Xaricdəki Azərbaycan vətəndaşlarının pensiya problemi həll olunub
Tarix: 27.12.2013 | Saat: 00:27:00 | E-mail | Çapa göndər


Dövlət Sosial Müdafiə Fondunda “Açıq qapı” günü-vətəndaş forumu keçirilib
Dövlət Sosial Müdafiə Fondunda “Elektron xidmətlər şəffaflığın əsas vasitəsidir” mövzusunda “Açıq qapı” günü-vətəndaş forumu keçirilib. DSMF sədri Elman Mehdiyev vurğulayıb ki, tədbir Azərbaycan Prezidentinin 5 sentyabr 2012-ci il tarixli sərəncamı ilə təsdiq olunmuş "Açıq Hökumətin təşviqinə dair 2012-2015-ci illər üçün Milli Fəaliyyət Planı"na uyğun olaraq həyata keçirilir.
Burada əsas məqsəd ictimaiyyəti DSMF-nin fəaliyyəti, qurulan müasir avtomatlaşdırılmış idarəetmə sistemi ilə yaxından tanış etmək, fondun həyata keçirdiyi elektron xidmətlər barədə ətraflı məlumat verməkdir. E.Mehdiyev bildirib ki, son dövrlər DSMF-nin maddi-texniki bazasının möhkəmləndirilməsi istiqamətində mühüm tədbirlər görülüb, şöbələr üçün yeni inzibati binalar tikilib, hər bir şöbədə lokal şəbəkələr yaradılıb, bu şəbəkələr fiber-optik kanallarla mərkəzi informasiya sisteminə birləşdirilərək fondun ümumi korporativ şəbəkəsi formalaşdırılıb. DSMF sədri hazırda Azərbaycanın sığorta-pensiya sisteminin müasir avtomatlaşdırılmış əsaslarla fəaliyyət göstərdiyini nəzərə çatdıraraq əlavə edib ki, informasiya texnologiyalarının uğurlu tətbiqi nəticəsində DSMF-nin mərkəzi məlumat bazasında ölkə əhalisinin 40 faizinə qədəri barədə elektron məlumatlar toplanılıb. “Fond tərəfindən əhaliyə təqdim olunan elektron xidmətlərin sayı 21-ə çatdırılıb. “Elektron hökumət” portalının statistikasına əsasən fondun təklif etdiyi elektron xidmətlər əhalinin ən çox müraciət etdiyi elektron xidmətlərdəndir”-deyən E.Mehdiyev qeyd edib ki, bu ilin ötən dövrü ərzində DSMF-nin təkcə “Elektron hökumət” portalına inteqrasiya olunan elektron xidmətlərindən 119 minə yaxın istifadəçi yararlanıb. DSMF sədri cari ilin iyul ayından etibarən isə beynəlxalq praktikada ilk dəfə Azərbaycanda əmək pensiyalarının avtomatlaşdırılmış qaydada təyininə başlanıldığını vurğulayıb. Sistemin tətbiq olunduğu qısa müddət ərzində 1 067 nəfərə avtomatlaşdırılmış qaydada pensiya təyinatı aparılıb. Elman Mehdiyev bildirib ki, xaricdə yaşayan Azərbaycan vətəndaşlarının pensiya təminatında mövcud olan problemlər aradan qaldırılıb. Bundan öncə ölkənin müvafiq məsələyə dair qanunvericiliyinə əsasən, pensiya təminatı üçün müraciət edən şəxs öz fərdi sənədlərini və ərizəsini yaşayış ərazisi üzrə Dövlət Sosial Müdafiə Fondunun yerli struktur bölməsinə təqdim etməli idi. Lakin xaricdə yaşayan Azərbaycan vətəndaşları bu imkandan məhrum olduğundan, onların pensiya təyinatının hansı qaydalar əsasında müəyyənləşdirilməsində problemlər olub. Bununla bağlı qanunvericiliyə müəyyən dəyişikliklər edilib. Onun sözlərinə görə, yeni dəyişikliklər Azərbaycan vətəndaşlarının pensiya təyinatı və təyinat üçün sənədlərin təqdim olunma mexanizmini müəyyənləşdirir: «Həmin qaydalar əsasında Xarici İşlər Nazirliyi və Dövlət Sosial Müdafiə Fondunun daxili qaydaları yenidən hazırlanıb. Bu qaydalara uyğun olaraq, xaricdə yaşayan Azərbaycan vətəndaşları öz müraciətləri və müraciətə