Putin “1 nömrəli dünya siyasətçisi ” elan olundu
Tarix: 05.02.2014 | Saat: 20:22:00 | E-mail | Çapa göndər


Rusiyanın İTAR-TASS Agentliyi 2013-cü ilin 1 nömrəli siyasətçisinin, 1 nömrəli elm adamının və 1 nömrəli mədəniyyət xadiminin müəyyənləşdirilməsi üçün dünyanın nüfuzlu informasiya agentlikləri və internet resursları arasında sorğu keçirib.
Sorğu ilə bağlı aparıcı beynəlxalq və regional birliklərin, informasiya agentlikləri alyanslarının rəhbərlərindən ibarət Beynəlxalq Ekspert Şurasının fevralın 5-də Moskvada iclası olub. Bir saatdan çox davam edən iclasda Ekspert Şurasının üzvləri – İTAR-TASS Agentliyinin Baş direktoru, Asiya və Sakit Okean Ölkələri Xəbər Agentlikləri Təşkilatının (OANA) prezidenti, MDB İnformasiya Şurasının sədri Sergey Mixaylov, Azərbaycan Dövlət Teleqraf Agentliyi -AzərTAc-ın Baş direktoru, OANA-nın vitse-prezidenti Aslan Aslanov, Xəbər Agentliklərinin Dünya Konqresinin Baş katibi Uve Sorensen (Danimarka), Avropa Xəbər Agentlikləri Alyansının (EANA) Baş katibi Erik Naylen (İsveç), Bolqarıstanın BTA Agentliyinin Baş direktoru, BSANNA-nın vitse-prezidenti Maksim Minçev, Vyetnam İnformasiya Agentliyi Baş direktorunun birinci müavini Le Zui Çuen, İTAR-TASS Agentliyi Baş direktorunun birinci müavini Mixail Qusman iştirak ediblər.
Sonra iclasın yekunlarına dair mətbuat konfransı keçirilib. İTAR-TASS-ın Baş direktoru Sergey Mixaylov mətbuat konfransını açaraq bildirib ki, sorğuda bütün beynəlxalq və regional informasiya agentlikləri birlikləri, o cümlədən EANA, OANA, FANA, BSANNA iştirak ediblər. Peşəkar xəbər media birliyinin üzvləri arasında ilk dəfə keçirilən bu sorğunun suallarını dünyanın 84 ölkəsindən 265 informasiya agentliyi və internet resursu cavablandırıb. 2013-cü ilin ümumdünya reytinqinə 175 informasiya agentliyi və KİV-i 230 görkəmli siyasi xadimin, elm və mədəniyyət sahəsində tanınmış 230 şəxsin namizədliyini təklif edib. Sorğunun nəticələri Beynəlxalq Ekspert Şurası üzvlərinə təqdim olunub.
Qlobal media birliyinin rəyinə əsasən, Rusiya Prezidenti Vladimir Putin 2013-cü ilin “1 nömrəli dünya siyasətçisi” seçilib. Növbəti yerləri Roma Papası Fransisk, AFR Kansleri Angela Merkel, ABŞ Prezidenti Barak Obama və başqaları tutublar.
Dünyanın elm adamları arasında birinci yerə 2013-cü ilin Nobel mükafatı laureatı, britaniyalı alim Piter Hiqqs layiq görülüb. Bu nominasiyada ən çox adları çəkilənlər sırasında Nobel mükafatı laureatları Fransua Enqler (Belçika) və Rendi Şekman (ABŞ) olublar.
Sorğuda adı çəkilən 106 mədəniyyət xadimi arasında Nobel mükafatı laureatı, Kanada yazıçısı Elis Munro qalib gəlib. Xəbər agentlikləri və KİV-lər 2013-cü ildə, həmçinin Valeri Georgiyev (Rusiya) və Malala Yusifzayın (Pakistan) xidmətlərini də qeyd ediblər.
Sorğunun qaliblərinə Beynəlxalq Ekspert Şurasının və İTAR-TASS-ın adından xatirə nişanları təqdim olunacaq.

Təhminə




 
Bölməyə aid digər xəbərlər
01.06.2020
Asiya İnkişaf Bankının təşəbbüsü ilə Prezident İlham Əliyevlə bu bankın rəhbərləri arasında videokonfrans keçirilib
01.06.2020
ABŞ-ın Nebraska ştatının qubernatoru Azərabycan Günü elan edib
31.05.2020
Azərbaycan dünyada iqtisadi, siyasi və hərbi cəhətdən regionun ən qüdrətli dövləti kimi qəbul edilir
31.05.2020
Azərbaycana səfər edən Türkiyə vətəndaşlarından 90 günədək viza tələb olunmayacaq
31.05.2020
Müdafiə Nazirliyi: Silah gücü düşmənlə danışılacaq yeganə dildir

Şərh əlavə olunmayıb

    ,    
Tural TAĞIYEV
Anar MİRİYEV
Ağasəf Babayev
Fuad HÜSEYNZADƏ
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11532

1 Leyla Abdullayeva: Ermənistan beynəlxalq ictimaiyyətin diqqətini qanunsuz işğal və dinc əhalinin üzləşdiyi etnik təmizləmə faktlarından yayındırmağa çalışır
2 Qasımbəy yeməyi -VIDEO
3 “Azərbaycanda daxili turizmin 2025-ci ilə qədər inkişaf perspektivləri”
4 Azərbaycan filminə ABŞ-dan sponsorluq təklifi gəldi -VIDEO
5 Yaponiya turistlərə gündəlik 185 dollar verəcək


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info