Tətil günlərində istirahət mərkəzlərində qiymətlər 30-40 faiz endirilib
Tarix: 07.01.2014 | Saat: 22:29:00 | E-mail | Çapa göndər


Bayram günlərində respublikamızın müxtəlif bölgələrindən Lənkəran və Lerik rayonlarının turizm və istirahət mərkəzlərinə gələnlərin sayı artıb. Qış tətili ilə əlaqədar cənub bölgəsindəki istirahət mərkəzlərində qiymətlərin 30-40 faiz endirilməsi burada dincələnlərə əsl bayram hədiyyəsi olub.
Lənkərana gələn turistlərin əksəriyyəti Xəzər dənizi sahillərində yerləşən otellərdə dincəlməyə üstünlük verir. Bölgədəki turizm və istirahət mərkəzlərinin dünya standartlarına cavab verməsi, xidmətlərin yüksək səviyyədə olması və bayramla bağlı endirimlər turistlərin artması ilə nəticələnib. Lənkərandakı istirahət mərkəzinin təmsilçisi Elman Əliyev deyib: “Yeni il bayramı ilə bağlı mərkəzimizdə böyük hazırlıq işləri görülüb. Zəhmətimiz hədər getməyib. Bayram günlərində nəzərdə tutduğumuzdan da artıq turist qəbul etmişik”.
Dekabrın 31-də Lerikə yağan qar turistlərə əsl bayram əhval-ruhiyyəsi bəxş edib. Rayonun turizm və istirahət mərkəzlərində qiymətlərin yay turizm mövsümünə nisbətən 30-40 faiz endirilməsi də burada dincələnlərin ürəyincə olub. Hazırda səhər yeməyi də daxil olmaqla bir nəfərin gündəlik xərci 30-35 manat təşkil edir ki, bu da yay mövsümünə nisbətən təxminən 30 faiz ucuzdur. Lerikdəki istirahət mərkəzinin nümayəndəsi Şakir Qafarov bildirib ki, otellərdə boş yer yoxdur. Cənub bölgəsinin müxtəlif rayonlarında yerləşən tarixi yerlərə ekskursiyaların təşkil edilməsi və qədim abidələrlə tanışlıq turistlər tərəfindən məmnunluqla qarşılanıb.
Lerik rayonunun Zuvand zonasında yerləşən xizəksürmə məkanları idmanın bu növü ilə məşğul olanları özünə cəlb edib. Turist Eldar Kərimov öz təəssüratlarını bölüşərək deyib: “Lerikə qızımla birlikdə gəlmişəm. İlk dəfədir ki, bu yerlərdə oluruq. Burada hər şey gözəldir: təbiət də, yaradılan şərait də, insanlar da. Yeni il bayramını yüksək səviyyədə qeyd etdik. Burada çalışan bütün insanlara minnətdarıq”.
Cavidan




 
Bölməyə aid digər xəbərlər
20.02.2019
Prezident Cənub Qaz Dəhlizi Məşvərət Şurası çərçivəsində nazirlərin beşinci toplantısında iştirak edir
19.02.2019
Lerik rayonunun Pirəsora və Conu kəndlərində tibb məntəqəsi tikiləcək
19.02.2019
Gözəllik salonlarından oğurluq edən şəxs saxlanılıb
19.02.2019
Masallı MKS-də böyük Azərbaycan dramaturquna həsr olunmuş tədbir keçirilib
19.02.2019
Masallı rayonunda zəlzələ baş verib

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10605

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 Milli qəhrəmanlara və şəxsiyyətlərə hücum savaşın tərkib hissəsidir
3 “Əsas oxucu kütləsi sayılan gənclər bu gün internet mediaya daha çox üstünlük verirlər”
4 Qabaqcıl texnologiyalar dövründə ənənəvi və internet medianın inkişafı
5 ABŞ-da atışma: xəsarət alanlar var


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info