“Azərbaycan ədəbiyyatı tarixi” çoxcildliyi hazırlanır
Tarix: 23.01.2014 | Saat: 20:27:00 | E-mail | Çapa göndər


AMEA Nizami adına Ədəbiyyat İnstitutunun Elmi Şurasının növbəti iclası keçirilib. AMEA Nizami adına Ədəbiyyat İnstitutunun mətbuat xidmətinin rəhbəri
Ağahüseyn Şükürovun verdiyi məlumata görə, iclasda AMEA-nın vitse-prezidenti, Ədəbiyyat İnstitutunun direktoru, akademik İsa Həbibbəyli institutun 80 illik yubileyinin yekunları barədə ətraflı məlumat verərək, yubiley ərəfəsində işıq üzü görmüş nəşrlər barədə söhbət açıb. Akademik yubiley mərasimini Azərbaycanın elmi sferasında böyük akademik hadisə adlandırıb, mərasimdə Milli Məclis deputatlarının, AMEA rəhbərliyinin, AMEA Rəyasət Heyətinin üzvlərinin, digər tanınmış elm adamlarının, xarici qonaqların iştirakını xüsusi dəyərləndirib. Bu əlamətdar hadisənin ölkə rəhbərliyi tərəfindən Azərbaycan elminə göstərilən qayğının daha bir göstəricisi olduğunu diqqətə çatdıran akademik İsa Həbibbəyli yubiley mərasimində iştirak edən elmi ictimaiyyətə, akademiyanın humanitar sahə üzrə elmi-tədqiqat müəssisələrinin rəhbərlərinə, o cümlədən Ədəbiyyat İnstitutunun əməkdaşlarına minnətdarlığını bildirib. O, AMEA Mərkəzi Elmi Kitabxanası tərəfindən institutun nəşrlərinin nümayiş olunduğu sərginin yüksək səviyyədə təşkil edilməsini də xüsusi vurğulayıb. Akademik bildirib ki, yubiley münasibətilə institutun 10 əməkdaşı AMEA Rəyasət Heyətinin, 17 nəfər isə Azərbaycan Həmkarlar İttifaqları Konfederasiyasının Fəxri fərmanları ilə təltif edilib, institutun elmi əməkdaşlarından 1 nəfərinə professor, 9 nəfərə dosent elmi rütbələri verilməsi qərara alınıb, 25 nəfərə isə şəxsi işlərinə yazılmaqla təşəkkür elan edilib. Akademik İsa Həbibbəyli institut əməkdaşlarını yubiley münasibətilə bir daha təbrik edərək onlara uğurlar arzulayıb. Sonra akademik İsa Həbibbəyli gündəlikdə duran digər məsələ - “Azərbaycan ədəbiyyatı tarixi” çoxcildliyinin V,VI və VII cildlərinin hazırlanması barədə fikir və mülahizələrini bildirib və coxcildliyin mükəmməl şəkildə elmi ictimaiyyətə çatdırılmasının vacibliyini önə çəkib. Akademik nəzərdə tutulmuş materiallar barədə dolğun və müfəssəl məlumat verdikdən sonra açıq, geniş və əhatəli müzakirə keçirilib. Müzakirələrdə akademik İsa Həbibbəyli, AMEA-nın müxbir üzvü Teymur Kərimli, filologiya üzrə elmlər doktorları Qəzənfər Paşayev, İmamverdi Həmidov, Şirindil Alışanlı, Zaman Əsgərli, Vaqif Yusifli, filologiya üzrə fəlsəfə doktoru Esmira Şükürova və başqaları çıxış edib, kitabın strukturu, forması, eləcə də sistemi barədə təklif və mülahizələrini bildiriblər. Bir sıra təyinatlar dəqiqləşdirilib, məsələ üzrə müzakirələrin bundan sonra da davam etdiriləcəyi qərara alınıb. Sonra institutun direktoru, akademik İsa Həbibbəyli tanınmış ədəbiyyatşünas və tərcüməçi, filologiya üzrə elmlər doktoru Ramiz Əsgəri və institutun Elmi informasiya şöbəsinin müdiri Zakirə Əliyevanı yubileyləri münasibətilə təbrik edib. Bəzi əlavə və təkliflərdən sonra sonra müvafiq qərarlar qəbul edilib.
Nigar




 
Bölməyə aid digər xəbərlər
21.02.2019
Dini liderlər Xocalı ilə əlaqədar beynəlxalq təşkilatlara müraciət ediblər
21.02.2019
Azərbaycanda yeni zəli növləri aşkar edilib
20.02.2019
“Azərmarka” Uşaqların Beynəlxalq Müdafiəsi Gününə həsr olunmuş müsabiqə elan edib
20.02.2019
Aqrar İnkişaf Könüllüləri aqrar jurnalistika ilə bağlı layihənin icrasına başlayıb
20.02.2019
Körpəyə vitamin vermək olar?

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10609

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 Milli qəhrəmanlara və şəxsiyyətlərə hücum savaşın tərkib hissəsidir
3 “Əsas oxucu kütləsi sayılan gənclər bu gün internet mediaya daha çox üstünlük verirlər”
4 ABŞ-da atışma: xəsarət alanlar var
5 Yunanıstanda Azərbaycan milli musiqi alətlərinin təqdimatı keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info