AMEA-nın institutlarında “Wikipedia” üzrə xüsusi qruplar yaradılacaq
Tarix: 15.01.2014 | Saat: 20:34:00 | E-mail | Çapa göndər


Azərbaycan Milli Elmlər Akademiyası (AMEA) Rəyasət Heyətinin iclasında “Wikipedia” ensiklopediyasında Azərbaycan həqiqətlərinin qorunması və inkişafında alimlərin vəzifələri məsələsi müzakirə edilib. İclasda AMEA-nın akademik-katibi Rasim Əliquliyev bildirib ki, Azərbaycana qarşı real və potensial təhlükə mənbələrinin vaxtında aşkar edilməsi, ölkəyə qarşı aparılan informasiya müharibəsinə qarşı çevik və effektli adekvat tədbirlərin görülməsi, tarixi həqiqətlər nailiyyətlər və görkəmli şəxsiyyətlərlə bağlı dolğun məlumatların yerləşdirilməsinin həlli vacib olan məsələlərdəndir. Onun sözlərinə görə, xalqın milli-mədəni dəyərləri, tarixi həqiqətləri, görkəmli şəxsiyyətləri haqqında düzgün məlumatlar bu virtual ensiklopediyada yetərincə yerləşdirilməyib: “Belə bir vəziyyət alimlərin bu layihəyə cəlb olunmasına, Azərbaycan haqqında obyektiv, operativ və dolğun informasiyanın daxil edilməsinə ehtiyac yaradıb. Azərbaycan Prezident Administrasiyasından Rəyasət Heyətinə ünvanlanmış 17 dekabr 2013-cü il tarixli məktubda “Wikipedia” virtual ensiklopediyasının dünyadakı populyarlığı, əhəmiyyəti vurğulanır, Azərbaycanın dünyada daha geniş tanıdılması, düzgün təbliği istiqamətində bu resursun geniş potensial imkanlara malik olduğu göstərilir. Bununla belə, məktubda qeyd olunur ki, Azərbaycan “Wikipedia”da lazımi səviyyədə lazımi səviyyədə təmsil olunmur, bu resursda ölkəmizlə bağlı reallığa uyğun elmi məlumatlar yetərli deyil. Məktubda AMEA-nın müvafiq institutlarında “Wikipedia” üzrə xüsusi qrupların yaradılmasının zəruriliyi ifadə olunur, bu qrupların fəaliyyət istiqamətləri müəyyən edilir. Göstərilən istiqamətdə işlərin nəticələri ilə bağlı iki ay müddətində Prezident Administrasiyasına məlumat vermək xahiş olunur”. İclasda qərara alınıb ki, AMEA-nın elmi müəssisə və təşkilatlarının rəhbərləri viki-mühitin Azərbaycanla bağlı zəruri məlumatlarla zənginləşdirilməsində, onların qorunması və inkişafında fəal iştirak etsinlər. Qərara əsasən, elmi-tədqiqat müəssisələrində daimi fəaliyyət göstərən viki-qruplar təşkil olunacaq, əhalinin viki-mühitdə gedən proseslər barədə məlumatlı olması üçün tədbirlər görüləcək, elmi müəssisə və təşkilat əməkdaşlarının “Wikipedia” layihələri üzrə fəaliyyət göstərmələri üçün zəruri olan biliklərə dair təlim kursları təşkil olunacaq. Qərarda vikimetrik araşdırmalara, mövcud problemlərin həllinə diqqəti artırmaq, elmi konfrans və seminarlar təşkil etmək, viki-mühitdə Azərbaycanla bağlı kontentin vəziyyətinə dair fasiləsiz və operativ monitorinqlər keçirmək də tapşırılır.

Nigar Abdullayeva




 
Bölməyə aid digər xəbərlər
14.11.2018
Slovakiyalı qonaqlar Qobustan qoruğundan xoş təəssüratla ayrılıblar
14.11.2018
Monitorinq Mərkəzi ədəbi dildə norma pozuntularının aradan qaldırılması yollarını müəyyənləşdirəcək
14.11.2018
2018-ci ilin oktyabr ayı ərzində Dövlət Miqrasiya Xidmətinə 47 min 985 müraciət qeydə alınıb
14.11.2018
Xəzərdə qəfəs tipli balıq təsərrüfatlarının yaradılması üçün qanunvericilikdə dəyişikliklər edilməlidir
13.11.2018
“Bakcell”in dəstəyi ilə keçirilmiş M.A.P. Festivalı teatr həvəskarlarına unudulmaz təəssüratlar bəxş edib

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10467

1 “Universitetlərdə rəhbər şəxslərin qapıları tələbələr üçün daim açıq olur”
2 Polşalı şagirdlər Azərbaycan nağıllarına illüsturasiyalar çəkiblər
3 “Xaricdə təhsilimi davam etdirsəm, psixologiya sahəsini seçəcəyəm”
4 Azərbaycan turizmi Yunanıstanda təbliğ olunub
5 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info