Hafiz Paşayev: “ADA-da 42 ölkədən tələbə var və onların sayı artacaq”
Tarix: 16.01.2014 | Saat: 23:06:00 | E-mail | Çapa göndər


“Artıq 2-3 ildir sırf diplomatiya sahəsindən kənara
çıxmışıq”

Prezidentin Azərbaycan Diplomatik Akademiyası və İnformasiya Texnologiyaları Universitetinin əsasında ADA Universitetinin yaradılması ilə bağlı sərəncamına həsr olunmuş mətbuat konfransı keçirildi. ADA-nın rektoru Hafiz Paşayev bildirdi ki, 2006-cı ildə təsis olunan akademiya artıq ölkədə və xaricdə kifayət qədər tanınıb:
“Bu vəzifəyə dəvət alarkən cənab Prezidentlə ilk görüşümüzdə mən Prezidentə təklif etdim ki, gələcəkdə ADA daha geniş sahələrdə fəaliyyət göstərsin. Prezident buna öz razılığını verdi. Artıq bizim biznes məktəbimiz, həm magistratura, həm də bakalavr proqramlarımız var. Ad fikirləşərkən qazandığımız adı itirmək istəmədik, dünya təcrübəsinə də müraciət etdik. Məsələn, MGİMO-nu nümunə kimi gətirə bilərik, öncə onlar institut kimi fəaliyyətə başlayaraq daha sonra imkanlarını genişləndirdilər. Hazırda MGİMO adı qalır, lakin onlar universitet statusuna keçiblər. Planlarımız elə idi ki, universitet çərçivəsinə keçməli idik. Artıq 2-3 ildir sırf diplomatiya sahəsindən kənara çıxmışıq. Bu gün 54 fakültəmizdə 42 ölkədən xarici tələbələr təhsil alır və onların sayı artacaq”.
Rektor müavini Fariz İsmayılzadə bildirdi ki, ADA Universiteti bir sıra tanınmış xarici universitetlərlə əməkdaşlıq edir, bunların sırasında ABŞ Miçiqan Universiteti, Monterey Universiteti, Con Hopkins Universitetini qeyd etmək olar.
Qeyd edək ki, hazırda ADA Universiteti özündə biznes fakültəsi, ictimai və beynəlxalq münasibətlər, humanitar və dəqiq elmlər, mühəndislik və informasiya texnologiyaları fakültələrini birləşdirərək təxminən 700 tələbəyə həm bakalavr, həm də magistr dərəcələri üzrə müxtəlif ixtisaslar təklif edən təhsil ocağı kimi fəaliyyət göstərir. Yaxın gələcəkdə tələbələrin, eləcə də proqramların və fakültələrin sayının artırılması planlaşdırılır.
Nigar





 
Bölməyə aid digər xəbərlər
01.06.2020
“Gənc nəslin düzgün yetişdirilməsi dövlət siyasətinin prioritet istiqamətlərindən biridir”
30.05.2020
“Maskaya görə cərimənin tətbiqinin tərəfdarı deyiləm“
30.05.2020
Ordumuz torpaqlarımızı düşmən tapdağından azad etməyə tam hazırdır
30.05.2020
Azərbaycanda məcburi köçkünlərlə iş ardıcıl və planlı sürətdə həyata keçirilir
29.05.2020
Dağlıq Qarabağ münaqişəsi üzrə danışıqlarda mərhələli həll planı hazırda alternativsiz variantdır

Şərh əlavə olunmayıb

    ,    
Tural TAĞIYEV
Anar MİRİYEV
Ağasəf Babayev
Fuad HÜSEYNZADƏ
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11532

1 Leyla Abdullayeva: Ermənistan beynəlxalq ictimaiyyətin diqqətini qanunsuz işğal və dinc əhalinin üzləşdiyi etnik təmizləmə faktlarından yayındırmağa çalışır
2 Qasımbəy yeməyi -VIDEO
3 “Azərbaycanda daxili turizmin 2025-ci ilə qədər inkişaf perspektivləri”
4 Azərbaycan filminə ABŞ-dan sponsorluq təklifi gəldi -VIDEO
5 Yaponiya turistlərə gündəlik 185 dollar verəcək


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info