Strasburqda Xocalı soyqırımı qurbanlarının anım mərasimi keçirilib
Tarix: 24.02.2014 | Saat: 20:37:00 | E-mail | Çapa göndər


Azərbaycanın Avropa Şurası yanında Daimi nümayəndəliyi tərəfindən Fransanın Strasburq şəhərində yerləşən XIV əsrə aid "Sen Pyer-lö-Jön" ( Saint Pierre-le-Jeune) kilsəsində XX əsrin ən dəhşətli faciələrindən biri olan Xocalı soyqırımının 22-ci ildönümünə həsr olunmuş anım mərasimi keçirilib. Bu barədə daimi nümayəndəlikdən verilən məlumatda deyilir.
Anım mərasimində Avropa Şurası yanında akkreditasiya olunmuş diplomatik korpusun nümayəndələri, Azərbaycan və Türkiyə diaspor təşkilatlarının təmsilçiləri, yerli ictimaiyyətin nümayəndələri, kilsə üzvləri, xarici qonaqlar, Strasburq Universitetində təhsil alan azərbaycanlı və əcnəbi tələbələr, eləcə də Elzas regionunda yaşayan soydaşlarımız iştirak ediblər.
Mərasimdə Xocalı soyqırımı qurbanlarının xatirəsi bir dəqiqəlik sükutla yad edilib. Tədbirdə çıxış edən Azərbaycanın Avropa Şurası yanında daimi nümayəndəsi, fövqəladə və səlahiyyətli səfir Emin Eyyubov Xocalı soyqırımı haqqında geniş məlumat verib. Səfir bildirib ki, "Qafqazın Srebrenitsası" adlandırılan Dağlıq Qarabağ bölgəsinin Xocalı şəhərində 1992-ci ilin fevralın 25-dən 26-na keçən gecə Ermənistan silahlı qüvvələri dinc əhaliyə qarşı soyqırım aktını həyata keçiriblər. Şəhərin əhalisi məhz azərbaycanlı olduğu üçün Ermənistan ordusu tərəfindən kütləvi qırğına məruz qalıb. Xocalıda cinayətkar ordu qocalara, uşaqlara, qadınlara misli görünməmiş divan tutulub.
Ermənistanın Azərbaycanın Dağlıq Qarabağ da daxil olmaqla 20 faiz ərazisini işğal etdiyini bildirən səfir münaqişənin danışıqlar vasitəsilə həlli ilə ABŞ, Fransa və Rusiyanın həmsədrliyi ilə ATƏT-in Minsk qrupu məşğul olduğunu bildirib. O, Azərbaycanın münaqişənin ərazi bütövlüyü və beynəlxalq hüquq prinsipləri əsasında dinc yolla həllinə tərəfdar olduğunu dəfələrlə bəyan etdiyinə baxmayaraq, Ermənistanın işğalçılıq və hərbi təcavüz siyasətindən bu gün də əl çəkmədiyini ifadə edib. "Xocalıya ədalət" kampaniyası haqqında məlumat verən diplomat Azərbaycan xalqının bütün dünyanın sülhsevər dövlətləri və xalqlarından Xocalıya ədalət istədiyini xüsusilə vurğulayıb.
Səfir, habelə Xocalı soyqırımının dünyanın bir çox ölkələri tərəfindən soyqırım cinayəti kimi tanındığını qeyd edib və bunu Azərbaycanın xarici siyasətinin uğuru olduğunu diqqətə çatdırıb.
Sonra çıxış edən fransız bəstəkar, "Xocalı 613" əsərinin müəllifi Pyer Tilua (Pierre Thilloy) qeyd edib ki, Azərbaycanı yaxından tanıyandan sonra ölkəmizə sözün həqiqi mənasında heyran olub. Bəstəkar Azərbaycanın ən ağrılı yaralarından olan Xocalı soyqırımı haqqında məlumat aldıqdan sonra "Xocalı 613" əsərini bəstələdiyini və soyqırım qurbanlarının acılarını musiqinin dili ilə ifa etdiyini diqqətə çatdırıb.
Qeyd edək ki, anım mərasimində Bordo və Strasburq filarmonik orkestrlərinin solistlərindən ibarət musiqi qrupu P.Tiluanın Xocalı soyqırımının qurbanlarına həsr etdiyi "Xocalı 613" əsərinin simli kvartet üçün uyğunlaşdırılmış versiyası ilə yanaşı, Xəyyam Mirzəzadə və Ciakomo Puçininin (Giakomo Puccini) də əsərlərini ifa edib.
Tural




 
Bölməyə aid digər xəbərlər
19.04.2019
“Qədim mətnlər və klassik mənbələr erməniçilik saxtakarlıqlarını və uydurmalarını ifşa edir“
19.04.2019
Almaniyanın Siegen Universitetinin müəllim və tələbə heyəti “Ulduz” Şokolad Fabrikində
19.04.2019
DGK əsassız ittihamlara söykənən etirazların əks olunduğu video ilə bağlı məlumat yayıb
19.04.2019
“Qanın milliyyəti yoxdur”
18.04.2019
“Bakcell” Formula 1 Azərbaycan Qran Prisinin ilk rəsmi dəstəkçisi oldu

Şərh əlavə olunmayıb

    ,    
Fuad HÜSEYNZADƏ
Esmira Məmmədova
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10751

1 Erməni yoxsa türk qırğını?
2 Müharibə veteranlarına Prezident təqaüdü təsis edilib
3 Hemilton “Formula-1“ tarixinin 1000-ci yarışının qalibi olub
4 Ramiz Mehdiyevin sərəncamı ilə tədbirlər planı təsdiqləndi
5 Bakıda Üçlük ölkələrin birgə ticarət sərgisi keçirilir


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info