Dili asan öyrənməyin yolu
Tarix: 24.02.2014 | Saat: 17:42:00 | E-mail | Çapa göndər


Gəncliyin Elmi Mədəni İnkişafı Təşkilatı (GEMİ) "Bakı Linqvistika Məktəbi" proqramının açılışını edib. Proqram çərçivəsində ilkin olaraq linqvistika elminin araşdırıcısı və 25 dil bilən Emin Quliyevin "Linqvistikanın sirləri" adlı seminarlar keçiriləcək. Bununla yanaşı gənclər və tədqiqatçılar növbəti həftədən cədvəl üzrə keçiriləcək qeyri-formal tədris proqramı ilə müxtəlif dillərdən Emin Quliyevin təlimlərindən faydalana biləcəklər.
Ötən bazar günü GEMİ-nin ofisində ilk seminar keçirildi. Seminarı öncə GEMİ-nin sədri Sərdar Yusifoğlu açaraq iştirakçıları salamladı. O, proqramın məqsəd və məramları haqda danışaraq bildirdi ki, gənclərə asan dil öyrətməyin yolunu göstərməyə çalışırlar: “Seminarlarımız ödənişsizdir. Hər ayda iki dəfə keçiriləcək dünya dilləri, linqvistikanın inkişaf mərhələləri və dillərin öyrənilməsində müxtəlif təcrübələr, dil öyrənməyin faydaları haqda müzakirələr aparılacaq”.
Dil kursları haqda da danışan S. Yusifoğlu dərslərin qruplarda keçiriləcəyini və gənclərə maksimum endirimlərin ediləcəyini vurğuladı: “Biz çalışacağıq ki, ilkin olaraq bu işi proqram şəklində edək. Amma sonradan bu proqramı daha akademik səviyyədə həyata keçirəcəyik”.
Sonra Emin Quliyev seminara başlayaraq linqvistika elminin incəlikləri haqda məlumat verdi. O, dünya dillərinin vahid qrammatikasını özündə birləşdirən nəzəriyyə üzərində işlədiyini qeyd etdi: “Bura 25 dil daxildir. Hər dildən də təxminən 3000 söz götürülüb”.
E. Quliyev seminarda xarici dil öyrənməyin standartdan kənar fərqli metodlarından danışdı. Onun fikrincə, əcnəbi dili öyrənmək üçün ən əsas güclü qavrayış olmalıdır: “İnsan başqa dil öyrənərkən həm də dil öyrənməyin metodikasını öyrənir. Xarici dili qulaqla, yəni eşidə-eşidə daha asan öyrənmək olar. Bunun üçün də əsasən səsli tədris vasitələrindən istifadə edilməlidir ”.
Qeyd edək ki, seminarlarda iştirak üçün qeydiyyatdan keçmək zəruridir. Qeydiyyat üçün (012) 493 60-01; (050) 482 51-51, həmçinin office.gemi@gmail.com elektron poçtuna CV göndərmək lazımdır.

Fuad




 
Bölməyə aid digər xəbərlər
19.11.2018
Sabirabadda məcburi köçkünlərin məskunlaşdığı qəsəbə təbii qazla təmin olunub
19.11.2018
“ABC Tədris və İnkişaf mərkəzi“ və “Ahıllara və Tənhalara Dəstək“-dən təqdirəlayiq addım
19.11.2018
Səyyar “ASAN xidmət” davam edir
16.11.2018
Sanqaçal qəsəbə sakinləri ilə növbəti səyyar görüş keçirilib
16.11.2018
Sahil Babayev Şəmkirdə 5 rayonun sakinləri ilə görüşüb

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10500

1 “Xaricdə təhsilimi davam etdirsəm, psixologiya sahəsini seçəcəyəm”
2 Davamli dil siyasəti dövlətin əsas prioritet istiqaməti kimi
3 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info