əlavə olunan pensiya təyinatı üçün əsas hesab edilən sənədləri Konsulluq İdarələrinə təqdim etməlidir. Konsulluq İdarələri Xarici İşlər Nazirliyi vasitəsilə həmin sənədləri DSMF-yə təqdim edəcək. Bununla da, fond pensiya prosesini reallaşdıracaq». DSMF-nin İnformasiya texnologiyaları şöbəsinin müdiri vəzifəsini icra edən Sabir Qocayev fondun “Elektron hökumət” portalında (e-gov.az) və fondun rəsmi internet səhifəsində (sspf.gov.az/ eservices və www.dsmf.gov.az/ eservices) interaktiv və informativ elektron xidmətlərlə bağlı təqdimatla çıxış edib. Tədbir iştirakçılarına həm interaktiv xidmətlər, həm də informativ elektron xidmətlər, onlardan istifadə qaydaları nümayiş etdirilib. Sonra tədbir iştirakçıları DSMF-nin Fərdi uçotun təşkili şöbəsində dövlət sosial sığorta sistemində fərdi uçotun tətbiqi işləri ilə yerində tanış olublar. Burada təqdimatla çıxış edən Fərdi uçotun təşkili şöbəsinin müdiri vəzifəsini icra edən Nigar Pənahova bildirib ki hazırda 2 milyon 630 min nəfərdən çox şəxsə fərdi şəxsi hesab açılaraq sosial sığorta şəhadətnamələri paylanılıb. Vətəndaşların gələcək pensiya təminatında, şəffaflığın təmin olunmasında mühüm rola malik olan "Sığortaolunanlara məlumatların verilməsi" adlı müasir məlumatlandırma sistemi tam istifadəyə verilib. Bu xidmət vasitəsilə istənilən sığortaolunan onun üçün sığortaedən tərəfindən hər ay üzrə ödənilən məcburi dövlət sosial sığortası barədə məlumatları maneəsiz əldə edə və öz pensiya kapitalına, həm də işəgötürəninin onun üçün əmək haqqına uyğun sosial sığorta haqqı köçürdüyünə nəzarət etmək imkanı qazana bilər. Bu islahat tədbirləri sistemdə şəffaflığın daha da artmasına gətirib çıxarmaqla yanaşı, işəgötürənlər üzərində ictimai nəzarətin təşkilinə imkan verir. Tədbir çərçivəsində "190" nömrəli telefon məlumat xidmətinin, eləcə də pensiyaların avtomatlaşmış qaydada təyinatı məqsədilə yaradılan xüsusi “Çağrı Mərkəzi”nin (190-0) fəaliyyəti barədə məlumat verilib, fondun Aparatının müvafiq şöbə müdirləri və mütəxəssisləri tərəfindən avromatlaşdırılmış pensiya təyinatı, pensiyaların ödənişi və uçotu sahəsində elektron sənəd mübadiləsinin tətbiqi istiqamətində maarifləndirici təqdimatlar edilib.
İlkin




 
Bölməyə aid digər xəbərlər
26.05.2019
Sabaha olan hava proqnozu açıqlanıb
26.05.2019
Gəncənin İmamzadə ziyarətgahında Heydər Əliyev Fondunun təşəbbüsü ilə iftar süfrəsi açılıb
26.05.2019
Güclü külək Qubada və Qusarda ciddi fəsadlar törədib
25.05.2019
“Azərişıq” hava şəraitinin kəskin dəyişilməsi ilə bağlı qabaqlayıcı tədbirlər görür
25.05.2019
Heydər Əliyev Fondu növbəti iftar süfrəsini Ağsuda açıb

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10790

1 Üç müharibə iştirakçısı olan general-mayor
2 Oqtay Zülfüqarovun uşaq mahnıları müasir aranjemanda səslənəcək
3 “İrəvan quberniyasına aid arxiv materiallarını oxuduqca hiss edirsən ki, buralar döğma torpaqlardır”
4 Erməni əsilli gimnast: Mxitaryanın yerində olsaydım, komandamla birgə Bakıya gələrdim
5 Vahid Rzayev:”Səhər gördük ki, ermənilər arxiv sənədində özlərinə sərf etməyən hissəni qayçı ilə kəsiblər”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info