Artur Rasizadə: “Azərbaycan ilə Bolqarıstan arasında münasibətlərin dərin tarixi kökləri var”
Tarix: 20.02.2014 | Saat: 18:46:00 | E-mail | Çapa göndər


Fevralın 20-də Azərbaycan Respublikasının Baş naziri Artur Rasizadə ölkəmizdə rəsmi səfərdə olan Bolqarıstan Respublikasının Baş naziri Plamen Oreşarski ilə görüşüb.
Azərbaycan və Bolqarıstan baş nazirlərinin təkbətək görüşündən sonra nümayəndə heyətlərinin iştirakı ilə geniş tərkibdə danışıqlar olub.
Baş nazir Artur Rasizadə bildirib ki, yüksək səviyyədə olan Azərbaycan-Bolqarıstan münasibətlərinin dərin tarixi kökləri var. O qeyd edib ki, hazırda ölkələrimiz arasında dövlət başçıları səviyyəsində yaxşı münasibətlər mövcuddur.
Azərbaycanın Baş naziri iqtisadi əlaqələrin inkişafı məsələsinə toxunaraq vurğulayıb ki, ölkələrimiz arasında istifadə olunmamış xeyli potensial var. O deyib: “Azərbaycan regional və dünya əhəmiyyətli iri enerji layihələri həyata keçirir. Bununla bərabər, Azərbaycan qeyri-neft sektorunun inkişafına da böyük diqqət yetirir. Sənaye, turizm, humanitar əlaqələr sahələrində təmas nöqtələri tapmaq lazımdır ”.
Artur Rasizadə deyib ki, Azərbaycan müdafiə qabiliyyətinin artırılması məsələlərinə də xüsusi diqqət yetirməyə məcburdur, çünki ərazisinin 20 faizi Ermənistan tərəfindən işğal olunub, 1 milyondan artıq insan qaçqın və məcburi köçkünə çevrilib. Baş nazir vurğulayıb ki, Ermənistan Azərbaycan xalqına qarşı etnik təmizləmə siyasəti aparıb, Xocalı soyqırımını törədib, nəticədə qadınlar, uşaqlar və qocalar qətlə yetirilib.
Azərbaycanın Baş naziri əmin olduğunu bildirib ki, Bolqarıstanın Baş nazirinin Azərbaycana səfəri ikitərəfli münasibətlərin hərtərəfli inkişafına təkan verəcək.
Bolqarıstanın Baş naziri Plamen Oreşarski vurğulyıb ki, Azərbaycanın son illərdə qazandığı iqtisadi uğurlar yüksək qiymətə layiqdir. P. Oreşarski deyib ki, Bolqarıstan energetika sahəsində Azərbaycan ilə əməkdaşlığa xüsusi diqqət yetirir və SOCAR-ın Bolqarıstana sərmayə yatırması üçün yaxşı imkanlar var.
Baş nazir Plamen Oreşarski, həmçinin təhsil, mədəniyyət, turizm, kənd təsərrüfatı, müdafiə sənayesi sahələrində əməkdaşlıq potensialını qeyd edib.
Danışıqlar zamanı Bakı və Sofiya arasında birbaşa aviaxəttin açılması, iki ölkənin sahibkarlarının əlaqələrini yaxşılaşdırmaq məqsədi ilə Bolqarıstan-Azərbaycan biznes forumunun keçirilməsi imkanlarına da toxunulub.
Təhminə




 
Bölməyə aid digər xəbərlər
20.09.2018
XİN: “Bütün məsuliyyəti Ermənistan rəhbərliyinin üzərinə düşür”
20.09.2018
Birinci vitse-prezident NATO nümayəndə heyəti ilə görüşüb- YENİLƏNİB
20.09.2018
NATO baş katibinin müavini: “Azərbaycan terrorizmə qarşı mübarizədə qətiyyətli mövqe sərgiləyir”
20.09.2018
“Bugünkü Ermənistanın ideologiyasının faşist ideyalarına əsaslandığı aydın görünür”
20.09.2018
ABŞ: Azərbaycan 2017-ci ildə terrorçuluqla mübarizədə Birləşmiş Ştatların güclü tərəfdaşı olub

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10123

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
5 Ukraynada “Dünya azərbaycanlılarının palitrası” kitabının təqdimatı olub


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info