Konqresdə ölkəmizdəki dövlət-din münasibətlərinə yüksək qiymət verilib
Tarix: 07.02.2014 | Saat: 14:32:00 | E-mail | Çapa göndər


Dini Qurumlarla İş üzrə Dövlət Komitəsi (DQİDK) ABŞ-da Azərbaycanın tolerantlıq modelini təqdim edib.
DQİDK-nın mətbuat xidmətindən “Palitra”ya verilən məlumata görə, ABŞ Konqresinin dəvəti və Amerika Birləşmiş Ştatları Prezidentinin iştirakı hər il keçirilən Milli Dua Ziyafətində Dini Qurumlarla İş üzrə Dövlət Komitəsinin Beynəlxalq əlaqələr şöbəsinin müdiri Nicat Məmmədli iştirak edib.
Milli Dua Ziyafəti (National Prayer Breakfast) 62 ildir ki, ABŞ-da prezidentlərin və dövlət nümayəndələrinin iştirakı ilə keçirilən ən böyük mərasimlərdən biridir. Builki Ziyafətə dünyanın 134 ölkəsinin nümayəndəsi, o cümlədən iki ölkənin prezidenti, xeyli sayda dövlət və ictimai xadim qatılıb. Ziyafətdə ABŞ Prezidenti Barak Obama çıxış edib. Qeyd etmək lazımdır ki, Azərbaycandan fərqli olaraq postsovet ölkələrinin dövlət rəsmilərindən heç kim tədbirə dəvət olunmayıb.
Elə həmin gün Konqresdə ziyafətlə bağlı təşkil edilmiş postsovet ölkələrində dövlət-din münasibətlərinə dair seminarda Azərbaycanda mövcud dövlət-din münasibətləri və dini tolerantlıq mühiti barədə təqdimat keçirilib. ABŞ konqresmenləri və müxtəlif ölkələrdən olan vətəndaş cəmiyyəti nümayəndələrinin qatıldığı təqdimatda Dövlət Komitəsinin təmsilçisi N.Məmmədli bildirib ki, Azərbaycan Prezidentinin həyata keçirdiyi daxili siyasət fundamental azadlıqlardan olan dini etiqad azadlığının qorunmasına, ölkədəki bütün dini icmalara bərabər imkanların yaradılmasına və ölkəmizdə əsrlər boyu formalaşmış tolerantlıq ənənələrinin daha da möhkəmlənməsinə yönəlib.
Tədbirdə Azərbaycanda fəaliyyət göstərən "Həyat sözü" xristian dini icmasının sədri Rasim Xəlilov da çıxış edərək dini icmaların fəaliyyəti üçün son illər ərzində Dövlət Komitəsi tərəfindən dialoq mühitinin və dini azadlıqların həyata keçirilməsinin təminatı üçün əlverişli şərait yaradıldığını vurğulayıb.
Arizona ştatından konqresmen Trant Franks, Arkanzas ştatından konqresmen Stiv Vomak Azərbaycanda dövlət-din münasibətlərinin yüksək səviyyəsini əyani şəkildə gördüklərini və bu münasibətlərin digər postsovet ölkələri üçün model ola biləcəyini vurğulayaraq, ABŞ-ın bu münasibətlərin daha da gücləndirilməsi üçün hansı töhfələr verə biləcəyindən danışıblar.
Qeyd edilib ki, Azərbaycan hökuməti tərəfindən dövlət-din münasibətlərinin və dini tolerantlığın gücləndirilməsinə yönəlmiş siyasət düzgün qiymətləndirilməli və təqdir edilməlidir. Eyni zamanda bu istiqamətdə müxtəlif dövlətlər və mərkəzlər tərəfindən hazırlanan hesabatlar tərəfli mövqe sərgiləməməli, əksinə, obyektiv reallığı əks etdirməlidir. Məhz bu cür qiymətləndirmə dövlət-din münasibətlərində yeni nailiyyətlərin əldə edilməsi üçün mühüm stimul rolunu oynaya bilər.
Tural




 
Bölməyə aid digər xəbərlər
14.11.2018
Xələf Xələfov Xəzər dənizi məsələləri üzrə səlahiyyətli nümayəndə təyin edilib
14.11.2018
Savelyev: “Rusiya ilə Azərbaycanın münasibətləri bu potensialın reallaşdırılmasının parlaq nümunəsidir”
14.11.2018
Bakıda MDB daxili işlər orqanlarının iclası keçirilir
14.11.2018
Dövlət Komitəsinin nümayəndə heyəti Los-Ancelesdə görüşlər keçirib
14.11.2018
Qarabağa qanunsuz səfər edən Avropa Parlamentinin üzvü Albaniyada arzuolunmaz şəxs elan olundu

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10473

1 “Xaricdə təhsilimi davam etdirsəm, psixologiya sahəsini seçəcəyəm”
2 “Universitetlərdə rəhbər şəxslərin qapıları tələbələr üçün daim açıq olur”
3 Polşalı şagirdlər Azərbaycan nağıllarına illüsturasiyalar çəkiblər
4 Azərbaycan turizmi Yunanıstanda təbliğ olunub
5 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info