Rusiya “Manas” hava limanını ələ keçirir
Tarix: 03.03.2014 | Saat: 22:14:00 | E-mail | Çapa göndər


Rusiya tərəfi Bişkekdəki “Manas” beynəlxalq hava limanının 51 faizinə iddialıdır. Qırğızıstan tərəfi Rusiyanın bu təklifini birmənalı şəkildə qəbul edir.
Bəzi ekspertlər bu halda ölkə suverenliyi ilə yanaşı, beynəlxalq hava limanına nəzarəti də itirmək təhlükəsi ilə üzləşə biləcəklərini deyirlər.
Ötən ayın ortalarında Bişkekdə keçirilən Rusiya-Qırğızıstan danışıqlarında tərəflər arasında memorandum imzalansa da ictimaiyyətə bu barədə yalnız indi məlumat verilib. Qeyd edək ki, "Manas" hava limanı beynəlxalq statusa malikdir. Hava limanının səhmlərinə Rusiyanın "Rosneft" kompaniyasının törəmə şirkəti olan “Novaport” şirkəti iddialıdır. Bu şirkət beynəlxalq aeroportun inkişafı üçün 350 milyon dollar investisiya yatırmağa hazır olduğunu bəyan edib. "Rosneft"in dünyanın aparıcı şirkətlərindən biri olduğunu nəzərə çatdıran “Manas” beynəlxalq hava limanının vitse-prezidenti Abdimalik Busurmankul "Azattyk" saytına müsahibəsində bildirib ki, belə bir addım ölkəyə yalnız fayda verə bilər: “Bu məsələ yerli aviaşirkətlərin fəaliyyətinə müsbət təsir göstərməklə yanaşı, onların yanacaq almaq imkanına, daxili və xarici istiqamətlərə uçuşların qiymətlərinə müsbət təsir edəcək”. Cəlbedici investisiya üstünlüklərinə baxmayaraq, ölkədəki strateji müəssisələrin xarici şirkətlərin nəzarətinə keçməsindən narahat olanlar da var. Strateji obyektlərin dövlət suverenliyini təmin edən xüsusiyyətlərdən biri kimi xarakterizə edən ictimai xadim Topçubek Turgunaliev deyib: “Nazirlər Kabinetinin ölkədəki strateji müəssisələrdən belə asanlıqla vaz keçməsinin səbəbini başa düşə bilmirəm”. Qırğızıstan Gənc Sahibkarlar Birliyinin sədri Ruslan Akmatbek də “Manas” limanının satılması ilə bağlı məsələyə eyham vuraraq, ölkəsinin gəlirli sahədən belə asanlıqla təcrid olunmasına təəssüfləndiyini qeyd edib. Xatırladaq ki, bu ilin iyun ayında “Manas”ı tərk edəcək ABŞ Hava Qüvvələri hər il ərazinin icarəsi üçün Qırğızıstana 60 milyon dollar ödəyirdi.
Ağasəf Babayev




 
Bölməyə aid digər xəbərlər
18.03.2019
Ermənistan Rusiya ilə razılıq əldə edə bilmədi
14.03.2019
Ermənistan müdafiə nazirinin müavini və iki vitse-qubernator vəzifələrindən azad edilib
14.03.2019
Ermənistanda vergilər artırıldı
14.03.2019
Yerevanda polislə aksiya iştirakçıları arasında toqquşma baş verib
14.03.2019
Tacikistan-Qırğızıstan sərhədində qarşıdurma baş verib

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10697

1 Akademik Ramiz Mehdiyev tariximizin xanlıqlar dövrünə sənədlər işığında nəzər salır
2 Təhsilə qoyulan sərmayə gələcəkdə yüksək potensiala malik savadlı gənclərin yetişməsini təmin edəcək
3 Xaricdəki və yerli ictimai birliklərin növbəti virtual görüşü olub
4 “Kaspersky Password Manager” proqramının yeni versiyası şifrənin təhlükəsizliyini yoxlayır
5 “Sondakika.com”: “Apreldən TANAP-ın Avropaya təbii qaz göndərəcək hissəsində sınaqlara başlanacaq”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info