“Ümid” yatağındakı 12 nömrəli quyu istismara verilib
Tarix: 30.01.2014 | Saat: 23:11:00 | E-mail | Çapa göndər


Azərbaycan Respublikası Dövlət Neft Şirkətinin (ARDNŞ) dövlət müstəqilliyi illərində qazandığı zəngin təcrübəyə və inkişaf etdirilmiş infrastruktura arxalanaraq “Ümid” yatağının işlənilməsini uğurla həyata keçirir.
Şirkətin mütəxəssisləri tərəfindən müstəqillik dövründə kəşf olunmuş ilk yataq olan “Ümid”də daha bir uğurlu nəticəyə imza atılıb.
ARDNŞ-in mətbuat xidmətindən bildiriblər ki, “Ümid” yatağındakı 1 nömrəli platformadan 6 min 309 metr dərinliyə qazılmış 12 nömrəli kəşfiyyat quyusu sutkalıq 800 min kubmetr qaz və 200 ton kondensat hasilatı ilə istismara verilib. Hazırda hasil edilən məhsul sualtı boru kəmərləri vasitəsilə sahilə nəql olunur.
Mürəkkəb geoloji kəsilişə, yüksək lay təzyiqlərinə malik strukturda yerləşməsinə baxmayaraq, quyunun işə salınması Azərbaycan mütəxəssislərinin peşəkarlığına daha bir sübutdur. Uzunmüddətli və təhlükəsiz istismar işlərinin aparılması məqsədilə quyu dünyanın “Schlumberger”, “Wheathford”, “Hlliburton” kimi aparıcı şirkətlərinin quyuağzı və quyuiçi avadanlığı ilə təchiz edilib. Qazanılmış nailiyyət ARDNŞ-in öz inkişafında yeni mərhələyə qədəm qoyduğunu bir daha təsdiqləyir. Bu uğur Xəzərin Azərbaycan sektorunda neftlilik və qazlılıq perspektivlərinin böyük olduğunu göstərir, eləcə də gələcəkdə yeni yataqların açılması baxımından ciddi əhəmiyyətə malikdir.
“Ümid” yatağı Bakı şəhərindən cənuba doğru 60 kilometrlik məsafədə, açıq dənizdə, suyun dərinliyi 60 metr olan hissədə yerləşir. Hazırda istismarda olan 1 nömrəli platforma 2009-cu ildə ARDNŞ-in daxili imkanları hesabına tikilərək quraşdırılıb. Platformadan 10 nömrəli quyu 2012-ci ilin sentyabrında istismara verilib. Gələcəkdə platformadan daha 3 istismar quyusunun qazılması nəzərdə tutulub.




 
Bölməyə aid digər xəbərlər
22.02.2019
Bank Xaçmaz filialına işçi axtarır
22.02.2019
Ölkədə ilk dəfə Qubada Elektron Kənd Təsərrüfatı İnformasiya Sisteminin tətbiqinə başlanıldı
22.02.2019
İqtisadiyyat nazirinin rəhbərlik etdiyi Azərbaycan nümayəndə heyəti Çinə gedir
22.02.2019
Mehriban Əliyeva Britaniya Baş nazirinin Azərbaycan üzrə ticarət elçisi ilə görüşüb
22.02.2019
“Azərişıq” sahibkarlıq obyektlərinin elektrik şəbəkəsinə qoşulmasını asanlaşdırıb

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10611

1 Milli qəhrəmanlara və şəxsiyyətlərə hücum savaşın tərkib hissəsidir
2 “Əsas oxucu kütləsi sayılan gənclər bu gün internet mediaya daha çox üstünlük verirlər”
3 Əsərləri dünyanın bütün elektron kitabxanalarında yer alan azərbaycanlı yazar
4 ABŞ-da atışma: xəsarət alanlar var
5 Londonda Karl Marksın məzarına növbəti dəfə vandal hücumu olub


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info