“Rusiya Azərbaycanın imzaladığı sazişlərə qarşı deyil”
Tarix: 24.12.2013 | Saat: 00:53:00 | E-mail | Çapa göndər


“Azərbaycan enerji resurslarının ixracında
alternativ yollara sahib olmaq arzusundadır ki, Rusiya da bunu yaxşı başa düşür”


Məlum olduğu kimi bu yaxınlarda Bakıda “Şahdəniz-2” üzrə yekun investisiya qərarının imzalanması mərasimi oldu. Qeyd edək ki, “Şahdəniz-2” layihəsi Azərbaycan və Gürcüstan ərazisi boyunca Cənubi Qafqaz boru kəmərinin genişləndirilməsinə xidmət etməklə Trans-Anadolu və Trans-Adriatik qaz boru kəmərlərinin tikintisi ilə bağlı planların reallaşmasına təkan verəcək, Avropaya yeni qaz dəhlizi açacaq. Layihə çərçivəsində 26 sualtı quyunun qazılması, həmçinin körpü ilə birləşdiriləcək iki platformanın tikintisi, Səngəçalda isə yeni texniki emal və kompressor qurğularının inşası nəzərdə tutulur. 3500 kilometr məsafədə nəql olunacaq qaz Gürcüstan, Türkiyə, Yunanıstan, Bolqarıstan, İtaliya və digər ölkələrdə milyonlarla istehlakçını təmin edəcək. İlk qazın Avropaya 2019-cu ildə çatdırılması planlaşdırılır.
1999-cu ildə kəşf olunan “Şahdəniz” yatağının işlənilməsinin birinci mərhələsi çərçivəsində 2006-cı ildən Gürcüstan və Türkiyəyə qaz ixrac edilir. “Şahdəniz” yatağının işlənilməsinin ikinci mərhələsi və “Cənub” qaz dəhlizi layihələri isə dünyanın neft-qaz sənayesində indiyə qədər həyata keçirilmiş ən böyük və mürəkkəb təşəbbüslərdən hesab olunur.

2011-ci ildə Azərbaycan ilə Avropa İttifaqı arasında strateji enerji əməkdaşlığına dair memorandum imzalanıb. Bu da öz növbəsində ölkəmizin enerji strategiyasının həyata keçirilməsinə və Avropa istiqamətində enerji təchizatının şaxələndirilməsinə yardım edib. Ötən il ölkəmiz Türkiyə ilə Trans-Anadolu boru kəməri - TANAP-a dair tarixi saziş imzalayıb. Bu il isə TAP layihəsi əsas ixrac marşrutu seçilib. “Şahdəniz-2”, TANAP və TAP dünyanın ən iri enerji layihələrindəndir. Layihəyə 45 milyard dollar məbləğində sərmayə cəlb ediləcək, marşrut boyu yerləşən ölkələrdə 30 mindən çox yeni iş yeri yaradılacaq. “Şahdəniz” layihəsinin ilkin mərhələsi - Azərbaycan, Gürcüstan, Türkiyə, Yunanıstan, Albaniya, İtaliya və Bolqarıstanı əhatə edir. Sonrakı mərhələdə Monteneqro və Xorvatiya da prosesə qoşulacaq. Bu boru kəmərinin Balkanlar istiqamətində uzadılması planları da var. Gələcək perspektivdə boru kəmərinin Rumıniya, Macarıstan və Avstriyaya da uzadılması ilə bağlı planlar var. Bütün bunlar Azərbaycanın Avropanın enerji təhlükəsizliyinin təmin olunmasında rolunun artmasına işarədir. Ölkəmiz qitənin enerji təhlükəsizliyinin təmin olunmasındakı rolunu artırmaqla dünyanın neft-qaz bazarında önəmli oyunçulardan birinə çevrilib. Elə bir neçə gün öncə Azərbaycan Respublikası Dövlət Neft Şirkəti (ARDNŞ) ilə Yunanıstanın Dövlət Özəlləşdirmə Fondu və “Petroleum” şirkəti arasında bu ölkənin qazpaylayıcı sistemi olan “DESFA” şirkətinə məxsus səhmlərin 66 faizinin alınması üzrə Yunanıstan tərəfindən elan edilmiş beynəlxalq tenderin nəticələrinə əsasən “Səhmlərin Alqı-Satqı Müqaviləsi” və “Səhmdarlar haqqında Müqavilə” imzalanıb.

