“Putin Rusiyanı dünya iqtisadiyyatı xəritəsinə qaytara bildi”
Tarix: 12.02.2014 | Saat: 22:37:00 | E-mail | Çapa göndər


“Business Insider” nəşri: “Rusiya iqtisadiyyatına pessimist yanaşma üçün heç bir əsas yoxdur”

“Rusiya iqtisadiyyatında baş verən bəzi dalğalanmalardan sonra bu ölkə yenidən dünya ictimaiyyətinin diqqət mərkəzinə düşüb. İlin əvvəlində rublun kursu dollara nisbətən 5,5 faiz aşağı düşüb. Ekspertlərin bir çoxu xəbərdarlıq edir ki, Rusiya iqtisadiyyatı böyük ölçüdə neft və qaz ehtiyatlarının ixracından asılıdır və ölkədə artıq holland sindromu özünü göstərməyə başlayıb. Holland sindromu xam məhsul ixrac edən ölkə iqtisadiyyatları üçün xarakterikdir.
Həmin sindroma tutulan ölkələrin valyutalarının kursu yüksək olur, bu isə yerli biznesə zərbə endirir. Korporativ sektorda əsas söz sahibi dövlət şirkətləridir və fərdi kompaniyaların çatışmazlığı hiss edilir”. Bu fikirlər ABŞ-ın “Business Insider” nəşrində çap edilən “Rusiya iqtisadiyyatına pessimist yanaşma üçün heç bir əsas yoxdur” başlıqlı məqalədə yer alıb. Qəzet yazır ki, Rusiya iqtisadiyyatının bu sindroma tutulması haqqında danışmaq tezdir. “HighTower Advisers” şirkətinin tərəfdaşlarından biri, 20 milyard dollarlıq aktivlərə sahib olan Matias Kulmi hesab edir ki, Rusiyada “PR” problemi var və ona görə də Rusiya iqtisadiyyatı haqqında düzgün olmayan fikirlər səsləndirirlər. O, hesab edir ki, Rusiya valyuta və fond bazarında ciddi uğura imza ata bilməsə də, bu ölkənin iqtisadiyyatının yaşamaq qabiliyyəti digər inkişaf etməkdə olan ölkələrə nisbətən daha yüksəkdir: “Cari hesablardakı profisitə diqqət etmək yetərlidir. Onun əsasında neft gəlirləri dayanır. Amma Rusiya aktiv balansa, ÜDM-in xarici borca nisbətində aşağı göstəriciyə sahibdir. Ölkənin federal büdcəsini uğurlu qiymətləndirmək olar. Fikrimcə, dünya ölkələri Rusiyanın bu göstəricilərini xam məhsul ixrac edən digər ölkələrin göstəriciləri ilə müqayisə etsələr, daha yaxşı olar”.
Kulmi Rusiya iqtisadiyyatını Çin iqtisadiyyatı ilə müqayisə etməyə üstünlük verir: “Biz Rusiya iqtisadiyyatına diqqət etsək görərik ki, bu, nəhəng istehlak bazarıdır. Orada əsasən neft pulları xərclənir və rusiyalı istehlakçı dünyanın zirvəsindədir. Çində isə əks proseslər baş verdi. Bu ölkədə artım dövlət xərcləri və infrastruktur hesabına oldu. ABŞ-dakı enerji bumunun əsasında dayanan müasir texnologiya Rusiya üçün böyük riskdir. Rusiya iqtisadiyyatının investisiyanı stimullaşdırmağa keçmək şansı var. Bu keçid isə infrastruktura sərmayə yatırılmasını tələb edir. Deməli, birbaşa xarici investisiyanın cəlb olunması arta bilər”. Kulmiyə görə Rusiya iqtisadiyyatı haqqında danışanlar çox vaxt səhv edərək düşünülər ki, ölkənin iqtisadiyyatı hələ də bərpa olunma mərhələsindədir: “Ən yaxşı müqayisə kimi İspaniyanın son iki ilini göstərə bilərəm. Biz bu ölkənin iqtisadiyyatını müşahidə edərkən çox əsəbiləşirdik. Amma unutmayaq ki, 1980-ci illərdə İspaniya iqtisadiyyatı inkişaf etməkdə olan bazar idi. Bu ölkənin hansı mərhələləri keçdiyini unutmaq lazım deyil. Bu kimi amilləri nəzərə alsaq aydın olur ki, Rusiya iqtisadiyyatı kifayət qədər yaxşı vəziyyətdədir. Bir daha diqqətə çatdırıram ki, xarici borcun ÜDM-ə münasibətdə 14 faiz təşkil etməsi çox yaxşı göstəricidir. Bu göstəriciyə bir çox inkişaf etmiş dövlət belə, həsəd apara bilər. Rusiya iqtisadiyyatını neftdən gələn gəlir hesabına inkişaf etdirsə də, elə səviyyədə profisit əldə edib ki, bu göstəricini çətin ki, başqa ölkədə tapmaq mümkün olsun. Rusiya təkcə maliyyə inkişafı proqramı yaratmadı-siyasətindəki bütün təzadlara baxmayaraq Putin Rusiyanı dünya iqtisadiyyatı xəritəsinə qaytar bildi”. Məqalədə qeyd edilir ki, “HighTower Advisors” şirkəti Rusiya iqtisadiyyatına 100 milyon dollar sərmayə yatırıb. Şirkət Rusiyaya münasibətdə vahid mövqe ortaya qoymasa da, Kilmi neytrallığını qoruyur.
Anar Miriyev




 
Bölməyə aid digər xəbərlər
20.03.2019
Dariqa Nazarbayeva Qazaxıstan parlamenti Senatının sədri seçilib
19.03.2019
Ermənistan Azərbaycanla azaraq sərhədi keçmiş vətəndaşların mübadiləsinə hazırdır
18.03.2019
Naxçıvanda Çanaqqala zəfərinin ildönümü qeyd olunub
18.03.2019
Ermənistan Rusiya ilə razılıq əldə edə bilmədi
14.03.2019
Ermənistan müdafiə nazirinin müavini və iki vitse-qubernator vəzifələrindən azad edilib

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10700

1 Elektromaqnitizmin müxtəlif sahələrinə mühüm töhfələr verən görkəmli azərbaycanlı alim
2 Akademik Ramiz Mehdiyev tariximizin xanlıqlar dövrünə sənədlər işığında nəzər salır
3 Lənkəranın ucqar kənd məktəbində Novruz şənliyi keçirilib
4 Yuliya Naçalova vəfat edib
5 Film turizmi – yaxşı kino ixrac məhsuludur


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info