BMT-də Qarabağla bağlı çıxışlar olub
Tarix: 20.02.2014 | Saat: 14:49:00 | E-mail | Çapa göndər


“Dağlıq Qarabağ münaqişəsi dövründə cinayətlər törətmiş şəxslərin - aralarında hazırda Ermənistanda yüksək siyasi və hərbi vəzifələr tutan şəxslər də olmaqla - cəzasız qalması iki dövlət arasında sülhə və barışığa nail olmaq istiqamətində ciddi maneədir”. Azərbaycanın BMT yanında Daimi Nümayəndəliyinin yaydığı məlumata görə, bunu BMT Təhlükəsizlik Şurasının gündəliyinin "Beynəlxalq sülh və
təhlükəsizliyin qorunmasında qanunun aliliyinin təşviq edilməsi və gücləndirilməsi" bəndi üzrə qurumun açıq iclasında çıxış edən Azərbaycan nümayəndəsi bildirib. Mövzunun onun ölkəsi üçün vacibliyini vurğulayan Azərbaycan nümayəndəsi deyib ki, Azərbaycanın bu məsələ üzrə mövqeyi onun Cənubi Qafqaz bölgəsində və dünyada davamlı sülh və inkişafın bərqərar edilməsinə töhfə vermək marağından, o cümlədən təcavüz, zorakı separatizm, xarici hərbi işğal və etnik təmizləmələrin nəticələrinin aradan qaldırılmasındakı praktiki təcrübəsindən irəli gəlir.
Əsas diqqət Ermənistan tərəfindən Azərbaycan ərazilərinin işğalına yönəldilib və qeyd edilib ki, 1987-ci ildə qonşu Ermənistanın Azərbaycanın Dağlıq Qarabağ bölgəsinə iddialar irəli sürməsi sonradan Azərbaycan ərazilərinin işğalı, minlərlə azərbaycanlı dinc sakinin qətlə yetirilməsi və bir milyondan artıq azərbaycanlının Ermənistan və işğal edilmiş ərazilərdəki evlərindən qovulması ilə nəticələnib. Bununla yanaşı bildirilib ki, Ermənistanda terrorçuların və müharibə cinayətkarlarının tərənnüm edilməsi, o cümlədən onların milli qəhrəman statusuna qaldırılması və onlara dövlət təltiflərinin verilməsi, Ermənistan rəhbərliyinin qanunun aliliyi və sivil münasibətlərin universal dəyərlərindən nə qədər uzaq olduğunu nümayiş etdirir.
Azərbaycan nümayəndəsi Ermənistan nümayəndəsinin əsassız, yalan və böhtan xarakterli bəyanatına istinad edərək, prezidenti və digər yüksək səviyyəli rəsmi şəxslərinin müharibə cinayətləri və insanlığa qarşı cinayətlərə görə məsuliyyət daşıdığı bir ölkənin bəyanatlarının heç bir çəkiyə malik olmadığını vurğulayıb.
Daha sonra qeyd edilib ki, bu xüsusda mövcud problemlərin həll edilməsinin ən yaxşı yolu Azərbaycan ərazilərinin işğalına son qoyulması, məcburi köçkünlərin öz evlərinə qayıtmaq hüququnun dərhal təmin edilməsi və müharibə dövründə azərbaycanlı mülki şəxslərə qarşı törədilmiş cinayətlərə görə cavabdeh olan bütün şəxslərin məsuliyyətə cəlb edilməsidir.
Tural




 
Bölməyə aid digər xəbərlər
12.11.2018
Aİ nümayəndəsi: Azərbaycan yaxın zamanlarda insan kapitalının artırılmasına və inkişafına nail olacaq
12.11.2018
KİV-ləri Qərbdəki ayrı-ayrı qüvvələrin maraqlarına tabe etdirməyə çalışanlar...
12.11.2018
Lukaşenko: “Bizim qapılar Azərbaycan üçün açıqdır”
12.11.2018
“Ümid edirik, Paşinyan anlayır ki, Paris Sülh Forumundakı çıxışı Ermənistanın xarici siyasəti ilə tamamilə ziddir”
12.11.2018
MDR kanalı: Almaniyadakı erməni mafiyası bütün ölkə ərazisinə səpələnib

Şərh əlavə olunmayıb



    ,    
Tural Tağıyev
Namiq Əliyev
Namiq Əliyev
Mehriban Nəsib
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10458

1 İncəsənət dünyaya sülh gətirir
2 İsveçdə Skandinaviya Azərbaycanlılarının Koordinasiya Şurası yaradılıb
3 “Universitet müəllimi 30-40 il əvvəl qazandığı bilik və metodlarla auditoriyaya girməməlidir”
4 “Universitetlərdə rəhbər şəxslərin qapıları tələbələr üçün daim açıq olur”
5 Polşalı şagirdlər Azərbaycan nağıllarına illüsturasiyalar çəkiblər


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info