Telefon və qulaqcıqlar qəzaya səbəb olur
Tarix: 12.02.2014 | Saat: 22:17:00 | E-mail | Çapa göndər


Baş verən yol qəzalarının statistikası və təhlillər onu göstərir ki, həyatımıza, məişətimizə daxil olan mobil aparatlar müsbət tərəfləri ilə yanaşı, xeyli insan ölümünə də səbəb olur. Bunu Daxili İşlər Nazirliyinin Baş Dövlət Yol Polisi İdarəsinin (BDYPİ) İctimaiyyətlə əlaqələr şöbəsinin rəisi polis polkovniki Kamran Əliyev deyib.
Şöbə rəisi bildirib ki, insanlar çox zaman yola çıxanda fikirli olur, bəzən isə sükan arxasında ailə və məişət problemlərini həll etməyə çalışırlar. Bu isə çox zaman acı nəticələrə gətirib çıxarır: "Biz istər piyada, istərsə də sürücü olaq, bütün məişət problemlərini nədənsə çox zaman yola çıxanda fikirləşirik. Ən çox da sürücülər bu problemləri sükan arxasında həll etməyə çalışırlar. Bir də görürsən ki, avtomobili idarə edərkən əlində mobil telefonla danışır və müəyyən ailə-məişət problemlərini həll etməyə çalışır. Bu problemi avtomobili kənarda saxlayıb və ya getdiyi mənzil başına çatdıqdan sonra da həll etmək olar. Nədənsə sürücülər bu problemləri sükan arxasından düşəndən sonra həll etməyi özləri üçün vaxt itkisi kimi qəbul edirlər. Amma çoxlu faktlar var ki, sürücünün sükan arxasında məhz əldə telefonla danışması səbəbindən ağır yol qəzası baş verib". K.Əliyevin sözlərinə görə, piyadaların qulaqcıqlar taxaraq səkidən kənar yollarda hərəkət etmələri də ciddi təhlükə yaradır: "Xüsusən də gənc nəsil qulaqcıqlardan daha çox istifadə edir. Əvvəllər peycerlərdən istifadə edərkən baş qarışırdı, indi isə telefonla ya radioya, ya hansısa musiqiyə qulaq asırlar, ya da hərəkətdə ola-ola internetə girirlər. Bütün bunlar bir çox piyadalar tərəfindən yol hərəkəti qaydalarının pozulması ilə müşayiət edilir. Qulağında qulaqcıq olduğuna görə isə onlar çox zaman yaxınlaşan təhlükəni hiss edə bilmir, avtomobillərin verdiyi siqnalları vaxtında eşitmirlər. Bu isə sonda piyadaların avtomobillər tərəfindən vurulması, hətta onların ölümü kimi acı nəticələrə gətirib çıxarır". Şöbə rəisi BDYPİ adından bir daha sürücülərə və piyadalara müraciət edərək onları yollarda diqqətli olmağa, "Yol hərəkəti haqqında" qanunun tələblərinə ciddi əməl etməyə, özlərinin və ətrafındakı insanların həyatlarını təhlükəyə atmamağa çağırıb. Qeyd edək ki, İnzibati Xətalar Məcəlləsinə görə sükan arxasında telefonla danışan sürücü inzibati məsuliyyətə cəlb edilərək 50 manat, yol hərəkəti qaydalarını pozan piyadalar isə 20 manat cərimə olunurlar.




 
Bölməyə aid digər xəbərlər
15.11.2018
110 şəhid hərbi qulluqçu üzrə 135 vərəsəyə birdəfəlik ödəmənin verilməsinə dair qərar qəbul olundu
14.11.2018
“Veysəloğlu”da şirkət əməkdaşlarının tələbə adını qazanan övladları ilə görüş keçirilib
13.11.2018
Özünüməşğulluq proqramı çərçivəsində 50-dən çox ailəyə mal-materiallar təqdim olunub
13.11.2018
“DOST” mərkəzlərinin yaradılması üçün əlavə vəsait ayrılıb
13.11.2018
13 noyabr - Beynəlxalq Gözdən Əlilliyi olan şəxslər Günüdür

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10481

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı
4 “Gedir dayanmadan zamanın köçü”
5 Daşkənddə Xalq artisti Firudin Səfərovun 85 illik yubileyi qeyd olunacaq


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info