“ASAN xidmət”ə müraciət üçün qeydiyyat məhdudiyyəti aradan qaldırılır
Tarix: 21.02.2014 | Saat: 15:56:00 | E-mail | Çapa göndər


Novruz bayramı ərəfəsində Bakının Sabunçu rayonunda növbəti "ASAN xidmət" mərkəzinin açılacağı gözlənilir. Bu, Bakı üzrə sayca 4-cü, respublika üzrə isə 6-cı "ASAN xidmət" mərkəzi olacaq. Bu barədə Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin İctimaiyyətlə əlaqələr sektorunun müdiri Anar Hüseynov bildirib. Sektor müdiri qeyd edib ki, yeni mərkəzin mart ayının ortalarına planlaşdırılan açılışı ilə Bakı və Sumqayıt şəhərlərinin əhalisinə "ASAN xidmət" mərkəzlərinə müraciət üçün qeydiyyat məhdudiyyəti tamamilə aradan qaldırılacaq: "Bakıda sayca 4-cü olacaq bu mərkəzin açılmasından sonra "ASAN xidmət" Sabunçu, Xəzər və Pirallahı rayonları da daxil olmaqla, paytaxtın bütün ərazisini və Sumqayıt şəhərini tam əhatə etmiş olacaq. Bu isə o deməkdir ki, bu mərkəz istifadəyə verildikdən sonra artıq Bakı və Sumqayıt şəhərlərinin əhalisi üçün "ASAN xidmət" mərkəzlərində müraciət üçün qeydiyyat məhdudiyyəti tam aradan qaldırılacaq. Yəni bu iki şəhərin əhalisi harada qeydiyyatda olmasından asılı olmayaraq, bu şəhərlərdə hazırda fəaliyyət göstərən 5 "ASAN xidmət" mərkəzlərindən istənilən birinə müraciət edərək xidmətlərdən faydalana biləcəklər".
A.Hüseynovun sözlərinə görə, artıq mərkəzin fəaliyyət göstərəcəyi müvafiq inzibati bina da seçilib. Hazırda mərkəzdə son tamamlama işləri görülür. "ASAN xidmət" mərkəzinin inzibati binası Bakıxanov qəsəbəsi Sülh küçəsində, Sabunçu rayon Polis İdarəsi və Sabunçu rayon Prokurorluğunun yaxınlığında yerləşəcək. Hazırda binaya dəqiq ünvanın verilməsi ilə bağlı Dövlət Agentliyi ilə Sabunçu rayon İcra Hakimiyyəti hakimiyyəti arasında müzakirələr aparılır.
Qeyd edək ki, "ASAN xidmət" mərkəzlərində 10 dövlət qurumu tərəfindən Azərbaycan və xarici ölkə vətəndaşlarına 25 istiqamət üzrə 150-yə yaxın xidmət göstərilir.
Tural




 
Bölməyə aid digər xəbərlər
20.11.2018
DOST Agentliyinin konsepsiyasının təqdimatı olub
20.11.2018
Şəhid anası: Birdəfəlik ödəmələrin verilməsi şəhid ailələrinə qayğının bariz nümunəsidir
19.11.2018
Sabirabadda məcburi köçkünlərin məskunlaşdığı qəsəbə təbii qazla təmin olunub
19.11.2018
“ABC Tədris və İnkişaf mərkəzi“ və “Ahıllara və Tənhalara Dəstək“-dən təqdirəlayiq addım
19.11.2018
Səyyar “ASAN xidmət” davam edir

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10507

1 Davamli dil siyasəti dövlətin əsas prioritet istiqaməti kimi
2 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
3 Şervin Nəcəfpur: “Norveçdə doğulub boya-başa çatsam da, Vətən uzaqda deyil”
4 Almaniyada Naxçıvanla bağlı broşürlər paylanılıb
5 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info