Şabran hesabat verdi
Tarix: 05.02.2014 | Saat: 19:41:00 | E-mail | Çapa göndər


Şabran Rayon İcra Hakimiyyətində 2013-cü ildə rayonun sosial-iqtisadi inkişafının yekunlarına və Prezident İlham Əliyevin Nazirlər Kabinetinin 2014-cü il 9 yanvar tarixli iclasındakı nitqindən irəli gələn vəzifələrə həsr olunmuş hesabat yığıncağı keçirilib.
Yığıncaqda rayon icra hakimiyyəti başçısının yanında şuranın üzvləri, bələdiyyə sədrləri, müəssisə rəhbərləri, rayon ictimaiyyətinin nümayəndələri iştirak ediblər. Yığıncaq iştirakçıları əvvəlcə ümummilli lider Heydər Əliyevin abidəsi önünə gül dəstələri qoyublar. Daha sonra Şabran rayonunun sosial-iqtisadi inkişafını əks etdirən fotostendlərə baxış keçirilib.
Şabran Rayon İcra Hakimiyyətinin başçısı Novruz Novruzov hesabat məruzəsi ilə çıxış edərək bildirib ki, 2013-cü ildə rayonda sosial-iqtisadi və mədəni-quruculuq sahəsində nəzərəçarpacaq irəliləyiş əldə edilib, sosial əhəmiyyətli bir çox məsələlər öz həllini tapıb. Hesabat ilində Prezident İlham Əliyev rayona iki dəfə səfər etmiş, dövlət əhəmiyyətli layihələr olan Taxtakörpü su anbarı, 25 meqavatlıq Taxtakörpü Su Elektrik Stansiyası və Taxtakörpü-Ceyranbatan su kanalının, eləcə də Bayraq Meydanının, Şabran-Pirəbədil-Zeyvə yolunun, YAP-ın yeni inzibati binasının açılışını edib.
Qeyd olunub ki, 2013-cü ildə Heydər Əliyev Fondu tərəfindən, həmçinin dövlət investisiya vəsaiti hesabına rayonda 300 şagird yerlik üç orta məktəb binası tikilib istifadəyə verilib. Hazırda isə hər biri 80 şagird yerlik daha iki məktəb binasının tikintisinə başlanıb.
Məruzədə Dövlət Proqramına uyğun olaraq Şabran şəhərinin qaz təchizatı ilə bağlı görülən tədbirlər də əksini tapıb. Belə ki, 2013-cü ildə Uzunboyad-Çölquşçu magistral qaz xətti təzələnib, Giləvar və Çölquşçu kəndlərinə təbii qaz verilib. Azəriqaz İstehsalat Birliyi tərəfindən 2014-cü ilin birinci yarısında Zeyvə, Pirəbədil, Pirəmsən, Günəşli, Xəlilli, Dağbilici, Ərəblər kəndlərinə təbii qazın verilməsi, 2014-cü ilin ikinci yarısında Liman, Çayqaraqaşlı, Ləcədi, Hacıqaraqaşlı, Sarvan Zöhramı, Leyti kəndlərinin qazlaşdırılması planlaşdırılır.
Diqqətə çatdırılmışdır ki, Şabranda içməli su və kanalizasiya sisteminin yenidən qurulması işləri başa çatmaq ərəfəsindədir. Bundan başqa rayonun Giləvar kəndinin içməli su şəbəkəsi tam qurulub istifadəyə verilib, Zeyvə kəndinin içməli su şəbəkəsinin tikintisi tamamlanmaq üzrədir. Pirəbədil, Sumaqa, Sumaqa-Qazma, Zöhramı, Dağbilici kəndlərinin içməli su təchizatı şəbəkəsi üçün layihə-smeta sənədləri hazırlanıb və həmin kəndlərə içməli suyun verilməsi üçün tədbirlər görülüb.
2013-cü ildə 589 yeni iş yerləri açılıb ki, bunların da 501-i daimi iş yerləridir. Ötən il rayonda 27,8 min ton taxıl, 537 ton kartof, 7539 ton tərəvəz və bostan bitkiləri istehsal edilib.
Yığıncaqda Azərbaycan Respublikası Prezidenti Administrasiyasının məsul işçisi Arif Novruzov, Milli Məclisin deputatı Tahir Süleymanov çıxış edərək 2013-cü ildə respublikada görülən işlər və əldə edilən uğurlardan, habelə qarşıda duran vəzifələrdən danışıblar.
Sonda tədbir iştirakçıları adından Prezident İlham Əliyevə müraciət qəbul olunub.




 
Bölməyə aid digər xəbərlər
12.11.2018
Yol polisi Bakıda yük daşıma fəaliyyəti ilə məşğul olan nəqliyyat vasitələri sahiblərinə müraciət edib
12.11.2018
Dövlət Gömrük Komitəsinin Akademiyasında Konstitusiya Günü qeyd olunub
12.11.2018
Bakıdan Misirin Şarm əl-Şeyx şəhərinə birbaşa çarter reysi açılıb
12.11.2018
Daşkənddə Dövlət Bayrağı Günü qeyd olunub
08.11.2018
Yük maşınlarının Bakıya daxil olması üçün marşrutlar müəyyən edilib

Şərh əlavə olunmayıb



    ,    
Tural Tağıyev
Namiq Əliyev
Namiq Əliyev
Mehriban Nəsib
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10458

1 İncəsənət dünyaya sülh gətirir
2 İsveçdə Skandinaviya Azərbaycanlılarının Koordinasiya Şurası yaradılıb
3 “Universitet müəllimi 30-40 il əvvəl qazandığı bilik və metodlarla auditoriyaya girməməlidir”
4 “Universitetlərdə rəhbər şəxslərin qapıları tələbələr üçün daim açıq olur”
5 Polşalı şagirdlər Azərbaycan nağıllarına illüsturasiyalar çəkiblər


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info