“Putinin avqust ayında Bakıya etdiyi səfər çox uğurlu oldu”

İmzalanmış sənədlər Avropa Komissiyasının Enerji və Antiinhisar üzrə Baş Direktorluğu tərəfindən təsdiq edildikdən sonra qüvvəyə minəcək. İmzalanma mərasimində qeyd olunmuşdur ki, “DESFA” şirkətinə məxsus səhmlərin böyük hissəsinin ARDNŞ tərəfindən alınması Azərbaycanın Avropanın enerji təhlükəsizliyində rolunun artırılması, eləcə də Yunanıstana xarici investisiyaların cəlb edilməsi baxımından mühüm əhəmiyyətə malik hadisədir. Azərbaycanın bu uğurlarını dördgözlə izləyən işğalçı Ermənistan tərəfi nələri itirdiyinin fərqinə varır. Ermənistanın “Birinci İnformasiya” agentliyi bu məsələni şərh edərkən yazır ki, Bakıda imzalanan saziş Qərb mediasında “əsrin müqaviləsi” kimi xarakterizə edilib. Araks Martirosyan adlı müəllif qeyd edir ki, gələn il “Şahdəniz”dən çıxarılacaq qazın həcminin 1 milyard 400 milyon kubmetrə çatdırılması planlaşdırılır. 2019-cu ildə isə Azərbaycanın Avropaya satacağı qazın həcmi 10 milyard kubmetrə çatacaq. Eyni zamanda qeyd edilib ki, yeni kəmər Rusiyadan yan keçməklə “Cənub axını”na alternativdir. “Birinci İnformasiya” məsələyə Rusiya Dövlət Dumasının keçmiş üzvü, Plexanov adına Rusiya İqtisadiyyat Universitetinin prorektoru, Rusiya İctimai Palatasının üzvü Sergey Markovdan münasibət öyrənib. Bakıda imzalanan müqaviləni erməni saytına şərh edən Markov qeyd edib ki, Azərbaycan enerji resurslarının ixracında alternativ yollara sahib olmaq arzusundadır ki, Rusiya da bunu yaxşı başa düşür. Eyni zamanda Rusiya Gömrük İttifaqının genişləndirilməsində, o cümlədən Ermənistanın birliyə üzv olmasında maraqlıdır ki, bunu da Azərbaycan yaxşı başa düşür. Markov bunu başa düşülən, obyektiv səbəblər üzündən “maraqların toqquşması” kimi xarakterizə edir: “Amma tərəflər bunu yaradan motivləri yaxşı bilirlər və anlayırlar ki, mübahisə etmək yox, maraqların üst-üstə düşdüyü məsələlərdə əməkdaşlıq etmək lazımdır. Təbii ki, Rusiya Ermənistanın Gömrük İttifaqına üzv olmasında maraqlıdır. Amma onu da nəzərə almaq lazımdır ki, Vladimir Putinin avqust ayında Bakıya etdiyi səfər çox uğurlu oldu. Mən burada daha bir tendensiya görürəm-Azərbaycan tam obyektiv səbəblərdən neft və qazın Avropa İttifaqına satılmasında alternativ yola sahib olmaqda maraqlıdır. Əlbəttə ki, biz Azərbaycanın imzaladığı bu sazişlərə görə sevinmirik, amma bizim buna qarşı olduğumuzu demək səhv olardı. Hətta Rusiya bütün neft-qaz kəmərlərinin ərazisindən keçməsini istəsə belə, bu, mümkün deyil”. Ekspert bildirib ki, Azərbaycan kimi neft-qaz ehtiyatlarına sahib olan ölkələr Gömrük İttifaqı kimi birliklərdə maraqlı olmurlar. Onların neft-qazını bu birliklər olmadan da qəbul edirlər: “Böyük resurslara malik olan Azərbaycan da iqtisadi birliklərdə maraqlı deyil”.
Anar Miriyev




 
Bölməyə aid digər xəbərlər
17.11.2018
İN: Qondarma qurumun ABŞ ərazisində təşviqi bu ölkənin Minsk qrupunun həmsədri kimi öhdəlikləri ilə ziddiyyət təşkil edir
17.11.2018
ATƏT-in Minsk qrupu işğalçı Ermənistana təzyiq göstərmək üçün bütün alətlərdən maksimum istifadə etməlidir
17.11.2018
Ermənistan Belarus və Qazaxıstanla KTMT-də müttəfiq dövlət olmasına baxmayaraq, ciddi tərəfdaş kimi qəbul olunmur
17.11.2018
Rəsmi Bakı: Belə qərəzli addımlar Fransanın Minsk qrupunun həmsədri kimi üzərinə götürdüyü öhdəliklərlə bir araya sığmır
17.11.2018
Fransalı deputatların Saakyanla mümkün görüşü Fransanın ATƏT-in Minsk qrupunun həmsədri kimi statusuna zidd olacaq

