Azərbaycanlı tələbədən Kolumbiya Universitetinə dəyərli hədiyyə
Tarix: 30.01.2014 | Saat: 19:26:00 | E-mail | Çapa göndər


Azərbaycandan dünyanın dörd bir yanına ali təhsil almağa gedən aktiv gənclərimizdən sevindirici xəbərlər gəlməkdə davam edir. Müxtəlif sahələr üzrə uğurlu şəkildə təhsil alıb nailiyyətlər qazanan gənclərimiz ictimai, diaspor işlərində fəal olmaqla yanaşı, fərdi şəkildə də yeniliklərə imza atır, ölkəmiz üçün əhəmiyyətli olan bir sıra işlər görürlər. Belə aktiv gənclərimizdən biri Qərənfil Həsənovadır. Qərənfil Həsənova ABŞ-da məşhur Kolumbiya Universitetində təhsil alır. O, Heydər Əliyev Fondunun dəstəyi ilə Kolumbiya Universitetinin Lehman kitabxanasına bir sıra dəyərli məlumatlar toplusu təqdim edib. Bu topluda Azərbaycanın təbliği istiqamətində bir sıra maraqlı məqamlar yer alıb. Qərənfil Həsənovanın “Palitra”ya verdiyi məlumata görə onun belə tədbirləri davamlı olacaq: “Kolumbiya Universitetinin Lehman kitabxanasına Rusiya, Avrasiya və Şərqi Avropa Ölkələri Departamentinə Azərbaycanın tarixi, mədəniyyəti, musiqisi, xalçaları, Qarabağ problemi ilə bağlı çoxlu kitablar və digər əhəmiyyətli informativ materiallar bağışladım. Bunu isə Heydər Əliyev Fondunun dəstəyi ilə reallaşdıra bildim. Düşünürəm ki, bu materiallar və kitablar kifayət qədər maraqlı, dolğun və həqiqəti özündə əks etdirən əsl faktlar toplusu olduğu üçün onlardan yararlanan əcnəbi gənclər ölkəmizlə bağlı xeyli məlumatlar əldə edəcəklər ”.
Qeyd edək ki, Qərənfil Həsənova təhsilini uğurla davam etdirməklə yanaşı, yaşadığı şəhərdə etdiyi könüllülük fəaliyyətinə və ölkəmizin mədəniyyətini uğurla təmsil etdiyinə görə ABŞ prezidenti tərəfindən Prezidentin Fəxri Döş Nişanı ilə təltif edilən gənclərdən biri olub. Qərənfil Həsənovanın digər uğurları da olub və öncül, adı birincilər sırasında hallanan gənc fəalımız hazırda Azərbaycanla bağlı yeni layihələr üzərində işləyir. Qərənfil xanımın ən qısa zamanda həyata keçirmək istədiyi bu layihələrin isə digərləri kimi uğurlu olacağı gözlənilir.
Tural




 
Bölməyə aid digər xəbərlər
10.11.2018
ABŞ İrana qarşı hərbi əməliyyat planlaşdırmır
09.11.2018
Ermənistanın KTMT-dəki nümayəndəsinin geri çağırılması təbiidir, çünki rəsmi Yerevan yanlış siyasət yürüdür
09.11.2018
Ermənistanın bütün müstəvilərdə təcrid və küncə sıxılmış vəziyyətdə olması özünü açıq şəkildə nümayiş etdirir
09.11.2018
Hər bir vətəndaşın borcudur ki, bayrağımızın əbədi dalğalanması üçün üzərinə düşəni etsin
09.11.2018
Azərbaycanın üçrəngli bayrağı özündən əvvəlki bayraqların varisidir

Şərh əlavə olunmayıb



    ,    
Tural Tağıyev
Namiq Əliyev
Namiq Əliyev
Mehriban Nəsib
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10457

1 İncəsənət dünyaya sülh gətirir
2 İsveçdə Skandinaviya Azərbaycanlılarının Koordinasiya Şurası yaradılıb
3 “Universitet müəllimi 30-40 il əvvəl qazandığı bilik və metodlarla auditoriyaya girməməlidir”
4 “Universitetlərdə rəhbər şəxslərin qapıları tələbələr üçün daim açıq olur”
5 Polşalı şagirdlər Azərbaycan nağıllarına illüsturasiyalar çəkiblər


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info