Ağ ev: “Obama İrana qarşı yeni sanksiyalara veto qoyacaq”
Tarix: 20.12.2013 | Saat: 14:54:00 | E-mail | Çapa göndər


İrana qarşı yeni sanksiyaları nəzərdə tutan qanun layihəsi qəbul olunarsa, ABŞ Prezidenti Barak Obama veto hüququndan istifadə etməyə hazırdır. “RİA Novosti”nin verdiyi məlumata görə, bunu Ağ Evin rəsmi nümayəndəsi Cey Karni deyib.
O, qeyd edib: "Biz Konqres üzvləri ilə bu mövzunu müzakirə etdik və açıq-aydın bildirdik ki, yeni sanksiyalar haqqında qanun layihəsinin qəbul edilməsinin vaxt deyil. Biz bu sənədin qəbul ediləcəyini və qəbul edilməli olduğunu düşünmürük. Əgər qanun layihəsi qəbul olunsa, Prezident veto hüququndan istifadə edəcək".
Bundan əvvəl Ağ Ev dəfələrlə Konqresi danışıqlar prosesini korlamamaq üçün yeni sanksiyaların qəbulunu təxirə salmağa çağırıb.
C.Karninin sözlərinə görə, əgər İran öhdəliklərini yerinə yetirməsə və ya nüvə problemi üzrə yekun sazişi imzalamasa, onda Ağ Ev yeni sanksiyaların tez bir zamanda qəbul edilməsi üçün Konqreslə qarşılıqlı fəaliyyətdə ola bilər: "Lakin indi belə bir fəaliyyət diplomatik həll prosesinə mane ola bilər. Belə bir qanun layihəsinin qəbulu ABŞ-ın İrana qarşı hərbi fəaliyyətə cəlb edilmə riskini ciddi şəkildə artıracaq".
Qeyd edək ki, İrana qarşı mümkün yeni sanksiyalar haqqında qanun layihəsi dekabrın 19-da ABŞ Senatına təqdim olunub. Hər iki partiyadan 26 senatorun dəstəklədiyi sənədə əsasən, rəsmi Tehran Cenevrədə əldə olunmuş əməkdaşlıq planını yerinə yetirməsə və ya nüvə problemi üzrə yekun sazişi bəyənməkdən imtina etsə, yeni sanksiyalarla üz-üzə qalacaq.
Xatırladaq ki, İranın nüvə proqramı üzrə ilkin razılıq noyabrın sonunda Cenevrədə İran və beynəlxalq vasitəçilər (ABŞ, Rusiya, Çin, Böyük Britaniya, Fransa və Almaniya) arasında danışıqlar zamanı əldə olunub.
Tural




 
Bölməyə aid digər xəbərlər
20.01.2019
Terrorçular Malidə BMT-nin düşərgəsinə hücum edərək 8 sülhməramlını öldürüblər
20.01.2019
Ötən il Ukraynada əhalinin sayı 200 min nəfərdən çox azalıb
19.01.2019
Fransada “Sarı jiletlər”in növbəti aksiyası keçirilir
19.01.2019
Türkiyə hərbçiləri Suriyada “YPG“ terrorçularına layiqli cavab veriblər
18.01.2019
Berlin: Moskva “Şimal axını-2” layihəsinin tikintisini müstəqil şəkildə başa çatdırmağa qadirdir

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10565

1 Ukraynada oxucuların rəğbətini qazanan azərbaycanlı yazıçı
2 Struktur dəyişiklikləri dövlət idarəçiliyinin təkmilləşdirilməsini nəzərdə tutur
3 Hüseyn Babayev AAF-ın vitse-prezidenti təyin edilib
4 Dərslər təxirə salındı
5 Nikola Sarkozi: “Bakıda böyük quruculuq işlərinin şahidi oldum”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info