“İran yekun razılaşmadan sonra uranı zənginləşdirə bilər”
Tarix: 25.02.2014 | Saat: 00:00:00 | E-mail | Çapa göndər


ABŞ dövlət katibinin müavini Vendi Şerman İranla “altılıq” ölkələri arasında yekun razılaşmanın əldə olunmasından sonra rəsmi Tehranın uranı zənginləşdirməsinin şərtlərini açıqlayıb.
Vendi Şerman İsraildə jurnalistlərə açıqlamasında bildirib ki, İran öz ehtiyacları üçün ölkə daxilində uranı məhdud çərçivədə, tam nəzarət altında, yoxlanılması mümkün olan qədər və müəyyən ölçüdə zənginləşdirə bilər: “Yəni İran yekun razılaşmadan sonra uranı həmin şərtlər qorunmaqla zənginləşdirə bilər. Əgər bu şərtlərə riayət olunmazsa, o zaman yekun razılaşmanın əldə edilməsi mümkün deyil”. Onun sözlərinə görə, ABŞ da İsrail kimi İranın uranın zənginləşdirilməsi prosesinə son qoymasının tərəfdarıdır: “Ancaq bu istəyin reallığa çevrilməsi mümkün deyil. İranla razılaşma bizim istədiyimiz kimi deyil, gördüyümüz kimidir. İranda uranın zənginləşdirilməsi prosesi yoxlama və tam nəzarət altında olmalıdır. ABŞ da daxil olmaqla “altılıq” ölkələri iyulun 20-dək İranla yekun razılaşmanın əldə olunmasının tərəfdarıdır”. V.Şerman deyib ki, növbəti nüvə müzakirələrinin yeri və vaxtı məlumdur: “Ancaq bu danışıqlar çox çətin keçəcək. Lakin müzakirələri daha da çətinləşdirmək lazım deyil, məsələnin həlli üçün diplomatik səylər davam etməlidir. İran hələlik öz öhdəliklərinə əməl edir. ABŞ diqqətlə müzakirələrə qatılıb və danışıqların müsbət nəticələnəcəyi hələlik məlum deyil. Ancaq İran və “altılıq” ölkələri razılaşmanın əldə olunması üçün öz üzərlərinə məsuliyyət götürüblər. Ketrin Eştonun müzakirələrin yeni mərhələsi başlanması ilə əlaqədar mart ayında İrana səfər etməsi qərara alınıb”. ABŞ dövlət katibinin müavini vurğulayıb ki, İranla müzakirələrdə müvəffəqiyyət əldə olunub: “Bu da İranın artıq nüvə silahı əldə edə bilməyəcəyidir. Biz bəzən İsraillə eyni fikirdəyik, bəzən də deyil. Lakin İsrailin mövqeyini öyrənmək bizim üçün əhəmiyyətlidir”.




 
Bölməyə aid digər xəbərlər
15.11.2018
Miqrantlar ABŞ ve Meksika arasında olan sərhəd hasarına çıxdılar
15.11.2018
Yaponiya yaxın 5 ildə 345 minədək əcnəbi işçi qəbul edə bilər
15.11.2018
Rusiya ilə danışıqlar 1956-cı ilin bəyanatı üzərində qurulub
14.11.2018
Mari Le Pen Makron və Merkelə qarşı: Avropa ordusu heç bir halda meydana çıxmamalıdır
14.11.2018
Fransa hökumətində Donald Trampın tənqidi tvitlərinə şərh veriblər

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10477

1 “Xaricdə təhsilimi davam etdirsəm, psixologiya sahəsini seçəcəyəm”
2 “Universitetlərdə rəhbər şəxslərin qapıları tələbələr üçün daim açıq olur”
3 Azərbaycan turizmi Yunanıstanda təbliğ olunub
4 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı
5 “Gedir dayanmadan zamanın köçü”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info