“Mən fəxr edirəm ki, azərbaycanlıyam” müsabiqəsinin qalibləri mükafatlandırılıb
Tarix: 30.12.2013 | Saat: 15:51:00 | E-mail | Çapa göndər


“Türkiyə Universitetləri Məzunları” İctimai Birliyi (TUMİB) “Gorqud Plaza” otelində Azərbaycan Respublikası Prezidenti yanında Gənclər Fondunun maliyyə dəstəyi ilə reallaşdırdığı “Mən fəxr edirəm ki, Azərbaycanlıyam” layihəsi çərçivəsində gecə keçirib.
Azərbaycan Respublikasının dövlət himni səsləndirildikdən sonra gecəni giriş sözü ilə açan TUMİB-in sədri Çingiz Bayramov bildirib ki, ulu öndər Heydər Əliyevin “Mən fəxr edirəm ki, azərbaycanlıyam” müdrik kəlamı qardaş Türkiyədə təhsil almış məzunlarımız üçün də qürur mənbəyidir. Məhz bu fikrin daşıyıcıları kimi deyə bilərəm ki, tədbirimizin adı heç də təsadüfi seçilməyib. Bu tədbir Dünya Azərbaycanlılarının Həmrəyliyi Günü, eyni zamanda, Yeni il ərəfəsində qardaş Türkiyə universitetlərinin məzunlarının iştirakı ilə təşkil edilib.
TUMİB-in sədri bildirib ki, “Mən fəxr edirəm ki, azərbaycanlıyam” layihəsi çərçivəsində dörd istiqamət üzrə - rəsm, şeir, mahnı və gənc jurnalistlər arasında yazı müsabiqələri təşkil olunub. Onlarla yeniyetmə və gəncin müsabiqəyə qatıldığını deyən Çingiz Bayramov qeyd edib ki, hər sahə üzə üç qalib müəyyənləşsə də, müsabiqəyə qatılan bütün iştirakçılara həvəsləndirici mükafatların verilməsi qərara alınıb.
Çingiz Bayramov qeyd edib ki, bu, pilot layihədir və gələn il bütün bölgələrdə keçirilməsi nəzərdə tutulur. İndiyədək Binəqədi, Sumqayıt, Gəncə, Mingəçevir və Tovuz rayonlarında “Mən fəxr edirəm ki, azərbaycanlıyam” mövzusunda konfranslar keçirilib. Bu konfranslarla yanaşı, müxtəlif istiqamətli müsabiqələr də təşkil olunub və qaliblər mükafatlandırılıblar.
İB-nin sədri xaricdə təhsil alan bütün tələbə və məzunların, o cümlədən Türkiyə universitetlərinin məzunlarının Prezident İlham Əliyevin daxili və xarici siyasətini yekdilliklə dəstəklədiklərini bəyan edib. O, TUMİB-in növbəti tədbirini Qarabağda keçirəcəyinə əminliyini ifadə edərək, Prezident İlham Əliyevin rəhbərliyi ilə xalqımızın buna nail olacağını deyib.
Gecədə Azərbaycan Respublikası Prezidenti Administrasiyası İctimai-siyasi məsələlər şöbəsinin məsul əməkdaşı Rasim Mirzəyev çıxış edərək xaricdə təhsil almış məzunlara Azərbaycan dövlətinin daim diqqət və qayğısından danışıb.
Türkiyənin Azərbaycandakı səfirliyinin təhsil müşaviri Durmuş Gökmən isə ölkəsində təhsil almış azərbaycanlı məzunları iki ölkə arasında qardaşlıq körpüsü adlandırıb.
Gecədə, həmçinin Azərbaycan Respublikası Prezidenti yanında Gənclər Fondunun Müşahidə Şurasının üzvü Nurəddin Mehdiyev, Gəncliyə Yardım Fondunun vitse-prezidenti Salman Əliyev, Dünya Gənc Türk Yazarlar Birliyinin sədri Əkbər Qoşalı, Jurnalist Araşdırmaları Mərkəzinin sədri Seymur Verdizadə çıxış edərək müsabiqənin əhəmiyyətindən söz açıblar.
Sonda müsabiqədə fərqlənən gənclərə diplom və hədiyyələr təqdim olunub. Onu da qeyd edək ki, bu sətirlərin müəllifi olan “Palitra” qəzetinin əməkdaşı sözügedən mövzuda keçirilən yazı müsabiqəsində birinci yerə layiq görülüb.

Təhminə İsmayılova




 
Bölməyə aid digər xəbərlər
21.02.2019
Dini liderlər Xocalı ilə əlaqədar beynəlxalq təşkilatlara müraciət ediblər
21.02.2019
Azərbaycanda yeni zəli növləri aşkar edilib
20.02.2019
“Azərmarka” Uşaqların Beynəlxalq Müdafiəsi Gününə həsr olunmuş müsabiqə elan edib
20.02.2019
Aqrar İnkişaf Könüllüləri aqrar jurnalistika ilə bağlı layihənin icrasına başlayıb
20.02.2019
Körpəyə vitamin vermək olar?

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10609

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 Milli qəhrəmanlara və şəxsiyyətlərə hücum savaşın tərkib hissəsidir
3 “Əsas oxucu kütləsi sayılan gənclər bu gün internet mediaya daha çox üstünlük verirlər”
4 ABŞ-da atışma: xəsarət alanlar var
5 Yunanıstanda Azərbaycan milli musiqi alətlərinin təqdimatı keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info