Bolqarıstanın Baş naziri BSU-da olub
Tarix: 20.02.2014 | Saat: 23:23:00 | E-mail | Çapa göndər


Azərbaycana rəsmi səfəri çərçivəsində Bolqarıstan Respublikasının Baş naziri Plamen Oreşarskinin rəhbərlik etdiyi nümayəndə heyəti Bakı Slavyan Universitetində (BSU) olub.
Universitetin rektoru, professor Kamal Abdulla rəhbərlik etdiyi ali təhsil ocağının tarixi, strukturu, fəaliyyəti və beynəlxalq əlaqələri haqqında ətraflı məlumat verib. Bildirilib ki, universitetdə Bolqar dili və Bolqarşünaslıq ixtisasları üzrə mütəxəssislər hazırlanır və 2007-ci ildən bəri Beynəlxalq münasibətlər fakültəsində ikinci ixtisası bolqar dili olan 14 tələbə məzun olub. Professor K.Abdulla Sofiya Universitetindəki Azərbaycan Dili və Mədəniyyəti Mərkəzinin, BSU-dakı Bolqar Dili və Mədəniyyəti Mərkəzinin dövlətlərimiz arasında əlaqələrin inkişafına töhfə verəcəyinə əminliyini ifadə edib. Azərbaycana rəsmi səfəri çərçivəsində Bakı Slavyan Universitetində olmağından məmnunluğunu ifadə edən Bolqarıstanın Baş naziri Plamen Oreşarski burada bolqar dilinin tədrisi ilə fəxr etdiyini vurğulayıb. Görüşdə, həmçinin azərbaycanlı tələbələrin Bolqarıstanda təcrübə keçməsi barədə fikir mübadiləsi aparılıb. Sonda BSU-nun rektoru K.Abdulla Bolqarıstan rəsmisinə xatirə hədiyyəsi təqdim edib. Daha sonra Bolqarıstanın Baş naziri universitetdə fəaliyyət göstərən Bolqar Dili və Mədəniyyəti Mərkəzi ilə tanış olub. Qonağa ətraflı məlumat verən universitetin dosenti Solmaz Süleymanova bildirib ki, mərkəz 2004-cü il oktyabrın 7-də yaradılıb. Mərkəzdə, həmçinin Bolqarıstandan BSU-ya gələn qonaqlar barədə elektron təqdimat nümayiş olunub, tələbələr bolqar dilində mahnı oxuyublar. Baş nazir Plamen Oreşarski mərkəzə bolqar dilində bədii ədəbiyyat hədiyyə edib. Burada yaradılmış şəraiti yüksək qiymətləndirən Baş nazir xatirə kitabına ürək sözlərini yazıb.




 
Bölməyə aid digər xəbərlər
16.11.2018
Rəsulzadə bələdiyyəsində “Strateji Yol Xəritəsi” müzakirə olunub
15.11.2018
Daxili orqanında narkotik vasitə keçirmək istədi
15.11.2018
AAYDA 100 illik yubileyi ilə əlaqədar qanvermə aksiyası təşkil edib
15.11.2018
Qaçaq yolla dərman gətirilməsi cəhdinin qarşısı alınıb
15.11.2018
Bu vulkanların ətrafında yaşayanlar üçün ciddi təhlükə var

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10488

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info