Ukrayna Saakaşvilinin ölkəyə girişinə qadağa qoydu
Tarix: 24.12.2013 | Saat: 21:57:00 | E-mail | Çapa göndər


ABŞ və Avropa İttifaqına üzv olan ölkələrin 36 vətəndaşı Ukraynada persona non-qrata elan edilib
“Xarici siyasi texnoloqların və mütəxəssislərin Kiyevə gələrək, etiraz aksiyalarında iştirakı milli təhlükəsizlik üçün ciddi təhdidlər yaradır”
Gürcüstanın keçmiş dövlət başçısı Mixail Saakaşvili və bu ölkənin 29 vətəndaşı Ukraynada persona non-qrata elan edilib.
Belə ki, Ukraynanın Xarici İşlər Nazirliyi və Təhlükəsizlik Xidməti hakim Regionlar Partiyasından deputat olan Oleq Çarevanın sorğusuna müsbət cavab verib. Ali Radanın üzvü aralarında Saakaşvili də olmaqla ABŞ və Avropa İttifaqına üzv olan ölkələrdən 36 nəfərin ölkəyə gəlişinə qadağa qoyulmasını tələb etmişdi. “Kommersant-Ukraina” xəbər verir ki, deputat Ukrayna Təhlükəsizlik Xidmətinin rəhbəri Aleksandr Yakimenko və xarici işlər naziri Leonid Kojaraya müvafiq sorğusunu dekabrın 8-də təqdim edib. Çareva sorğusunda qeyd edib ki, xarici siyasi texnoloqların və mütəxəssislərin Kiyevə gələrək etiraz aksiyalarında iştirakı milli təhlükəsizlik üçün ciddi təhdidlər yaradır. Sorğu məktubunda konket olaraq bir çox şəxsin adları qeyd edilib və bildirilib ki, onlar xarici vətəndaş kimi etiraz aksiyalarında öz ölkələrinin və müəyyən siyasi dairələrin siyasi maraqlarını reallaşdırmağa çalışırlar. Siyahıda adları qeyd edilənlər arasında Con Hopkins Universitetinin Transatlantik əməkdaşlıq mərkəzinin elmi əməkdaşı Taras Kuzo, məşhur alman politoloq Andreas Umland, eləcə də Fink Brayn, Vasilik Miron və Aleksandr Rosun (hamısı ABŞ) adları yer alıb. Ukraynalı deputat Aleksandr Rosu sosial şəbəkələr vasitəsilə inqilab təşkil etmək üzrə dünyanın ən yaxşı mütəxəssisi adlandırıb. Arzu olunmayan şəxslərin siyahısında keçmiş Gürcüstan prezidenti Mixail Saakaşvili və Gürcüstanın daha 29 vətəndaşının da adı var. “Saakaşvilinin burada nə işi var? Getsin Gürcüstana və öz xalqı ilə görüşsün. O, Kiyevə “qızılgül inqilabı” edən komandası ilə birlikdə gəlmişdi. Onlar Ukrayna müxalifətinin reallaşdırmaq istədiyi inqilabın moderatorluğunu öz üzərlərinə götürmüşdülər”, - deyə Çareva bildirib. Gürcüstanın Kiyevdəki səfiri Georgi Zakaraşvili bildirib ki, artıq üç Gürcüstan vətəndaşı, o cümlədən “Rustavi-2” telekanalının jurnalisti David Kakuliyanın Ukraynaya girişinə qadağa qoyulub: “Biz indi Ukrayna Xarici İşlər Nazirliyi ilə müzakirələr apararaq, Çarevanın sorğusunda qeyd edilənlərin nə qədər həqiqətə uyğun olduğunu aydınlaşdırmağa çalışırıq. Ukrayna müxalifətinə liderlik edən “Batıkivişina” fraksiyasının sədr müavini Sergey Sobolev bəyan edib ki, hökumətin bu addımı ciddi beynəlxalq qalmaqala səbəb ola və hökumət üçün arzuolunmaz nəticələr doğura bilər: “Əgər həmin ölkələr-ABŞ, Avropa İttifaqı ölkələri və Gürcüstan Yanukoviçin, Azarovun və onların övladlarının ölkələrinə girişini yasaqlasalar, onda yəqin ki, bizimkilər ancaq Cənubi Koreyaya gedə biləcəklər”.
Anar





 
Bölməyə aid digər xəbərlər
14.11.2018
Ermənistandakı bəzi siyasi qüvvələr parlament seçkilərində iştirakdan imtina edirlər
14.11.2018
Putin: “Rusiya müsəlman ölkələri ilə dostluq əlaqələrinin inkişafına böyük əhəmiyyət verir”
13.11.2018
Nazarbayev Asiyada Təhlükəsizlik və Əməkdaşlıq Təşkilatının yaradılmasını təklif edib
13.11.2018
NATO Avropa ordusuna qarşı çıxdı
13.11.2018
Ermənistanın dövlət strukturlarında çalışanlar ixtisar ediləcək

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10470

1 “Xaricdə təhsilimi davam etdirsəm, psixologiya sahəsini seçəcəyəm”
2 “Universitetlərdə rəhbər şəxslərin qapıları tələbələr üçün daim açıq olur”
3 Polşalı şagirdlər Azərbaycan nağıllarına illüsturasiyalar çəkiblər
4 Azərbaycan turizmi Yunanıstanda təbliğ olunub
5 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info