Elə ixtisas seçin ki, gələcəkdə iş tapmaq asan olsun
Tarix: 08.01.2014 | Saat: 22:41:00 | E-mail | Çapa göndər


Azərbaycan təhsili son dövrlərdə bir sıra kriteriyalar baxımından sürətli inkişaf dövrünü yaşayır. Buraya təhsilin maddi-texniki bazasının möhkəmləndirilməsi, xaricə dövlət proqramı əsasında kütləvi sayda tələbələrin göndərilməsi, yeni-yeni məktəblərin tikintisi və sair məsələlər daxildir. Bununla belə, Azərbaycan təhsilində həll edilməsi vacib olan bir sıra problemlər hələ də qalmaqdadır. Buraya birinci növbədə ölkə ali təhsilində hələ həll edilməsi vacib olan bir sıra məsələlər aid edilməlidir. Belə ki, yüksək səviyyədə mütəxəssis və kadr hazırlığı insan kapitalının formalaşdırılması baxımından həyati önəm kəsb edir.
Bu baxımdan ali təhsilin səviyyəsinin yüksəldilməsi ön plana çıxır. Bunun üçün isə ilk növbədə ali təhsil sahəsində olan problemlərin ciddi müzakirəsi lazımdır. Bu problemlərin çoxu ictimaiyyət və təhsil işçiləri üçün tam aydın deyil. Bu barədə olan informasiya qıtlığı də həmin problemlərin mahiyyətinin nələrdən ibarət olması və onların aradan qaldırılması yolları barədə geniş müzakirələrin aparılmasına imkan vermir. Beləliklə, bu problemlər geniş ictimai müzakirələrdən kənarda qalmış olur.
Araşdırmalar göstərir ki, ali təhsil sahəsində olan problemlərə kadr hazırlığı strukturunun əmək bazarının tələbatını tam ödəməməsi, elmi-tədqiqatların nəticələrinin ali təhsilə zəif inteqrasiyası, ali təhsilə ayrılan vəsaitlərin səmərəsiz istifadəsi; ali təhsil müəssisələri şəbəkəsinin təkmil olmaması; ali məktəblərin kadr potensialı və müəllimlərin ixtisasartırma təhsilinin müasir tələblərə cavab verməməsi, ali məktəb tələbələri və məzunlarının hazırlıq səviyyəsinin onların dünya təhsil məkanına çevik inteqrasiyasına imkan verməməsi, ali və orta ixtisas təhsili istiqamətlərinin və magistr proqramlarının köhnəliyi, bakalavr və magistratura pillələrində bir çox ixtisaslar üzrə dərslik çatışmazlığı və köhnəliyi, tələbələrin tədris olunan fənləri mənimsəmə səviyyəsini müəyyənləşdirən monitorinq mexanizmi olmadığından onların biliyinin qiymətləndirilməsində qeyri-obyektivliyə yol verilməsi, magistr hazırlığının məzmununa aid dövlət təhsil standartlarının hazırlanması problemi, kadr hazırlığında fəal interaktiv təlim metodlarından kifayət qədər istifadə edilməməsi,universitet müəllimlərinin peşəkarlıq səviyyəsini müəyyən edən mexanizmin olmaması, universitetlərin fəaliyyətini tənzimləyən normativ sənədlərin kredit sisteminin tətbiqi ilə bağlı müvafiq sənədlərə uyğunlaşdırılmaması, Boloniya prosesində tələbələrin və digər iştirakçıların rolunun yetərli olmaması və sair aiddir.
Həmçinin ali təhsil almaq və gələcəkdə öz ixtisası üzrə mütəxəssis kimi formalaşmaq istəyən gənclərin, yeniyetmələrin və onların valideynlərinin də bu baxımdan maarifləndirilməsi, bilgiləndirilməsi olduqca aktualdır. O da məlumdur ki, Azərbaycanda hökumət tərəfindən gənclərin texniki peşə seçimi ilə bağlı bir sıra qanunlar, dövlət proqramları var və bu sahədə hökumət tərəfindən digər addımlar da atılır. Bununla yanaşı, qeyd olunan problemin həllində görüləsi işlər kifayət qədərdir. Mütəxisslərin fikirincə, orta məktəbdə təhsil alan şagirdlərin gələcək peşə seçimiylə bağlı maarifləndirilməməsi bazar iqtisadiyyatının tələblərinə cavab verə bilməyən istər texniki peşə, istərsədə ali təhsil ocaqlarının ixtisalarına düzgün seçim etməməsi ilə nəticələnir, bu da gənclərin gələcək həyatında işsizliyə düçar olmasına və onların cəmiyyətin bir parçasına çevrilməsinə mane olur. Bu baxımdan gənclərin peşə və ali təhsil ocaqlarının ixtisaslarına yiyələnməsi sahəsində maarifləndirilməsinə ehtiyac var. Şagirdlərin texniki peşə məktəblərinə və ixtisaslarına üz tutmağa laqeyd yanaşması da bu sahədə maaarifləndirmənin yetərincə olmaması faktını göstərir.
