“L’avenir.net”: “Bakı şəfəq saçır və alovlanır”
Tarix: 07.02.2014 | Saat: 16:03:00 | E-mail | Çapa göndər


Fransada geniş yayılan “L’avenir.net” internet qəzetində Azərbaycandan bəhs edən “Bakı şəfəq saçır və alovlanır” sərlövhəli məqalə dərc olunub. Müəllif Jan-Kristof Herminaire məqalənin əvvəlində qədim İpək Yolu üzərində, dörd yol ayrıcında yerləşən və “qara qızıl”la zəngin Azərbaycanın paytaxtı Bakının yenidən qurulmasından və bənzəri olmayan müasir şəhərə çevrilməsindən söhbət açıb. Neftin Bakının zəngin yeraltı sərvəti olduğu xatırlanan məqalədə onun Nobel qardaşlarının varlanmasında müstəsna rol oynadığı qeyd edilir. Bildirilir ki, tüfəng qundağı üçün taxta axtarışı məqsədi ilə Qafqaza səfər edən Robert Nobel 1873-cü ildə Xəzər dənizi sahilində yerləşən Bakıya gəlib, bu diyarın “qara qızıl”la zəngin olduğunu bilib, qardaşları Lüdviq və Alfredi də təcili Azərbaycana dəvət edib. Burada ilk quyuları qazdıran Nobel qardaşları 1876-cı ildə neft emalı zavodunun əsasını qoyub, baron Peter von Bilderlinqlə birlikdə Avropada ilk neft kəmərini çəkdirib və tankerlə nefti dünya bazarına çıxarıb, kimyəvi tədqiqat laboratoriyalarını genişləndirib. Əsrin sonunda Bakının dünya neft məhsulunun yarısını verən neft paytaxtına çevrildiyi məqalədə xüsusi qeyd olunub. Jurnalist vaxtilə Nobel qardaşlarının yaşadığı binada hazırda İsveç səfirliyinin və neft şirkətlərinin yerləşdiyini qeyd edib, onların gündəlik istifadə etdikləri əşyaların, mebellərin, tabloların, onların Bakı həyatı ilə bağlı fotolarının saxlandığı barədə oxuculara ətraflı məlumat verib. Məqalədə müasir Bakının simasının getdikcə dəyişdiyi, yeni şəhərsalma layihələrinin həyata keçirildiyi, 2012-ci ildən etibarən “Alov qüllələri” kompleksinin yeni Bakının simvoluna çevrildiyi, paytaxtda uzun illər “Qara şəhər” kimi tanınan ərazidə müasir “Ağ şəhər”in salındığı, müasir butiklərin geniş prospektlərə xüsusi gözəllik verdiyi, evlərin fasadlarının neon lampaları ilə işıqlandırılmasının şəhərin gecəsini gündüzündən daha cazibədar etdiyi bildirilir.
Azərbaycanın Avropaya uğurla inteqrasiya etdiyi xatırlanan məqalədə “Eurovizion-2012” beynəlxalq mahnı müsabiqəsinin ölkəni bütün dünyaya tanıtdığı, müsabiqənin dünyada lüks arxitektura kompleksi kimi tanınan və dənizin sahilində yerləşən “Baku Crystal Hall” da keçirildiyi, onun yaxınlığındakı Dövlət Bayrağı Meydanında üçrəngli Azərbaycan bayrağının dalğalandığı vurğulanıb.
Bakının gündən-günə simasının dəyişdiyi qeyd olunan məqalədə dünya şöhrətli memar Zaha Hadidin layihəsi əsasında tikilən Heydər Əliyev Mərkəzinin bənzəri olmayan memarlıq incisi kimi şəhərə xüsusi yaraşıq verməsindən, Bakının dünyanın ən gözəl şəhərlərindən biri olmasından söhbət açılır.

Nigar




 
Bölməyə aid digər xəbərlər
23.09.2018
Aİ nümayəndələri Naxçıvanda fiziki məhdudiyyətli uşaqlarla görüşüblər
23.09.2018
Naxçıvan Biznes Mərkəzində avropalı diplomatların sahibkarlarla görüşü olub
23.09.2018
Naxçıvanda “Avropa şəhərciyi”nin rəsmi açılış mərasimi olub
23.09.2018
Otman-Bozdağ palçıq vulkanında püskürmə baş verib
23.09.2018
Payız fəsli Azərbaycana daxil oldu

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10132

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 Yalnızlıq qorxusu
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info