Aycigit Buranov: “İnkişafın Azərbaycan modeli Qırğızıstan üçün də nümunədir”
Tarix: 03.02.2014 | Saat: 14:42:00 | E-mail | Çapa göndər


Gənclər Günü yeni layihə ilə qeyd olundu

Azərbaycan Respublikasının Prezidenti yanında Dövlət İdarəçilik Akademiyasının Siyasi Araşdırmalar İnstitutu və Azərbaycan Gənc Diplomatlar Birliyinin birgə təşkilatlçılığı ilə fevral ayının 1-də “Auditoriyada səfirdir” layihəsinə start verildi. Gənclər Gününə həsr olunmuş ilk tədbir Beynəlxalq Mətbuat Mərkəzində keçirildi. Layihə çərçivəsində gənc diplomatların ilk qonağı Qırğızıstan Respublikasının Azərbaycan Respublikasındakı müvəqqəti işlər vəkili Aycigit Buranov olub. Tədbiri giriş sözü ilə açan AGDB-nin baş katibi Eltun İbrahimov layihənin mahiyyəti haqqında məlumat verərək il boyu müxtəlif ölkələrin səfirləri ilə görüşlər keçiriləcəyini vurğulayıb. Eltun İbrahimov cənab səfiri gənc diplomatlara təqdim edərək qeyd edib ki, qonağımız 39 illik diplomatik xidmət təcrübəsinə malik bir şəxsdir, bir kadr diplomatdır. Baş katib xüsusi olaraq qeyd edib ki, cənab səfir Moskva Dövlət Beynəlxalq Münasibətlər İnstitutunda Prezident İlham Əliyevin tələbə yoldaşı olub.
Tədbirin moderatoru Azərbaycan Respublikasının Prezidenti yanında Dövlət İdarəçilik Akademiyasının Siyasi Araşdırmalar İnstitutunun direktoru, siyasi elmlər doktoru, professor Elman Nəsirov cənab səfirin tərcümeyi-halı haqqında qısa məlumat verib və onun diplomatik fəaliyyətinin bir sıra mühüm istiqamətləri üzrə fikirlərini paylaşıb. Moderator xüsusi olaraq vurğulayıb ki, Azərbaycan- Qırğızıstan münasibətləri strateji tərəfdaşlıq xarakteri kəsb edir və əməkdaşlığın daha da genişlənməsinin böyük imkan və potensialı var. Daha sonra söz səfirə verilib.
Səfir Gənclər Günü münasibətilə gənc diplomatları təbrik edərək, diplomatik xidmət, diplomatın keyfiyyətləri, diplomatın vərdiş və bacarığı, protokol qaydaları və digər sahələr üzrə nəzəri və praktiki xarakterli fikirlər səsləndirib. Azərbaycanda həyata keçirdiyi diplomatik missiyasından məmnun qaldığını bildirib. Azərbaycanın son 10 ildə analoqu olmayan inkişaf tempi nümayiş etdirdiyini qeyd edib. İnkişafın Azərbaycan modelinin bir çox ölkələr, o cümlədən Qırğızıstan üçün bir nümunə olduğunu vurğulayıb. Azərbaycan –Qırğızıstan prezidentlərinin şəxsi dostluq münasibətlərinin ikitərəfli əlaqələrin inkişafına güclü təsir etdiyini diqqətə çatdırıb. Cənab səfir öz çıxışında Moskva Dövlət Beynəlxalq Münasibətlər İnstitutundakı tələbəlik illərinə toxunarkənAzərbaycan Prezidenti İlham Əliyevin tələbə yoldaşı olduğu ilə fəxr etdiyini qeyd edib. Hələ tələbəlik illərində belə, İlham Əliyevin liderlik keyfiyyətlərinə malik olduğunu hiss etdiklərini bildirib. Azərbaycan Prezidentinin elmi axtarışlara və diplomatik sahəyə çox böyük həvəs və bacarığının olduğunu xüsusi olaraq vurğulayıb. Daha sonra cənab Aycigit Buranov gənc diplomatların çox saylı suallarını cavablandırıb.
İlkin




 
Bölməyə aid digər xəbərlər
01.06.2020
Asiya İnkişaf Bankının təşəbbüsü ilə Prezident İlham Əliyevlə bu bankın rəhbərləri arasında videokonfrans keçirilib
01.06.2020
ABŞ-ın Nebraska ştatının qubernatoru Azərabycan Günü elan edib
31.05.2020
Azərbaycan dünyada iqtisadi, siyasi və hərbi cəhətdən regionun ən qüdrətli dövləti kimi qəbul edilir
31.05.2020
Azərbaycana səfər edən Türkiyə vətəndaşlarından 90 günədək viza tələb olunmayacaq
31.05.2020
Müdafiə Nazirliyi: Silah gücü düşmənlə danışılacaq yeganə dildir

Şərh əlavə olunmayıb

    ,    
Tural TAĞIYEV
Anar MİRİYEV
Ağasəf Babayev
Fuad HÜSEYNZADƏ
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11532

1 Leyla Abdullayeva: Ermənistan beynəlxalq ictimaiyyətin diqqətini qanunsuz işğal və dinc əhalinin üzləşdiyi etnik təmizləmə faktlarından yayındırmağa çalışır
2 Qasımbəy yeməyi -VIDEO
3 “Azərbaycanda daxili turizmin 2025-ci ilə qədər inkişaf perspektivləri”
4 Azərbaycan filminə ABŞ-dan sponsorluq təklifi gəldi -VIDEO
5 Yaponiya turistlərə gündəlik 185 dollar verəcək


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info