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10498

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 Davamli dil siyasəti dövlətin əsas prioritet istiqaməti kimi
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


18.11 15:39 “Ümumiyyətlə, dağıdıcı müxalifət qrupları həmişə şou düzəltməklə gündəmdə qalmağa çalışıblar. Onların 17 noyabr Milli Dirçəliş günü ərəfəsində qanunsuz olaraq Şəhidlər Xiyabanında keçirməyə cəhd göstərdikləri aksiya da bunun bariz nümunəsidir”. Trend-in məlumatına görə, bu fikirləri Yeni Azərbaycan Partiyası Siyasi Şurasının üzvü, “İki Sahil” qəzetinin baş redaktoru Vüqar Rəhimzadə səsləndirib. Baş redaktorun fikrincə, sözügedən aksiya dağıdıcı müxalifətin sosial bazasının olmadığını bir daha ortaya qoyub: “Bütövlükdə hesab edirəm ki, qanuna zidd olaraq atılan hər bir addımın qanun çərçivəsində qarşısı alınmalıdır. Dünyanın heç bir ölkəsində qanunsuz, icazəsiz mitinq keçirməyə yol verilmir. Təbii ki, bu aksiya Azərbaycanda da baş tutmadı. Bəs nəyə görə, bu adamlar onlar üçün ayrılan yerlərdə deyil, məhz şəhərin mərkəzində öz aksiyalarını keçirməyə cəhd edirlər? Bunun başlıca səbəbi odur ki, İctimai Palatanın sosial bazası yoxdur və ətraflarına heç kəsi cəlb edə bilmir. Onlar qəsdən insanların istirahət hüquqlarını, şəhərdə asayişi pozurlar. Hesab edirəm ki, bu kimi halların qarşısı qətiyyətlə alınmalıdır”. V.Rəhimzadə bildirib ki, qanunsuz piket və mitinqlərə heç zaman yol verilməyəcək: “Təəssüf ki, özlərini yalnız ümummilli bayram və xalqımız üçün önəmli olan tarixi günlərdə yada salmaqdan başqa heç bir normal siyasi fəaliyyətlə məşğul olmayan bəzi radikal şəxslər Milli Dirçəliş Günündə də şou göstərməkdən əl çəkməyiblər. Şəhidlər Xiyabanını və müqəddəs şəhidləri ziyarəti öz siyasi məqsədlərinə tabe etməyə çalışmaq isə birmənalı qarşılana bilməz. Onların bir illik hakimiyyətləri dövründə, yəni 1990-ci illərin əvvəllərində Azərbaycan xalqının başına gətirdikləri bəlalar, müsibətlər hələ də gözlərimiz önündədir. Bu çox da uzaq tarixi keçmiş deyil. Onlar həmin dövrdə insanları haqsız yerə döyür, təhqir edir, aclıqla imtahana çəkirdilər. Bu gün də Əli Kərimli, Cəmil Həsənli kimi adamların kim olduqlarını hər kəs çox aydın görür. Bunlar öz şəxsi maraqlarını xalqın, millətin maraqlarından daim uca tutublar. Bu insanlar öz varlıqlarını, həyatda olduqlarını sübut etmək üçün cılız şou düzəltməkdə görürlər. Onları görərkən gülməli lətifələr yada düşür. Azərbaycan dövləti güclü və qüdrətlidir. Ölkədə mövcud olan xalq-iqtidar birliyi əbədidir. Bu birliyi belə mənasız cəhdlər sarsıda bilməz”. Baş redaktor əlavə edib ki, çox təəssüf ki, radikal müxalifət mətbuatı bu gün azad sözə yad olan prinsiplər çərçivəsində fəaliyyət göstərməyə üstünlük verir: “Onların yazdıqları ictimai rəyi çaşdırmağa hesablanmış sofistikadır. Müxalifət mətbuatı yalan üzərində qurulub. Onlar cəmiyyətdə hər şeyi yalnız qara rəngə boyayır, Azərbaycan hakimiyyətinin hansısa problemin aradan qaldırılmasına yönəlmiş addımına kölgə salmağa cəhd edirlər. Hesab edirəm ki, bu, peşə etikasına hörmətsizlikdən başqa bir şey deyil”.
© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info