Bu baxımdan gənclər arasında bazar iqtisadiyyatının tələblərinə cavab verən peşə və ali təhsil ocaqlarının ixtisaslarına yiyələnməsi üçün orta məktəb, lisey, internat, peşə məktəb şagirdləri və bu məktəbləri bitirmiş şagirdlərin maarifləndirilməsi olduqca vacibdir.
Gənclərin bazar iqtisadiyyatının tələblərinə uyğun peşə və ali təhsil ocaqlarında olan ixtisalara düzgün istiqamətləndirilməsi, bu baxımdan günün tələbidir. Qeyd etdik ki, ölkədə hökumət tərəfindən gənclərin texniki peşə və seçimi ilə bağlı bir sıra qanunlar və dövlət proqramları var və bu sahədə hökümət tərəfindən digər addımlar da atılır. Azərbaycan Respublikasında texniki - peşə təhsilinin inkişaf konsepsiyası (2007- 2012-ci illər) dövlət proqramının qəbul edilməsi, maddi-texniki bazanın gücləndirilməsi də peşə müəssisələrinin inkişafında böyük rol oynayıb. Müasir bazar tələblərinə uyğun orta səviyyəli mütəxəssislərin yetişdirilməsinə də bu gün böyük önəm verilir. Peşə mətkəbləri bu gün 9-11-ci sinifləri bitirən gəncləri tam əhatə etmir. Məktəbi bitirən, ali təhsil almağa getməyənlərin, təhsil almayanların sayı həddindən artıq çoxdur. Qeyd edək ki, peşə təhsili müəssisələrinə həm 9, həm də 11-ci sinif şagirdləri qəbul edilirlər. Natamam orta təhsil bazasından şagirdlər peşə məktəbləri ilə bərabər peşə liseylerinə də qəbul edilirlər.
Peşə hazırlığı ilə bağlı Prezident İlham Əliyev gənclərlə görüşündə də toxunub. O, “Azərbaycan gəncliyi 2011-2015-ci illərdə” Dövlət Proqramında peşə hazırlığına xüsusi diqqət göstərilməli olduğunu bildirib. Dövlət başçısı qeyd edib ki, texniki peşə təhsilinin təkmilləşdirilməsi işində daha da böyük işlər görülməlidir. İndiki mərhələdə peşə məktəblərinin fəaliyyətinə xüsusi diqqət göstərilməli olduğunu vurğulayan Prezident Təhsil Nazirliyinə konkret tapşırıqlar verildiyini bildirib. Bununla yanaşı, qeyd olunan problemin həllində görüləsi işlər kifayət qədərdir. Mütəxəssislərin fikrincə, orta məktəbdə təhsil alan şagirdlərin gələcək peşə seçimiylə bağlı maarifləndirilməməsi bazar iqtisadiyyatının tələblərinə cavab verə bilməyən istər texniki peşə, istərsə də ali təhsil ocaqlarının peşə yönümlü ixtisaslarına düzgün seçim etməməsi ilə nəticələnir. Bu da gənclərin gələcək həyatında işsizliyə düçar olmasına və onların cəmiyyətin bir parçasına çevrilməsinə mane olur. Zamanında ali təhsil ocaqlarının ixtisaslarına düzgün seçim etməyən gənclər ali təhsil ocaqlarından məzun olduqları halda, iş tapa bilmir, ya da ixtisasına uyğun işləmirlər. Bu baxımdan ölkəmizdə gənclərin texniki peşə və ali təhsil ocaqlarında peşə yönümlü ixtisaslara yiyələnməsi sahəsində maarifləndirilməsinə ciddi ehtiyac var. Şagirdlərin texniki peşə məktəblərinə və peşə yönümlü ali təhsil ocaqlarında olan ixtisaslara az üz tutması bu sahədə maaarifləndirmənin yetərincə olmaması barədə əsas faktlardan biridir.
Bütün bu məsələlərlə bağlı KİV ictimaiyyəti mütəmadi olaraq məlumatlandırmalıdır ki, geniş miqyaslı müzakirələrə səbəb olsun.
İlkin AĞAYEV




 
Bölməyə aid digər xəbərlər
20.09.2018
Ədliyyə orqanlarına qulluğa qəbul olunan gənclər and içiblər
20.09.2018
ƏƏSMN və Kiçik və Orta Biznesin İnkişafı Agentliyi arasında memorandum imzalanıb
20.09.2018
Qanvermə aksiyalarının təşkili dini ənənələrə humanist bir töhfədir
20.09.2018
Gömrük xidməti ölkəmizin iqtisadi maraqlarının qorunmasında xüsusi yer tutur
20.09.2018
ADPU-nun Azərbaycan tarixi kafedrasının əməkdaşı Beynəlxalq Forumda iştirak edib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10123

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
5 Ukraynada “Dünya azərbaycanlılarının palitrası” kitabının təqdimatı olub


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info