Heydər Əliyev Fondu Azərbaycanı Fransada layiqincə tanıdır
Tarix: 23.12.2013 | Saat: 14:52:00 | E-mail | Çapa göndər


Heydər Əliyev Fondu Azərbaycanı Fransada layiqincə tanıdır.
Bu fikir Heydər Əliyev Fondunun təşkilatçılığı və ölkəmizin Fransadakı səfirliyinin dəstəyi ilə Azərbaycan şairəsi Məhsəti Gəncəvinin yaradıcılığının 900 illiyi münasibətilə Miluz şəhərində keçirilən tədbirlərlə bağlı “Alzasın son xəbərləri” qəzetində dərc edilən “Bir şairənin həssaslığı” sərlövhəli məqalədə yer alıb.
Məqalədə Miluzun “Fonderi” sərgi salonunda Məhsəti Gəncəvinin yaradıcılığının 900 illiyinə həsr olunan sərgi və konsertdən söhbət açılıb. Həmçinin 20 il əvvəl Fransanın diplomatik əlaqələr qurduğu Azərbaycan qədim tarixə və zəngin mədəni dəyərlərə malik ölkə kimi təqdim olunub, Xll əsr Şərq intibahının görkəmli nümayəndəsi Məhsəti Gəncəvinin doğma şəhəri qədim Gəncə ilə Miluz arasında dostluq əlaqələrinin təməlinin qoyulduğu vurğulanıb.
Sərgidə nümayiş etdirilən eksponatların zənginliyindən bəhs olunan məqalədə dünyəviliyin beşiyi hesab edilən Azərbaycanda yaşamış Məhsəti Gəncəvinin yaradıcılığında bəşəri ideyaların, o cümlədən azadlığın, qadın və kişi bərabərliyinin, qardaşlığın təcəssüm edilməsindən söhbət açılıb. Sərgidə nümayiş etdirilən eksponatların, şairənin əsərlərinə həsr olunan illüstrasiyaların XII əsr Azərbaycan ədəbiyyatının və mədəniyyətinin qızıl dövrünü əks etdirdiyi bildirilib.
Yazıda Azərbaycanı fransızlara daha yaxından tanıtmaq istiqamətində Heydər Əliyev Fondunun Fransanın müxtəlif bölgələrində və şəhərlərində keçirdiyi tədbirlər təqdir olunub. Fondun Azərbaycanı Fransada layiqincə tanıtdığı xüsusi vurğulanıb.
Məqalənin sonunda Məhsəti Gəncəvi ilə bağlı sərgi və konsertin Heydər Əliyev Fondunun təşkilatçılığı, Azərbaycanın Fransadakı səfirliyinin, Miluz şəhər meriyasının və Yuxarı Alzas Universitetinin dəstəyi ilə təşkil edildiyi xatırlanıb.
Miluzda Məhsəti Gəncəvi ilə bağlı keçirilən tədbirlər barədə gündəlik “L’Alzas” qəzetində dərc olunmuş “Musiqi - Azərbaycanın zəngin mədəni sərvəti” sərlövhəli məqalədə də ətraflı bəhs edilib. Yazıda qeyd olunub ki, şəhərin Sen-Etyen kilsəsində Azərbaycanın ilk qadın şairəsi Məhsəti Gəncəvinin yaradıcılığının 900 illiyinə həsr olunan konsert böyük uğurla keçib. Buna səbəb bir qədər əvvəl Heydər Əliyev Fondunun təşkilatçılığı və Azərbaycanın Fransadakı səfirliyinin dəstəyi ilə tolerantlıq nümunəsi olan bu ölkəni fransızlara yaxından tanıtmaq məqsədi ilə həyata keçirilən “Qafqazın mirvarisi olan Azərbaycanın mədəni dəyərləri” layihəsi çərçivəsində Miluzda sərgi və konsertin təşkil olunmasıdır. Həmin vaxtdan keçən dövr ərzində miluzlularda artıq Azərbaycanın tarixi, zəngin mədəniyyəti, musiqisi barədə geniş təsəvvür yaranıb.
Məqalənin müəllifi Jan-Mari Valder xalqımıza məxsus qədim musiqi alətləri haqqında ayrıca məlumat verib. O, balaban və tarla ifa olunan musiqinin tamaşaçılarda böyük maraq doğurduğunu qeyd edib.
Yazının sonunda Məhsəti Gəncəvi yaradıcılığının 900 illiyinə həsr olunan sərgi və konsertin iki ölkə arasında dostluq və mədəni əlaqələrin daha da inkişaf etdirilməsində xüsusi rol oynadığı diqqətə çatdırılıb.




 
Bölməyə aid digər xəbərlər
25.04.2019
Müharibə veteranlarına birdəfəlik maddi yardımın verilməsi mayın 5-ə qədər yekunlaşacaq
24.04.2019
Azərbaycanda tullantılardan nə qədər elektrik enerjisi istehsal edilir?
24.04.2019
Həssas kateqoriyalardan olan daha bir qrup şəxs üçün özünüməşğulluq proqramı üzrə təlimə başlanıb
23.04.2019
Azərbaycanda Çernobıl əlilləri dövlətin qayğısı ilə əhatə olunublar
23.04.2019
Real TV-yə ümumrespublika televiziya yayımı üçün müddətsiz lisenziya verilib

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10759

1 Tarixin ibrət dərsləri...
2 Ramiz Mehdiyevin sərəncamı ilə tədbirlər planı təsdiqləndi
3 Ermənistanda daha 400-ə yaxın məmur işdən qovulacaq
4 Gülnar Səmanın kitabının təqdimatı keçiriləcək
5 “Azərbaycan dilinin Orfoqrafiya Normaları” təsdiq edilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info