Gənclər təşkilatlarının beynəlxalq layihələri maliyyələşdiriləcək
Tarix: 10.02.2014 | Saat: 22:54:00 | E-mail | Çapa göndər


Prezident yanında Gənclər Fondunun, Gənclər və İdman Nazirliyinin, Azərbaycan Tələbələr Birliyinin və Gənclər üçün Təhsil Mərkəzinin birgə təşkilatçılığı ilə Bakıda “Erasmus+” proqramının təqdimatı keçirilib. Tədbirdə Gənclər Fondunun icraçı direktoru Fərhad Hacıyev çıxış edərək “Erasmus+” proqramının Azərbaycan gənclər təşkilatları üçün əhəmiyyətindən danışıb. O, Avropa strukturlarının həyata keçirdikləri layihələri və azərbaycanlı gənclər üçün yaradılmış bu cür imkanları müsbət hal kimi dəyərləndirib.
Ölkəmizdə gənclər siyasətinin uğurla aparıldığını diqqətə çatdıran natiq böyük potensiala malik azərbaycanlı gəncləri cəmiyyətimizin bütün sahələrində daha fəal olmağa çağırıb. Respublikamızda gənclər təşkilatları üçün hər cür şəraitin yaradıldığını söyləyən Fərhad Hacıyev bu sahədə Gənclər Fondunun, Gənclər və İdman Nazirliyinin və Prezidenti yanında Qeyri-Hökumət Təşkilatlarına Dövlət Dəstəyi Şurasının birgə fəaliyyətinin əhəmiyyətini vurğulayıb. Avropa strukturları ilə əməkdaşlığın müsbət keyfiyyətlərindən danışan natiq vurğulayıb ki, Azərbaycanın gənclər təşkilatları bir neçə il mütəmadi surətdə Avropa Şurasının qrant layihələrinin qalibi olublar. İcraçı direktor Gənclər Fondunun bu ildən Azərbaycan gənclər təşkilatları üçün yeni struktur qrantlarının veriləcəyini də diqqətə çatdırıb. Bildirib ki, gənclər təşkilatlarının strukturunun gücləndirilməsi, inzibati xərclərinin ödənilməsi üçün xüsusi kateqoriya tətbiq edilib. Bu kateqoriya çərçivəsində gənclər təşkilatları üçün qrantların maliyyələşdirilməsi nəzərdə tutulub. Bu struktur qrantlarının əsas şərtlərindən biri də ondan ibarətdir ki, həmin kateqoriyaya müraciət edən təşkilatın beynəlxalq təcrübəsi olmalıdır. O, bu sahədə “Erasmus+” proqramının gənclər təşkilatlarına dəstək istiqamətlərini xüsusilə qeyd edib, gənclərimizi beynəlxalq təcrübələrdən və imkanlardan yaralanmağa çağırıb. Təqdimat mərasimində Azərbaycan Tələbələr Birliyinin sədri Elvin Aslanov çıxış edərək “Erasmus+” proqramının ölkəmizin gənclər təşkilatları üçün əhəmiyyətindən söhbət açıb. O, Avropa Komissiyasının (AK) 2014-2020-ci illəri əhatə edəcək bu proqramının Azərbaycanın gənclər təşkilatları tərəfindən təşkil edilmiş beynəlxalq tədbirlərin maliyyə davamlılığının təmin edilməsi istiqamətində mühüm əhəmiyyət kəsb edəcəyini bildirib. Qeyd edib ki, həmçinin proqram çərçivəsində Azərbaycan həqiqətlərinin mütəmadi surətdə avropalı gənclərə vaxtında və düzgün çatdırılması təmin oluna bilər. Tədbirdə Avropa Komissiyasının Təhsil, Audiovizual və Mədəniyyət üzrə İcraçı Agentliyinin gənclər sahəsində eksperti Maksymilian Fras AK-nın 2014-2020-ci illəri əhatə edəcək “Erasmus+” proqramının fəaliyyət istiqamətləri, layihənin mümkün perspektivləri və Azərbaycan gənclər təşkilatlarının proqram çərçivəsində əldə edə biləcəyi imkanlar barədə ətraflı məlumat verib. Həmçinin layihənin Azərbaycan gənclər təşkilatları ilə əlaqələrin yaradılması və gələcəkdə müxtəlif birgə layihələrin həyata keçirilməsi üçün əhəmiyyətindən danışıb. Təqdimat mərasimində “Erasmus+” proqramının icrasını müzakirə etmək üçün İtaliya, Hollandiya, Litva, Ukrayna, Gürcüstan və Türkiyədən ən fəal gənclər təşkilatlarının rəhbərləri də iştirak ediblər.




 
Bölməyə aid digər xəbərlər
19.07.2019
“Şəhərdən Kəndə” aqroekoturizm layihəsinin icrasına başlanılıb
19.07.2019
Milli Mətbuatın 144 illiyi ərəfəsində Nəsimi rayonunda jurnalistlərlə görüş keçirilib
19.07.2019
Naxçıvanda 535 milyon 770 min manatdan çox tikinti-quraşdırma işləri görülüb
19.07.2019
Azərbaycanda hərbi cinayətlərin sayı azalıb
19.07.2019
Yerlər dolduğu üçün Bakıda bəzi hotellər satışı dayandırdı

Şərh əlavə olunmayıb

    ,    
Namiq Əliyev
Anar MİRİYEV
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10835

1 “4-cü qrupa hazırlaşan hər bir abituriyentin arzusu həkim olmaqdır”
2 Pirdovus Abakarova: “İmtahan suallarının asan və ya çətin olması abituriyentin hazırlıq səviyyəsindən asılıdır”
3 ADPU-nun tələbəsi Nərmin Qəhrəmanlı: “Mənim üçün “könüllü” olmaq iş, komanda ilə işləmək təcrübəsi, dostluq, yeni mühit deməkdir”
4 Dünya brendi olmağı hədəfləyən azərbaycanlı gənc
5 “Ali Radada Azərbaycanpərəst deputatların olması bizim gələcək fəaliyyətimizə müsbət təsir edəcək”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info