənib. Nəhayət, XX əsrdə insan hüquqları sahəsində əsas sənəd - 1948-ci il dekabrın 10-da BMT tərəfindən “İnsan Hüquqları haqqında Ümumi Bəyannamə” qəbul olunub. Bu sənəd 70-dən çox beynəlxalq konvensiya üçün hüquqi baza olub. Ölkəmizdə də bu sənəd nəticəsində bir çox müsbətyönümlü qərarlar qəbul olunub. Azərbaycanın dövlət müstəqilliyinin bərpasından sonra ölkəmizdə insan hüquq və azadlıqlarının təmin olunması uğurla həyata keçirilmiş, qanunvericilik təkmilləşdirilmişdir.
Rəbiyyət Aslanova insan hüquqlarının təmin edilməsinin müstəqil Azərbaycan dövlətinin prioritet vəzifələrindən olduğunu vurğulayıb.
Qeyd edilib ki, Azərbaycanda insan hüquqları və azadlıqlarının bərpa olunması, inkişaf etdirilməsi siyasətinin özülü ulu öndər Heydər Əliyev tərəfindən qoyulub.
Konfransda Milli Məclisin hüquq siyasəti və dövlət quruculuğu komitəsinin sədri Əli Hüseynli “Dünyada və Azərbaycanda insan hüquqları: problemlər və perspektivlər” mövzusunda məruzə ilə çıxış edib. O deyib ki, Avropanın insan hüquqları ilə bağlı daha fəal çıxış etməsinə baxmayaraq, bunun tarixi Şərqdən qaynaqlanır. Vaxtilə Osmanlı dövlətinin fərmanlarında “Bütün insanlar qardaşdır” ifadəsi əks olunub.
Azərbaycanda insan hüquq və azadlıqlarının təmin edilməsi məsələlərinə xüsusi diqqət göstərildiyini deyən Ə.Hüseynli bu sahədə mühüm sənədlərin imzalandığını bildirib. Diqqətə çatdırıb ki, ötən müddətdə ölkəmizin milli qanunvericilik bazası Avropa standartlarına uyğun təkmilləşdirilib, əhalinin digər hüquqları ilə bərabər, sosial-iqtisadi hüquqlarının da daha səmərəli təmin edilməsi məqsədilə bir sıra Dövlət proqramları qəbul olunub.
Vurğulanıb ki, Azərbaycan Respublikası Şərqdə ölüm hökmünü ləğv edən ilk dövlətdir. Bu da məhz ümummilli lider Heydər Əliyevin iradəsi nəticəsində baş tutub.
Konfransda insan hüquqlarının qorunmasından bəhs edən film nümayiş olunub.
Daha sonra tədbir diskussiyalarla davam edib.




 
Bölməyə aid digər xəbərlər
18.02.2019
İbrahim Öztek: “Xocalı soyqırımı nankor bir cəmiyyətin xəyanətkar hücumunun son halqasıdır”
18.02.2019
Rusiyanın azərbaycanlı icması soydaşlarımızı və çeçenləri təxribata uymamağa çağırıb
18.02.2019
“Müxalifət liderlərinin siyasəti kökündən yanlışdır”
18.02.2019
Müxalifətçilik missiyası və Azərbaycanın milli maraqları
18.02.2019
Burak Candaş: “Qarabağ dərhal Azərbaycana qaytarılmalıdır“

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10602

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 Milli qəhrəmanlara və şəxsiyyətlərə hücum savaşın tərkib hissəsidir
3 “Vzqlyad.ru”: “Nazarbayev və Əliyev türk-islam dünyasının lideri roluna ən aktiv iddiaçılardır”
4 “Əsas oxucu kütləsi sayılan gənclər bu gün internet mediaya daha çox üstünlük verirlər”
5 Qabaqcıl texnologiyalar dövründə ənənəvi və internet medianın inkişafı


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info