İstanbulda Xocalı faciəsinin qurbanları anılıb
Tarix: 25.02.2014 | Saat: 14:23:00 | E-mail | Çapa göndər


İstanbulda "Zəhra Ana" dərnəyi tərəfindən Xocalı faciəsinin ildönümünə həsr olunmuş anım mərasimi təşkil edilib.
Dialoq və Əməkdaşlıq uğrunda İslam Konfransı Gənclər Forumunun (İKGF) İstanbuldakı qərargahından verilən məlumata görə, tədbirdə Türkiyə cəfərilərinin lideri Səlahaddin Özgündüz, Azərbaycanın İstanbuldakı Baş Konsulu Həsən Zeynalov, Türkiyə millət vəkilləri Atila Kaya və Ali Özgündüz, İKGF-nin Apparat rəhbəri Elməddin Mehdiyev və Azərbaycanlı millət vəkilləri Elman Məmmədov və Aqil Abbas çıxış ediblər.
"Xocalıya ədalət!" kampaniyasının icraçı qurumu, İKGF-nin aparat rəhbəri E.Mehdiyev tədbirdə çıxış edərək İKGF-nin mədəniyyətlərarası dialoq üzrə baş koordinatoru Leyla Əliyevanın təşəbbüsü ilə yaranan kampaniyanın Xocalıda baş verənlərə dünya ictimaiyyəti tərəfindən lazımi hüquqi-siyasi qiymətin verilməsi, faciəni törədənlərin beynəlxalq məhkəməyə çıxarılması yönündə fəaliyyətləri və əldə olunan nəticələr haqqında tədbir iştirakçılarını məlumatlandırıb. E.Mehdiyev həmçinin Azərbaycan dini icmalarının təşəbbüsü ilə başladılmış "Haqqın və Haqqımızın səsi" layihəsi çərçivəsində ictimaiyyətə təqdim olunan "Qazi Qarabağ azanı" haqda danışıb və mənəvi dəyəri yüksək olan bu azanın şəhidlərin ruhunu şad etməyə yönəlik bir çağırış olduğunu bildirib. Qeyd edək ki, Xocalı faciəsinin ildönümü günü Türkiyənin fərqli şəhərlərində, o cümlədən Ermənistanla həmsərhəd bölgələrində Qazi Qarabağ azanının səsləndirilməsi nəzərdə tutulub. Tədbirdə çıxış edən baş konsul Həsən Zeynalov və millət vəkilləri Xocalı faciəsi haqqında ətraflı məlumat verib, faciənin dünyada və xüsusilə Türkiyədə tanıdılmasının əhəmiyyətini vurğulayıblar. Baş konsul Azərbaycanın cəbhədəki vəziyyətlə barışmadığını və hər an torpaqları işğaldan azad etməyə hazır olduğunu qeyd edib. Sonda Türkiyə cəfərilərinin lideri Səlahaddin Özgündüz çıxış edib və Türkiyə ictimaiyyətinin Azərbaycanın kədərini öz kədəri bildiyini qeyd edib. O, Azərbaycanı Vətən olaraq gördüklərini və Qarabağı işğaldan azad etmək üçün 3 milyonluq Türkiyə cəfərilərinin Azərbaycan Respublikasının Prezidenti İlham Əliyevin əmrini gözlədiklərini bildirib.
Tədbirdə Halkalıda yaşayan Türkiyə azərbaycanlıları tərəfindən hazırlanmış videokliplər və məktəblilərin hazırladıqları səhnəciklər iştirakçıları göz yaşlarına qərq edib.
Tural




 
Bölməyə aid digər xəbərlər
22.08.2019
Azərbaycan XİN: Ermənistan heç bir halda demokratiyanın qasidi statusuna iddia edə bilməz
22.08.2019
Əli Kərimli mərasimləri, məzarlıqları özünün təbliğat tribunasına çevirməyə çalışır
21.08.2019
Əli Kərimlinin hərəkətləri şəhidlərimizə, onların yaxınlarına hörmətsizlikdən başqa bir şey deyil
21.08.2019
Mühacirlərin internet TV-ləri haradan maliyyələşir?
20.08.2019
Saakaşvili: “Qarabağ Azərbaycandır, bütün dünya bu fikirdədir”

Şərh əlavə olunmayıb

    ,    
Namiq Əliyev
Namiq Əliyev
Namiq Əliyev
Anar MİRİYEV
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10868

1 Bakıdan avtobusla Naxçıvana gedənlərə şad xəbər
2 Azərbaycana qarşı casusluq edən 128 nəfər aşkar edilib
3 “Məqsədimiz elm xadimləri və tələbələri bir araya toplayaraq “düşünən beyin” komandası qurmaqdır”
4 “Stokholmda Rəssamlıq qalereyası açmaq planım var”
5 Türkiyədən Naxçıvana uçuşlar yeni hava dəhlizi vasitəsilə həyata keçirilir


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info