Yaponiyada “xoşbəxt bazar ertəsi” qeyd olunur
Tarix: 13.01.2014 | Saat: 14:16:00 | E-mail | Çapa göndər


Yanvarın 13-də Yaponiyada Seycin-no Hi - Həddi-Buluğa Çatanlar Günü qeyd olunur.
Bu gündoğar ölkədə gənclər 20 yaşına çatdıqdan sonra həddi-buluğa çatmış hesab edilirlər və bu bayram hər il yanvarın ikinci bazar ertəsi günü qeyd olunur.
Həddi-Buluğa Çatanlar Günündə cari ildə 20 yaşı tamam olmuş gənclər bu məqsədlə təşkil olunmuş mərasimlərə qatılır, təbrikləri qəbul edirlər. Qızlar həmin gün əlvanlığı ilə seçilən uzunqollu xüsusi kimono – furisoda geyinirlər. Oğlanlar isə, əsasən, qara kostyuma üstünlük verirlər. Onların arasında kişilər üçün kimono geyənlərə də rast gəlmək olur.
Bu yaşa çatmış gənc oğlan və qızlar artıq böyüklərin hüquq və vəzifələrinə yiyələnirlər: məhz bu yaşdan sonra onlar seçkilərdə iştirak edir, qanun qarşısında tam məsuliyyət daşıyır və əmək qanunvericiliyi onlara da şamil olunur. Bundan əlavə, məhz 20 yaşına çatdıqdan sonra onlara siqaret çəkməyə və içki içməyə rəsmi olaraq icazə verilir.
Həmin gün hökumət orqanları bu gənclər üçün təntənəli mərasimlər təşkil edərək onlara xüsusi hədiyyələr verirlər. Maraqlı burasıdır ki, 20 yaşı tamam olmuş gənclərin siyahısı yerli hakimiyyət orqanlarına vergilər idarəsi tərəfindən təqdim edilir. Çünki 20 yaşı tamam olmuş hər bir gənc həyat vergisi ödəməlidir. Vergidən yayınanlara dəvətnamə göndərilmir və onlar mərasimə buraxılmırlar.
Yaponiyada Həddi-Buluğa Çatanlar Günü 1948-ci ildən başlayaraq rəsmi şəkildə qeyd edilir. Buna qədər həmin bayram yalnız ailə çərçivəsində qeyd edilmiş və məbədi ziyarətlə tamamlanıb.
Əvvəllər bu bayram yanvarın 15-də qeyd edilirdi və adətən bu, həftənin orta günlərinə düşürdü. Belə əlamətdar gün üçün yalnız bir günün ayrılması çox az idi. Çünki gənclərin çoxu həmin günü doğma şəhərə, evlərinə dönərək ailələri ilə birlikdə qeyd etməyə üstünlük verirdilər. 1998-ci ildə qəbul edilmiş qanuna əsasən, 2000-ci ildən başlayaraq bu bayram yanvarın birinci bazar ertəsinə keçirildi. Beləliklə, gənclər həmin bayramı üç gün ardıcıl şəkildə qeyd etmək imkanı qazanmış oldular. Bu bazar ertəsi günü isə həmin vaxtdan başlayaraq “xoşbəxt bazar ertəsi” adlanmağa başlanıb.
Təhminə




 
Bölməyə aid digər xəbərlər
23.09.2020
“Oruç Reis“ kəşfiyyat-axtarış gəmisi Antalya Limanına qayıdıb
23.09.2020
Yunanıstan XİN bәyanat yayıb
23.09.2020
Avropa İttifaqının zirvә görüşü tәxirә salınıb
23.09.2020
Türkiyә vә Fransa prezidentlәri arasında telefon danışığı olub
23.09.2020
ABŞ-ın Viskonsin ştatında 12 uşaq ölümü ilə bağlı fövqəladə vəziyyət elan edilib

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11602

1 Ətli dovğa
2 Kolumbiyada hindular ispan konkistadorun heykəlini uçurub
3 Azərbaycanda qeyri-maddi mədəni irsin qorunması ilə bağlı qanun layihəsi hazırlana bilər
4 Tural Gəncəliyev: Ermənistan parlamentində müzakirə olunan “Soyqırımı məsələləri haqqında” qanun layihəsi dünya ictimaiyyətini aldatmağa yönəlib
5 Bu il 947 nәfәr daimi yaşamaq üçün Azәrbaycana gəlib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info